spot_img
Wednesday, April 17, 2024
More
    spot_img
    HomeCovid 19ကိုဗစ်ပိုးတွေ့လူနာတိုးလာသဖြင့် သေဆုံးမှုနှုန်းမြင့်တက်လာ

    ကိုဗစ်ပိုးတွေ့လူနာတိုးလာသဖြင့် သေဆုံးမှုနှုန်းမြင့်တက်လာ

    -

    ဗညားပိုင် (၂၀ ဇန်နဝါရီ ၂၀၂၁)

    မွန်ပြည်နယ်တွင် ယခုလအတွင်း ကိုဗစ်-၁၉ အတည်ပြုလူနာအရေအတွက်တိုးလာရာ ရောဂါပြင်းထန်သည့်လူနာများသဖြင့် သေဆုံးမှုနှုန်းမြင့်တက်လာကြောင်း မွန်ပြည်နယ် ပြည်သူ့ကျန်းမာရေးဦးစီးဌာန ဒုတိယညွှန်ကြားရေးမှူး ဒေါက်တာဝတ်မှုံက ပြောသည်။

    ကိုဗစ်ရောဂါဖြစ်ပွားချိန်ကာလတလျှောက်တွင် ဒီဇင်ဘာလကုန်ပိုင်းအထိ သေဆုံးသူ ၂၅ ဦးခန့်ရှိခဲ့ရာမှ ယခုဇန်နဝါရီလလယ်ပိုင်းတွင် သေဆုံးသူ ၇ ဦးတိုးလာသည့်အတွက် ပြည်နယ်အတွင်း သေဆုံးသူ စုစုပေါင်း ၃၂ ဦးရှိလာကြောင်း သိရသည်။

    “ပိုးတွေ့လူနာတွေ များလာမယ်ဆိုရင် ပြင်းထန်တဲ့လူနာ ပိုများမယ် ပြီးရင် သေဆုံးနိုင်တဲ့လူနာလဲ ပိုများလာတဲ့ သဘောတော့ရှိတာပေါ့၊ အရင်ကတော့ လူနာတွေ တစ်ချက်နည်းလာတယ် ဒီဇန်နဝါရီလမှာတော့ လူနာတွေပြန်များလာတယ်၊ ဖြစ်နိုင်ချေကတော့ လူနာတွေများများတွေ့လေလေ သေဆုံးမှုကလည်း ပိုများလာလေပေါ့နော်” ဟု ဒေါက်တာဝတ်မှုံက ဆိုသည်။

    ယခုလအတွင်း တစ်နေ့လျှင် ကိုဗစ်-၁၉ ကူးစက်မှုအတည်ပြုလူနာ ၃၀ ဦး မှ ၄၀ ဦးကြားရိနှေကြောင်း ၎င်းကဆက်ပြောသည်။

    “တော်တော်များများကတော့ ဆီးချို၊ သွေးတိုး၊ TB အဆုတ်ရောင် ရောဂါတွေ ရှိကြတယ်။ ဒါပေမယ့် ဆိုးဝါးနေတဲ့ ဆီးချိုဝေဒနာရှင်တွေ ဆုံးတာရှိသလို၊ ပြီးတော့ ပုံမှန်သွားလာနေတဲ့ အလုပ်လုပ်ကိုင်နေတဲ့ ဆီးချိုဝေဒနာရှင်တွေလဲ ဆုံးသွားတာရှိတယ်။ သေဆုံးပြီးမှ ရောဂါနာမည် မသိရပဲနဲ့ စစ်ဆေးတဲ့အခါမှာ ရောဂါပိုးတွေ့တဲ့လူ ၅ ယောက်လောက်ရှိတယ် ရောဂါအခံမရှိတဲ့သူတွေပေါ့နော်” ဟု ဒေါက်တာဝတ်မှုံက ဆက်ပြောသည်။

    မွန်ပြည်နယ်တွင် ကိုဗစ်အတည်ပြုလူနာစာရင်း ဇန်နဝါရီလ ၂၀ ရက်နေ့ထိ ၃၀၀၀ ကျော်၊ ရောဂါမှ ပြန်လည်သက်သာလာပြီး ဆေးရုံမှဆင်းခွင့်ရှိသူ ၂၇၀၀ ကျော် ဆေးရုံတွင် လက်ရှိရောဂါကုသနေသူ ၃၁၄ ဦး ရှိကြောင်း သိရသည်။

    မြန်မာတစ်နိုင်ငံလုံး၌ ဇန်နဝါရီလ ၂၀ ရက်၊ ည ၈ နာရီထုတ်ပြန်ချက်အရ ကိုဗစ်-၁၉ ဓာတ်ခွဲအတည်ပြုလူနာ စုစုပေါင်း ၁၃၅,၇၂၁ ဦးရှိပြီး၊ ဆေးရုံမှ ဆင်းခွင့်ရရှိသူ ၁၁၉,၃၁၄ ဦး၊ သေဆုံးသူဦးရေ ၂,၉၉၇ ဦးရှိပြီး တစ်နိုင်ငံလုံးအတိုင်းအတာအနေဖြင့် နေ့စဉ်ပိုးတွေ့လူနာအရေအတွက် ၅၀၀ အောက်သို့ ကျဆင်းလာသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    22,300SubscribersSubscribe
    spot_img

    Latest posts