မွန်သတင်းအေဂျင်စီ (၃၁ သြဂုတ် ၂၀၂၁) ရွှေစျေးနှင့် ဒေါ်လာငွေလဲနှုန်းသိသိသာသာအပြောင်းအလဲမရှိသေးသော်လည်း ထိုင်းမြန်မာငွေလဲနှုန်းတွင် ယနေ့ပေါက်စျေးအရ ထိုင်း ၁ ဘတ်လျင် မြန်မာကျပ်ငွေအဝယ် ၅၁ ကျပ်နှင့် အရောင်း ၅၂ ဒဿမ ၇၅ ကျပ်အထိ စံချိန်တင်အနိမ့်ဆုံးထိုးကျသွားကြောင်း မော်လမြိုင်ကုန်စည်ဒိုင်သတင်းတွင် ဖော်ပြသည်။   စစ်အာဏာမသိမ်းမီ ဇန်နဝါရီလအတွင်းက ထိုင်းမြန်မာငွေလဲနှုန်းသည် ထိုင်း ၁ ဘတ် မြန်မာကျပ်ငွေ ၄၅-၄၆ ဝန်းကျင်ရှိခဲ့ရာမှ ယနေ့တွင် ထိုင်းမြန်မာနယ်စပ်မြို့များအားလုံးတွင် မြန်မာကျပ်ငွေ အနိမ့်ဆုံးသို့ မကြုံစဖူးသိသိသာသာထိုးကျသွားခြင်း ဖြစ်သည်။ “ ထိုင်းဘတ်ငွေလဲလှယ်တဲ့နေရာမှာ အခုလိုဘာကြောင့် မြန်မာငွေတန်ဖိုးထိုးကျသွားရသလဲဆိုရင် ဖြစ်နိုင်ခြေရှိတာက ကိုဗစ်နဲ့ပတ်သက်ဆက်စပ်တဲ့ ပစ္စည်းတွေ ထိုင်းဘက်ကနေ တော်တော်လေးအဝင်များပါတယ်၊ အောက်စီဂျင်တွေကအစ၊ ဆေးဝါးပစ္စည်းအစုံပေါ့ ထိုင်းကိုပဲအားကိုးနေရတာ၊ …

မွန်သတင်းအေဂျင်စီ(၃၁ သြဂုတ် ၂၀၂၁) သံဖြူဇရပ်အောက်ဆီဂျင်စက်ရုံမှ စတင်လည်ပတ်သည့်နေ့ရက်မှ ယနေ့ ၆ ရက်အတွင်း ၄၀ လီတာအိုး ၁၅၀၀ ကျော် ဖြည့်ပေးနိုင်ခဲ့ကြောင်း သတင်းရရှိသည်။ သံဖြူဇရပ်မြို့နယ် ပြည်သူ့ဆေးရုံကြီးအတွက် ၄၀ လီတာအိုးပေါင်း ၅၀ ကို နေ့စဉ်အခမဲ့ပေးပို့နိုင်ခဲ့ပြီး စက်ရုံရေရှည်လည်ပတ်နိုင်ရေးအတွက် အောက်ဆီဂျင်လာရောက်ဖြည့်သွင်းသူများထံမှ အသက်သာဆုံးနှုန်းထားဖြင့် အခကြေးငွေယူ ဝန်ဆောင်ဖြည့်သွင်းပေးလျက်ရှိကြောင်း စက်ရုံဖြစ်မြောက်ရေးကော်မတီဝင် နိုင်မင်းလတ်က မွန်သတင်းအေဂျင်စီသို့ ပြောသည်။   နိုင်မင်းလတ်က “ liquid ဓါတ်ငွေ့ရည်စနစ်ဖြစ်တဲ့အတွက် ပြန်ဖြည့်ဝယ်ရမယ်ဆိုတော့ ၄၀ လီတာအိုးကို ၁၂၀၀၀ ကျပ်ယူပါတယ် လောလောဆယ် နေက်ထပ်ဖြည့်မယ့် liquid ဓါတ်ငွေ့ရည်မှာယူထားပါတယ် နောက်ထပ်ရောက်လာမယ့် liquid ဓါတ်ငွေ့ရည်နဲ့ ချိန်ဆပြီးဖြည့်ပေးနေပါတယ်” ဟု ဆိုသည်။ လတ်တလောတွင် …

မွန်သတင်းအေဂျင်စီ (၃၁ သြဂုတ် ၂၀၂၁) ရေးမြို့နယ် ကျောက်မိချောင်း(တောင်)ရွာအနီး ရာဘာခြံတဲတစ်ခုတွင် မူးယစ်ဆေးပြား ရောင်းချနေသည့်သတင်းအရ ဇာနည်အောင် အသက် (၃၁) နှစ်အား ယမန်နေ့က ရဲတပ်ဖွဲ့မှ ဖမ်းဆီးရမိခဲ့သည်။ ရေးမြို့အခြေစိုက် မူးယစ်အထူးတပ်ဖွဲ့တပ်စု (၃၉) က ယမန်နေ့ နံနက် ၁၀း ၄၅ နာရီအချိန်ခန့်တွင် မူးယစ်ဆေးပြားရောင်းချနေသည့်အသတင်းအရ အဆိုပါ ရာဘာခြံတဲသို့ နေအိမ်ရှာဖွေခွင့်ဝရမ်းနှင့်အတူ ဝင်ရောက်ရှာဖွေခဲ့ရာ WY စာတမ်းပါ လိမ္မော်ရောင်စိတ်ကြွရူးသွပ်ဆေးပြား ၁၂၅ ပြား ထည့်ထားသည့် အစိမ်းရောင်အဖုံးပါ အဖြူရောင်ကော်ဗူးအား လက်ဝယ်တွေ့ရှိသဖြင့် သက်သေများရှေ့မှောက်၌ ဖမ်းဆီးခဲ့ကြောင်း ရေးမြို့မ ရဲစခန်းမှ သိရသည်။   အဆိုပါ စိတ်ကြွရူးသွပ်ဆေးပြားများလက်ဝယ်တွေ့ရှိသူ ဇာနည်အောင် (အဘ) ဦးဆန်းအောင်၊ …

မွန်သတင်းအေဂျင်စီ (၃၀ သြဂုတ် ၂၀၂၁) မွန်ဗီဒီယိုဒါရိုက်တာ မာံၜိုဟ်သြိုဟ် (ခေါ်) မောင်အေး အသက် (၆၄ ) နှစ်သည် ယမန်နေ့မွန်းလွဲပိုင်းက သံဖြူဇရပ်မြို့နယ်ဆေးရုံကြီး၌ ကိုဗစ်ရောဂါဝေဒနာဖြင့် ကွယ်လွန်ခဲ့ပြီး ပငကျေးရွာသုဿာန်တွင် နေ့တွင်းချင်း မီးသၚ်္ဂြိုလ်ပြီးစီးခဲ့ကြောင်း သတင်းရရှိသည်။ “ ၂၂ ရက်နေ့က သံဖြူဇရပ်ဆေးရုံကြီးကို တက်လာကတည်းက စိုးရိမ်ရတဲ့အနေအထားပါ၊ အဲဒီနေ့မှာလည်း အခြေအနေမကောင်းလှဘူး၊ ကိုဗစ်ရောဂါအနေအထားက အားလုံးသိကြတဲ့အတိုင်းပါပဲ၊ တစ်ယောက်နဲ့တစ်ယောက် လာပြီးအားပေးစကားပြောဆိုဖို့လည်း မဖြစ်နိုင်ပါဘူး၊ ဆရာဝန်တွေကလည်း အတတ်နိုင်ဆုံးကြိုးစားကုသပေးတာပဲ၊ နောက်ဆုံးတော့ ကျနော်တို့ရဲ့ ဒါရိုက်တာကြီးတစ်ယောက် အချိန်မရောက်သေးပဲ ဆုံးရှုံးသွားရတာပေါ့နော်” ဟု ပငကျေးရွာသားလူငယ်တစ်ဦးက ပြောသည်။ မာံၜိုဟ်သြိုဟ်သည် ၁၉၉၀ ခုနှစ်မှစတင်၍ မွန်ဘာသာဖြင့် ဗီဒီယိုဇာတ်ကားများကို ဒါရိုက်တာအဖြစ် ရိုက်ကူးထုတ်လုပ်ခဲ့သည့်အပြင် …

မွန်သတင်းအေဂျင်စီ (၂၇ သြဂုတ် ၂၀၂၁) ရေးမြို့နယ်အတွင်း သံပုရာသီးတစ်လုံး ၁၀ ကျပ်အောက် အနိမ့်ဆုံးဈေးချရောင်းနေကြသော်လည်း ယခုအခါ ဝယ်ယူမည့်သူမရှိဖြစ်နေကြောင်း သံပုရာသီးစိုက်တောင်သူများထံမှ သိရသည်။ ကိုဗစ်စတင်မဖြစ်ပွားမီ ၂၀၁၉ ခုနစ်ခန့်က မွန်နှင့်ကရင်ပြည်နယ်တို့တွင် သံပုရာသီးတစ်လုံး ၂၀၀ ကျပ်ဝန်းကျင်ပေါက်ေစျေးရှိခဲ့သည်ဟုသိရပြီး ယခုမိုးဦးကတည်းက ရှောက်သီးနှင့် သံပုရာသီးအထွက်များချိန်တွင် သံပုရာသီးတစ်လုံး ၁၅ ကျပ်ခန့် ဈေးနှုန်းပေါက်ခဲ့ရာမှ အသီးအရည်ရွှမ်းသည့် ယခုအချိန်တွင် ဈေးလုံးဝမရသည့်တွက် အရှုံးပေါ်နေကြောင်း ရေးမြို့မှ သံပုရာသီးတောင်သူ နိုင်မော် ကဆိုသည်။ “ဘာမှလုပ်မရဘူး ဒီနှစ်က၊ သံပုရာသီးတွေလည်းပုပ်ကုန်ပြီး အဝယ်ဒိုင်တွေကတော့ တတ်နိုင်သလောက်တော့ ကျွန်တော်တို့ဆီကအသီးတွေကို ဝယ်ပေးပါတယ်၊ သူတို့လည်း အထက်ဘက်ကနေ အရောင်းအဝယ်မရှိတော့ ကြာကြာဘယ်ယူ ဝယ်ပေးနိုင်ပါ့မလဲဗျာ” ဟု နိုင်မော်က ပြောသည်။ …

မွန်သတင်းအေဂျင်စီ(၂၇ သြဂုတ် ၂၀၂၁) ပြီးခဲ့သည့်ဇူလိုင်လအတွင်းက ကျိုက်မရောမြို့နယ် စံပယ်ဂူလမ်းဟောင်း မာကာလာတံတားပေါ်တွင် ဆိုင်ကယ်လုယက်ပြီး ကျောင်းဆရာမတစ်ဦးသေဆုံးခဲ့မှုအတွက် ပြစ်မှုကျူးလွန်သူ တရားခံ ၃ ဦးအား ဖမ်းဆီးရမိထားပြီဟု မော်လမြိုင်ခရိုင် ရဲတပ်ဖွဲ့မှူးက မွန်သတင်းအေဂျင်စီသို့ အတည်ပြုပြောကြားသည်။ မော်လမြိုင်ခရိုင် ရဲတပ်ဖွဲ့မှူး ဒုတိယရဲမှူးကြီး စိုးအောင်က “တရားခံတွေထွက်ဆိုချက်အရ တံတားပေါ်မှာ ဆရာမဆိုင်ကယ်ကို သူတို့တားတယ်၊ ဆိုင်ကယ်လုတော့ ဆရာမလီဗာတင်ပြီး မောင်းပြေးဖို့လုပ်တော့ အဲဒီမှာ ဆရာမ ချောင်းထဲပြုတ်ကျသွားတယ်၊ မာကာလာချောင်းထဲပြုတ်ကျတဲ့အခါကျတော့ ဆရာမပြန်မပေါ်တော့ဘူး၊ အဲဒီဆိုင်ကယ် သူတို့ယူသွားတယ်လို့ ထွက်ဆိုခဲ့တယ်” ဟု ဆိုသည်။ မော်လမြိုင်မြို့ ဇေယျာသီရိရပ်ကွက် နေထိုင်သူ ဇော်မင်းစိုး ခေါ် အစွယ် (၂၇) နှစ်၊ သက်ထူး ခေါ် အငယ်လေး …

မွန်သတင်းအေဂျင်စီ (၂၇ သြဂုတ် ၂၀၂၁) မေး။    လက်ရှိ KNU ထိန်းချုပ်ဒေသမှာ တိုက်ပွဲအခြေအနေဘယ်လိုရှိနေလဲ။ ဖြေ။     တပ်မဟာ (၆) ဘက်မှာတော့ မနေ့တစ်နေ့ ဟိုးတနေ့ ၂၄ က အထိဖြစ်တယ်လေ။ နှစ်ရက်လားမသိဘူး။ ဆက်ဖြစ်တာ။ ၂၅ ရက်နေ့ကတော့ ဘာအသံမှ မကြားရဘူး။ မေး။    ခုနောက်ပိုင်း KNU တပ်မဟာတော်တော်များများမှာ စစ်တပ်က အင်အားတိုးချဲ့လာတာတွေ့တယ်။ ထောက်လှမ်းတာတွေတွေ့တယ် တိုက်ပွဲတွေ ဖြစ်လာနိုင်လား။ ဖြေ။     အဲဒီကိစ္စနဲ့ ပတ်သက်ပြီး တိုက်ပွဲဖြစ်လာနိုင်တယ်ဆိုတာကတော့ အရင်ရှိထားတဲ့ Bilateral အတိုင်းဆိုရင်တော့ သူ့ဖက်က သတ်မှတ်တာတွေ ကိုယ့်ဘက်က သတ်မှတ်တာတွေရှိတယ်။ ဒါကလည်း တရားဝင် Formal တော့ မဟုတ်ဘူး။ သို့သော် …

မွန်သတင်းအေဂျင်စီ (၂၅ သြဂုတ် ၂၀၂၁) လက်ရှိကိုဗစ်ကပ်ရောဂါဖြစ်ပွားနေမှုကို အထူးဂရုပြုကြရန်နှင့် မွန်ပြည်သစ်နယ်မြေအတွင်း နေထိုင်ကြသော ပြည်သူများအနေဖြင့် ကိုဗစ်ကာကွယ်ဆေးထိုးဖို့ အခွင့်အရေးရရှိခဲ့မည်ဆိုပါက လက်လွတ်မခံဘဲ မပျက်မကွက်ဆေးထိုးကြဖို့ တိုက်တွန်းကြောင်း မွန်ပြည်သစ်ပါတီ (ဗဟို) ကိုဗစ်ကူးစက်ရောဂါ ထိန်းချုပ်ရေးကော်မတီအဖွဲ့ဝင် မင်းသူရဌေးက ပြောသည်။ ဗဟိုကော်မတီဝင်လည်းဖြစ်သည့် မင်းသူရဌေးက “မွန်ပြည်သစ်အနေနဲ့ ကိုဗစ်ကာကွယ်ဆေးတွေရဖို့ နည်းလမ်းအမျိုးမျိုးနဲ့ ကျနော်တို့ ကြိုးစားနေတုန်းပါပဲ၊ ဒီကြားမှာ အခွင့်အခါသင့်လို့ ကိုဗစ်ကာကွယ်ဆေးထိုးနှံခွင့် ရရှိခဲ့မယ်ဆိုရင် သွားထိုးကြပါ၊ ကာကွယ်ဆေးထိုးမှသာ ဒီရောဂါကို ကျနော်တို့အနိုင်ရပါလိမ့်မယ်၊ ဘယ်သူမဆို ကာကွယ်ဆေးထိုးဖို့အခွင့်အရေးရခဲ့မယ်ဆိုရင် လက်လွတ်မခံကြဖို့ တိုက်တွန်းလိုပါတယ်”ဟု ဆိုသည်။          မွန်ပြည်သစ်ပါတီ တပ်တည်ခွင့်ရနေရာများဖြစ်သော ကရင်ပြည်နယ် ကော့ကရိတ်မြို့နယ်အတွင်းရှိ မွန်ပြည်သစ်ပါတီ သထုံခရိုင်ဌာနချုပ်အနီးရှိ ဝယ်ရက်ရွာ၊ ထိုင်းနယ်စပ် ဘုရားသုံးဆူမြို့နယ် …

မွန်သတင်းအေဂျင်စီ (၂၄ သြဂုတ် ၂၀၂၁) မွန်ဒေသများအတွင်း ကိုဗစ်ရောဂါကာကွယ်ကုသရေးနှင့် သဘာဝဘေးဒဏ်အန္တရာယ်အတွက် ကူညီထောက်ပေးရေး ရံပုံငွေအလှူခံပွဲတစ်ရပ်ကို မွန်အဆိုတော်များက ယနေ့ညပိုင်းအချိန်တွင် Live Show အစီအစဉ် သီဆိုထုတ်လွှင့်မည်သွားမည်ဖြစ်ကြောင်း သတင်းရရှိသည်။ မွန်ရေးရာအဖွဲ့ MAA, မွန်စီးပွားရေးလုပ်ငန်းရှင်များအသင်း MEA, မွန်စာရေးဆရာအသင်း MWA, မွန်ဂီတအစည်းအရုံး MMA နှင့် အမျိုးသမီးစွမ်းဆောင်ရှင်များအသင်း(ရှင်စောပု) တို့ပူးပေါင်း၍ အဆိုပါ ရံပုံငွေအလှူခံပွဲကို မော်လမြိုင်မြို့ Royal Hinthar Hotel မှ ယနေ့ည ၇ နာရီတွင်စတင်၍ မွန်သီချင်းများဖြင့် မွန်သတင်းအေဂျင်စီ၊ ဟင်္သာမီဒီယာ၊ မွန်စီးပွားရေးလုပ်ငန်းရှင်များအသင်း MEA နှင့် Suvarna Citylife Facebook Page များ၌ ဖြေဖျော်ပွဲကျင်းပသွားမည်ဖြစ်ကြောင်း MAA …

မွန်သတင်းအေဂျင်စီ (၂၂ သြဂုတ် ၂၀၂၁) မိမိတို့ကြမ္မာ မိမိတို့ဖန်တီးနိုင်ခွင့် အခွင့်အရေးနှင့်ပြည့်စုံသော မွန်ပြည်သစ်ပေါ်ထွန်းလာရေးဆိုသည့်  ရည်မှန်းချက်ပန်းတိုင်မရောက်မချင်း မွန်တော်လှန်ရေး ဆက်လက်တည်ရှိနေမည်ဖြစ်ကြောင်း ယနေ့ကျရောက်သည့် ၇၄ ကြိမ်မြောက် မွန်တော်လှန်ရေးနေ့တွင် မွန်ပြည်သစ်ပါတီ NMSP ကြေညာချက် ထုတ်ပြန်လိုက်သည်။ “မိမိတို့ကြမ္မာ မိမိတို့ဖန်တီးနိုင်ခွင့် ပေါ်ထွန်းလာဖို့ဆိုတာ ယခုကျန်ရှိနေကြတဲ့ မွန်တစ်မျိုးသားလုံးရဲ့ တာဝန်သာဖြစ်တယ်၊ စစ်မှန်တဲ့ပြည်ထောင်စုပေါ်ထွန်းလာရေးအတွက် မွန်တစ်မျိုးသားလုံးအပါအဝင် မိမိတို့ပါတီ မိမိတို့တပ်မတော်ဟာ လက်ရှိမိမိတို့အမျိုးသားအနေအထားပေါ်မှာ ဇွဲဝိရိယ စိတ်ဓါတ်ခိုင်ခိုင်မာမာ စုစည်းညီညွတ်စွာ တိုင်းရင်းသားပြည်သူတရပ်လုံးနဲ့အတူ ဆက်လက်တိုက်ပွဲဝင်သွားမယ်” ဟု မွန်ဘာသာဖြင့် ထုတ်ပြန်ချက်တွင် ဖော်ပြထားသည်။ ထို့အတူ “မွန်တစ်မျိုးသားလုံး သွေးစည်းညီညွတ်ကြ” “လူမျိုးစုံချစ်ကြည်ရေးကိုတည်ဆောက်ကြ” “ပြည်ထောင်စုစစ်စစ် မုချပေါ်ထွန်းရမည်” ဆိုသည့် ကြွေးကျော်သံများဖြင့် မွန်တော်လှန်ရေးနေ့အခမ်းအနား ကျင်းပသည့်နေရာများတွင် တောင်းဆိုခဲ့ကြသည်။ …