တနင်္သာရီတိုင်းဒေသကြီး၊ ထားဝယ်ခရိုင်အတွင်း ရေကြီးမြေပြိုမှုကြောင့် ဘေးသင့်ခဲ့သည့် ဒေသခံပြည်သူများ ပြန်လည်ထူထောင်ရေးလုပ်ငန်းများအတွက် အကူအညီများ ဆက်လက် လိုအပ်နေဆဲဖြစ်ကြောင်း ဒေသခံများနှင့် ကယ်ဆယ်ရေးအဖွဲ့များထံမှ သိရသည်။သဘာဝဘေးသင့်ပြည်သူများအတွက် ရေတိုအရေးပေါ် စားနပ်ရိက္ခာအချို့သာ လာရောက်လှူဒါန်းထားသဖြင့် ရေရှည်ပြန်လည်ထူထောင်ရေးအတွက် ထောက်ပံ့မှုများ အလွန်အားနည်းနေကြောင်း ဒေသတွင်း ကူညီကယ်ဆယ်ရေး ဆောင်ရွက်နေသူတစ်ဦးက ပြောသည်။“ပြန်လည်ထူထောင်ရေးက ဒီသရက်ချောင်းဘက်မှာဆို အလှူရှင်သိပ်မရှိဘူး...