မော်လမြိုင် ဖေဖေါ်ဝါရီ (၁)
မွန်ပြည်နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဌ ဦးအောင်ကြည်သိန်းကို မွန်ပြည်နယ် ဝန်ကြီးချုပ်အဖြစ် စစ်ကောင်စီက ခန့်အပ်လိုက်သည်။
၂၀၀၈ စည်းပုံအခြေခံဥပဒေ ပုဒ်မ ၄၁၉ အရ ဦးအောင်ကြည်သိန်းအား မွန်ပြည်နယ်ဝန်ကြီးချုပ်အဖြစ် ခန့်အပ်လိုက်ကြောင်း စစ်ကောင်စီက ဖေဖော်ဝါရီ ၁ ရက်နေ့ ညနေက ထုတ်ပြန်ခဲ့သည်။
စစ်တပ်အာဏာသိမ်းပြီးနောက် ဦးအောင်ကြည်သိန်းကို မွန်ပြည်နယ် အစိုးရအဖွဲ့တွင် သယံဇာတရေးရာဝန်ကြီးအဖြစ် တာဝန်ထမ်းဆောင်ခဲ့သူဖြစ်သည်။
ဦးအောင်ကြည်သိန်းသည် ၂၀၁၇ ကြားဖြတ်ရွေးကောက်ပွဲတုန်းက ချောင်းဆုံမြို့နယ် ပြည်သူ့လွှတ်တော် မဲဆန္ဒနယ် အမှတ် (၂) တွင် ရွေးကောက်တင်မြှောက်ခံခဲ့ရပြီး ၂၀၂၀ ရွေးကောက်ပွဲတွင်မှာတော့ ရှုံးနိမ့်ထားသူတစ်ဦးဖြစ်သည်။
