မွန်  ၊ အင်္ဂလိပ် ၊  Font

Breaking News
Home / မွန်ပြည်နယ်အုပ်ချုပ်မှုဆိုင်ရာ စောင့်ကြည့်ရေး / ရန်ကုန်မှ မောင်းနှင်လာသည့် တရားမဝင်သစ်ကားခုနှစ်စီး မွန်ပြည်နယ်တွင် ဖမ်းဆီးရမိ

ရန်ကုန်မှ မောင်းနှင်လာသည့် တရားမဝင်သစ်ကားခုနှစ်စီး မွန်ပြည်နယ်တွင် ဖမ်းဆီးရမိ

ရေးသားသူ:

ဖေဖော်ဝါရီ ၂၅ ရက်နေ့၊ နံနက်အစောပိုင်းခန့်က ရန်ကုန်မှ တရားမဝင်သစ် တင်ဆောင်လာသည့် ၁၂ ဘီးယာဉ် ၇ စီးကို ပေါင်မြို့တွင် ၁ စီး၊ မုတ္တမတွင် ၃ စီးနှင့် မော်လမြိုင်တိုးဂိတ်တွင် ၃ စီး အသီးသီးဖမ်းဆီးရမိခဲ့ကြောင်း မော်လမြိုင်/သထုံခရိုင် သစ်တောဦးစီးဌာန ဒု-လက်ထောက်ညွှန်ကြားရေးမှူးဦးမြင့်အောင်မှ သိရသည်။

ဖမ်းဆီးရမိသည့် သစ်များသည် ပိတောက်အမျိုးအစားဖြစ်ပြီး အစိုးရမှ သတ်မှတ်ထားသည့် သစ်မာစာရင်း များထဲမှ ယခုဖမ်းဆီးမိသည့် သစ်အရေးအတွက်သည် မွန်ပြည်နယ်၌ အများဆုံးဖမ်းဆီးရမိခြင်းဖြစ်သည်။

တရားမဝင်သစ်ကားများ ဖမ်းဆီခဲ့စဉ်(—-)

မော်လမြိုင်ခရိုင်/သထုံခရိုင် ဒု-လက်ထောက်ညွှန်ကြားရေးမှူး ဦးမြင့်အောင်က “တန် ၁၀ဝ ကျော်ဖမ်းဆီးမိတာရှိ တယ်။ ပြီးခဲ့တဲ့ နှစ်ကပါ။ ဒါပေမယ့် သစ်မာတွေ မဟုတ်ဘူး။ အခုဖမ်းမိတဲ့သစ်က အစိုးရသတ်မှတ်ထားတဲ့ သစ် မာစာရင်းထဲက သစ်တွေပါ။ တန်ဖိုးကြီးတဲ့ သစ်တွေထဲက ဒီတခါဖမ်းမိတာအများဆုံးပါ” ဟု ဆိုသည်။

ယခုသစ်များသည် ရန်ကုန်မှ သယ်ဆောင်လာပြီး မွန်ပြည်နယ်၊ မုဒုံမြို့နယ်အတွင်းမှ ရေလမ်းကြောင်းဖြင့် နိုင်ငံခြားကို ပို့ဆောင်ရန်အတွက် သတင်းအတိကျရရှိထားသောကြောင့် အခုလိုဖမ်းဆီးရမိ သည်ဟု သစ်တောဦးစီးဌာနက ဆိုသည်။

ဦးမြင့်အောင်က “သူတို့က သစ်ကိုအောက်မှာထားတယ်။ အပေါ်မှာ ဇီးသီးအိတ်တွေနဲ့ အုပ်ထားတာ။ ပိတောက် က အနံထွက်တယ်လေ။ အဲဒါကြောင့် အပေါ်မှာဇီးသီးအိတ်နဲ့ အနံမထွက်အောင် လုပ်ထားတယ်။ တာလပတ် ကိုလည်း နှစ်ထပ်အုပ်ထားတယ်။ သူတို့က ဘိလပ်မြေတင်တဲ့ ကားလိုပုံစံမျိုးလုပ်ထားပြီး တင်လာတယ်” ဟု ရှင်းပြသည်။

ယာဉ် ၇ စီးဖြင့် တင်ဆောင်လာသည့် အဆိုပါပိတောက်သစ်များသည် စုစုပေါင်း တန်ချိန် ၅၀ ဝန်းကျင်ရှိပြီး လွန် ခဲ့သည့် ၂ ပတ်ခန့်က ကျိုက်ထိုမြို့တွင် ယာဉ်အသေးနှင့် တင်ဆောင်လာသည့် ပိတောက်သစ် ဝ.၈ တန်ကို လည်း ဖမ်းဆီးရမိပြီးခဲ့ရှိသည်။

ဖမ်းဆီးရမိထားသည့်သစ်များနှင့် ဆက်စပ်ပြီး အများပြည်သူပစ္စည်းကာကွယ်ရေးဥပဒေပုဒ်မ (၃) နှင့် အမှူဖွင့် သွားမည်ဖြစ်ပြီး ကွင်းဆက်များကိုလည်း မြို့နယ်အလိုက် စုံစမ်းဖော်ထုတ်ဖို့ ညွှန်ကြားထားသည်ဟု မွန်ပြည်နယ် သစ်တော ဦးစီးဌာနမှသိရသည်။

About မွန်သတင်းအေဂျင်စီ

Check Also

တာဝန်ရပ်လိုက်သည့်ရေးမြို့နယ်ကျေးရွာအုပ်ချုပ်ရေးမှူး (၄) ဦးနေရာ အသစ်ပြန်ရွေးမည်

ပြီးခဲ့သည့် အောက်တိုဘာလကုန်တွင် တာဝန်မှရပ်စဲလိုက်သည့် ရေးမြို့နယ်မှ ကျေးရွာအုပ်ချုပ်ရေးမှူး (၄) ဦး နေရာတွင် အုပ်ချုပ်ရေးမှူးအသစ်ကို တစ်လအတွင်း ပြန်လည်ရွေးချယ်သွားမည်ဟု ရေးမြို့နယ်၊ အထွေထွေ အုပ်ချုပ်ရေးမှူးမှ သိရသည်။ …

Leave a Reply

%d bloggers like this: