spot_img
Sunday, April 14, 2024
More
    spot_img
    Homeသတင်းလူ ၇ ဦးသတ်မှုကျူးလွန်သည့် တပ်မတော်သား ၂ ဦးအား ထိရောက်စွာအရေးယူမည်ဟု သတင်းထုတ်ပြန်

    လူ ၇ ဦးသတ်မှုကျူးလွန်သည့် တပ်မတော်သား ၂ ဦးအား ထိရောက်စွာအရေးယူမည်ဟု သတင်းထုတ်ပြန်

    -

    မွန်သတင်းအေဂျင်စီ (ဧပြီ-၁၀)

    ကရင်ပြည်နယ်၊ ကြာအင်းဆိပ်ကြီးမြို့နယ်၊ အနန်းကွင်းကျေးရွာ၌ ပြီးခဲ့သည့် ဧပြီ ၅ ရက် နံနက်ပိုင်းတွင် တပ်မတော်သား ၂ ဦးပစ်ခတ်ခဲ့သဖြင့် အရပ်သား ၇ ဦးသေဆုံးကာ ၁ ဦးဒဏ်ရာရရှိစေသည့်အတွက် ထိရောက်စွာစစ်ဆေးအရေးယူသွားမည်ဖြစ်ကြောင်း တပ်မတော်ကာကွယ်ရေးဦးစီးချုပ်ရုံးက ဧပြီလ ၈ ရက်နေ့စွဲဖြင့် သတင်းထုတ်ပြန်ခဲ့သည်။

    အဆိုပါပြစ်မှုကျူးလွန်ခဲ့သည့် စစ်သား ၂ ဦးအား လက်နက်ဖြင့် ခွင့်မဲ့ပျက်ကွက်မှု၊ အရက်သေစာ သောက်စား မူးယစ်မှုစသည့် စည်းကမ်းဖောက်ဖျက်မှုတို့အတွက် စစ်တရားရုံးဖြင့်ထိရောက်စွာ စစ်ဆေးအရေးယူအပြစ်ပေးသွားမည်ဖြစ်ပြီး လူသတ်မှုနှင့်အပြင်းအထန်ဒဏ်ရာရရှိစေမှုတို့အား တပ်မတော်အက်ဥပဒေပုဒ်မ ၇၂ အရ နယ်ဘက်တရားရုံးသို့ လွှဲပြောင်းစစ်ဆေးစီရင်စေမည်ဟု ဆိုသည်။

    အခင်းဖြစ်ပွားခဲ့သည့် အနန်းကွင်း ကျေးရွာအနောက်ဘက်ရှိ ကမ္ဘာရှားကားဝပ်ရှော့၌ နံနက် ၃ နာရီခွဲခန့်တွင် ဆိုင်ကယ်ငှားရမ်းရာမှ အချင်းများကာ အဆိုပါစစ်သား ၂ ဦးပစ်ခတ်သဖြင့် ကားဝပ်ရှော့မှ ဦးမျိုးနောင်၊ ဦးစောနောင်၊ ဦးစိုးနောင်၊ ဒေါ်မိရှမ်း၊ မောင်အနက်(ခ)ကောင်းခန့်၊ မရွှန်းသဒ္ဒါမောင်(ခ) မလို့ကာရားနှင့် မဝါချီဒါးတို့ ၇ ဦးသေဆုံးခဲ့ကာ ဒေါ်မိပို(ခ)တင်ဇာလွင်မှာ အပြင်းအထန်ဒဏ်ရာရရှိခဲ့သည်ကို သက်ဆိုင်ရာမှ စစ်ဆေးတွေ့ ရှိခဲ့ခြင်း ဖြစ်သည်။

    ယင်းသို့အခင်းဖြစ်ပွားခဲ့ပြီးနောက် ညနေ ၆ နာရီခွဲခန့်တွင် တပ်သားမြင့်ဝေအား KNU စစ်ဆေးရေးဂိတ်တစ်ခုက ဖမ်းဆီးရမိခဲ့ပြီး ဧပြီ ၆ ရက် နေ့လယ် ၁၁ နာရီခွဲ ခန့်တွင် တပ်သားငြိမ်းချမ်းအား အနန်းကွင်း ကျေးရွာအထွက်ရှိ ဘုန်းတော်ကြီးကျောင်း၌ ၎င်းတို့ကိုင်ဆောင်သည့် လက်နက်/ခဲယမ်းများနှင့်အတူ ပြန်လည် ဖမ်းဆီးရမိခဲ့သည်။

    မွန်ပြည်နယ်၊ သံဖြူဇရပ်- ကရင်ပြည်နယ်၊ ဘုရားသုံးဆူကားလမ်းပေါ်ရှိ အနန်းကွင်း၌ အရှေ့တောင်တိုင်းစစ်ဌာနချုပ် လက်အောက်ခံ အမှတ် ၁ ရှေ့တန်းစစ်ဗျူဟာရုံးအခြေစိုက်လျက်ရှိပြီး ကားလမ်းမတလျောက်တွင် ကရင်အမျိုးသားအစည်းအရုံး KNU စစ်ဆေးရေးဂိတ်များကိုလည်း တွေ့ရှိရသည်။


    Photo- မော်လမြိုင် ဆေးရုံကြီး၌ ဒေါ်မိပို(ခ)တင်ဇာလွင် ဆေးကုသခံယူစဉ် (တပ်မတော်ကာကွယ်ရေးဦးစီးချုပ်ရုံး)

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    22,100SubscribersSubscribe
    spot_img

    Latest posts