spot_img
Monday, April 22, 2024
More
    spot_img
    HomeCovid 19အာဆီယံနိုင်ငံများတွင် ထိုင်းနိုင်ငံက ကိုဗစ်-၁၉ ကူးစက်မှုအဆင့် ၅ သို့ ရောက်ရှိလာ

    အာဆီယံနိုင်ငံများတွင် ထိုင်းနိုင်ငံက ကိုဗစ်-၁၉ ကူးစက်မှုအဆင့် ၅ သို့ ရောက်ရှိလာ

    -

    မွန်သတင်းအေဂျင်စီ (၂၀၂၁ မေ ၇)

    မြန်မာ့အိမ်နီးချင်းနိုင်ငံဖြစ်သည့် ထိုင်းနိုင်ငံတွင် ကိုဗစ်-၁၉ ကူးစက်မှုတတိယလှိုင်း ရောဂါကူးစက်မှုနှုန်းနှင့် သေဆုံးမှုနှုန်း နှစ်ဆကျော်မြင့်တက်လာခဲ့ပြီး အာဆီယံနိုင်ငံများအတွင်း ကူးစက်မှုအမြင့်ဆုံး အဆင့် ၅ အထိ ရောက်ရှိလာကြောင်း တွေ့ရှိရသည်။

    ထိုင်းကိုဗစ် ၁၉ သတင်းအချက်အလက်စင်တာမှ ယနေ့ထုတ်ပြန်ချက်အရ နိုင်ငံတစ်ဝန်းလုံးတွင် ရောဂါစတင်ဖြစ်ပွားချိန်မှစတင်၍ စုစုပေါင်းကူးစက်သူ ၇၈,၈၅၅ ဦးနှင့် သေဆုံးသူ ၃၆၅ ဦးအထိရှိခဲ့ပြီး လတ်တလောရက်ပိုင်းအတွင်းမှာပင် စင်ကာပူနိုင်ငံကို ကျော်သွားခဲ့သည်။

    မြန်မာနိုင်ငံတွင်လည်း လက်ရှိအချိန်အထိ ကိုဗစ်-၁၉ အတည်ပြု လူနာစုစုပေါင်း ၁၄၂,၈၇၄ ဦး၊ သေဆုံးသူ ၃၂၁၀ ဦးနှင့် ဆေးရုံဆင်းခွင့်ရရှိသူ ၁၃၁,၉၉၉ ဦးရှိပြီး  အာဆီယံနိုင်ငံများအနက် ကိုဗစ်-၁၉ ကူးစက်ခံရပြီး သေဆုံးမှုအမြင့်ဆုံး တတိယနိုင်ငံအဖြစ် ရပ်တည်လျှက်ရှိသည်။

    အင်ဒိုနီးရှားနိုင်ငံသည် ရောဂါကူးစက်သူဦးရေ ၁ ဒသမ ၇ သန်းနီးပါးနှင့် သေဆုံးသူဦးရေ ၄၆,၀၀၀ ကျော်ဖြင့် ကူးစက်မှုအမြင့်ဆုံးနိုင်ငံအဖြစ်ရပ်တည်လျှက်ရှိပြီး ၎င်းအနောက်တွင် ဖိလစ်ပိုင်နိုင်ငံ၊ မလေးရှားနိုင်ငံ၊ မြန်မာနိုင်ငံ၊ ထိုင်းနိုင်ငံ၊ စင်ကာပူနိုင်ငံ၊ ကမ္ဘောဒီးယားနိုင်ငံ၊ ဗီယက်နမ်နိုင်ငံ၊ ဘရူနိုင်းနိုင်ငံနှင့် လာအိုနိုင်ငံတို့က အသီးသီးရပ်တည်လျှက်ရှိသည်။

    ထို့အပြင် တစ်ကမ္ဘာလုံးအတိုင်းအတာ အနေဖြင့် ရောဂါကူးစက်မှုအမြင့်ဆုံးနိုင်ငံဖြစ်သည့် အမေရိကန်နိုင်ငံသည် ကူးစက်ခံရသူ ၃၃ ဒဿမ ၃ သန်းကျော် သေဆုံးသူ ၅ သိန်း ၉ သောင်းကျော်ရှိပြီး အိန္ဒိယနိုင်ငံက ဒုတိယကူးစက်မှုအမြင့်ဆုံးနိုင်ငံဖြစ်ကာ ရောဂါကူးစက်သူ ၂၁ ဒဿမ ၄ သန်းကျော်နှင့် သေဆုံးသူ ၂ သိန်း ၃ သောင်းကျော်ရှိပြီ ဖြစ်သည်။

    ကိုဗစ်-၁၉ စတင်ဖြစ်ပွားချိန်မှစ၍ ကမ္ဘာတစ်ဝှမ်းလုံးတွင် ရောဂါကူးစက်ခံရသူ ၁၅၆ ဒဿမ ၇ သန်းကျော်၊ သေဆုံးသူဦးရေ ၃၂၇ သန်းကျော်နှင့် ပြန်လည်သက်သာသူ ၁၃၄ ဒဿမ ၁ သန်းကျော်ရှိပြီးဖြစ်ကြောင်း WHO က ထုတ်ပြန်ကြေညာထားသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    22,500SubscribersSubscribe
    spot_img

    Latest posts