မွန်  ၊ အင်္ဂလိပ် ၊  Font

Breaking News
Home / သတင်း / မွန်ပြည်နယ်လူငယ်မူဝါဒမူကြမ်းတစ်ရပ် ရေးဆွဲသွားမည်ဟုဆို

မွန်ပြည်နယ်လူငယ်မူဝါဒမူကြမ်းတစ်ရပ် ရေးဆွဲသွားမည်ဟုဆို

ရေးသားသူ:

မွန်ပြည်နယ်လူငယ်လူမှုကွန်ရက်မှ ဦးဆောင်ပြီး မွန်ပြည်နယ််လူငယ်မူဝါဒ မူကြမ်းတစ်ရပ် ပြင်ဆင်ဖြည့်စွက်အ တည်ပြုရန်နှင့် လူငယ်ကိုယ်စားလှယ်များ ရွေးချယ်ရန်အတွက် နိုဝင်ဘာ ပထမအပတ်တွင် ဖိုရမ်တစ်ခု ပြုလုပ်မည်ဟု ဖြစ်မြောက်ရေးကော််မတီမှ သိရသည်။

၄င်းဖိုရမ်မှ အတည်ပြုခဲ့သော လူငယ်မူဝါဒမူကြမ််းကို နိုဝင်ဘာ ဒုတိယအပတ်တွင် နေပြည်တော်၌ ကျင်းပသော မြန််မာနိုင်ငံလုံးဆိုင်ရာ လူငယ်မူဝါဒ နောက်ဆုံးဖိုရမ်တွင် ဝင်ရောက်ဆွေးနွေးနိုင်ရန်အတွက် ဖြစ်သည်ဟု တာဝန်ရှိသူတို့မှ သိရသည်။

မွန်ပြည်နယ်လူငယ်မူဝါဒရေးရာ အလုပ်ရုံးဆွေးနွေးပွဲ ကျင်းပခဲ့စဉ် (Ma Khine Facebook)
မွန်ပြည်နယ်လူငယ်မူဝါဒရေးရာ အလုပ်ရုံးဆွေးနွေးပွဲ ကျင်းပခဲ့စဉ် (Ma Khine Facebook)
“ကျွန်တော်တို့ အခုလှုပ်ရှားနေတာက မွန်ပြည်နယ်လူငယ်မူဝါဒအတွက်၊ ဒီဖိုရမ်ကနေ အတည်ပြုထားတဲ့ မူဝါဒ မူကြမ်းကို ယူပြီး နေပြည်တော်မှာ လုပ်တဲ့ဖိုရမ်မှာ ကိုယ့်ပြည်နယ်ကိုယ်စား သွားပြီး ဆွေးနွေးရမယ်၊ အဲ့ဒီနေပြည်တော်မှာမှ ဝန်ကြီးဋ္ဌာနနဲ့ ပူးပေါင်းပြီး အခြားပြည်နယ်က မူဝါဒတွေလည်း ဆွေးနွေးကြမယ်လေ အဲ့ကနေ မြန်မာတစ်နိုင်ငံလုံးအတွက် လူငယ်မူဝါဒတစ်ခု ဖြစ်အောင်ထပ်ဆွေးနွေးရမယ်”  ဟု မွန်ပြည်နယ် လူငယ်မူဝါဒရေးဆွဲမှု ဖြစ်မြောက််ရေး တာဝန်ခံ ဦးမြတ်မင်းက ပြောသည်။

စက်တင်ဘာ (၆) မှ စက်တင်ဘာ (၂၉) ရက်နေ့အထိ မွန်ပြည်နယ်လူငယ်လူမှုကွန်ရက်မှ ဦးဆောင်ပြီး မွန်ပြည်နယ်လူငယ်မူဝါဒရေးဆွဲရန် မွန်ပြည်နယ် (၁၀) မြို့နယ်မှ အချို့လူငယ်များ၏ အခက်အခဲများ၊ အမြင်များကို စစ်တမ်းကောက်ယူခဲ့ကြောင်း၊ ၄င်းနောက် မွန်ပြည်နယ်ရှိ လူငယ်ကိုယ်စားပြု အဖွဲ့တို့နှင့် ပူးပေါင်းညှို့နှိုင်းမှုများ ပြုလုပ်ခဲ့ကြောင်း ၄င်းက ဆက်လက်ပြောသည်။

“အခုဖိုရမ်မှာ (CSO) လူငယ်တွေပါမယ်၊ တိုင်းရင်းသားလူငယ်တွေပါမယ်၊ တိုင်းရင်းသားအဖွဲ့အစည်းတွေကလည်းပါမယ် အားလုံးကို ဖိတ်ကြားထားပါတယ်၊ ဒီဖိုရမ်ကနေ ကျွန်မတို့က ကိုယ်စားလှယ် (၁၂) ယောက်ရွေးမယ်၊ ဒီ (၁၂) ယောက်ကပဲ ပြည်ထောင်စုကို တက်ပြီးဆွေးနွေးရမှာ” ဟု မွန်ပြည်နယ် လူငယ်မူဝါဒရေးဆွဲမှု ဖြစ်မြောက်ရေး တာဝန်ခံ ဒေါ်ခိုင်ခိုင်လဲ့မြင့်က ပြောသည်။

ပြည်နယ်နှင့်တိုင်းဒေသအသီးသီးမှ အဓိကလိုအပ်ချက်ကို ပြည်သူဘက်မှ တောင်းဆိုလာသောအချက်အပေါ်၌သာ အစိုးရဘက်မှ လုပ်ဆောင်ပေးလိုခြင်းနှင့် မြန်မာတစ်နိုင်ငံလုံးဆိုင်ရာ လူငယ်မူဝါဒတစ်ခု ရေးဆွဲရန်အတွက်ဖြစ်ကြောင်း တာဝန်ရှိသူတို့မှ သိရသည်။

ဤလူငယ်မူဝါဒကို ရေးဆွဲရာတွင် ပြည်ထောင်စုအဆင့်၌ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဋ္ဌာန၊ ကျန်းမာရေးနှင့် အားကစားဝန်ကြီးဋ္ဌာန၊ ပညာရေးဝန်ကြီးဋ္ဌာန၊ ပညာရှိအဖွဲ့နှင့် UN အဖွဲ့တို့က ပါဝင်ဆောင်ရွက်ခဲ့ပြီး၊ ၄င်းမှတစ်ဆင့် ပြည်နယ်နှင့် တိုင်းဒေသကြီးအသီးသီးရှိ လူငယ်အဖွဲ့အစည်းတို့နှင့် ပူးပေါင်းလုပ်ဆောင် နေကြောင်း သိရသည်။

About မွန်သတင်းအေဂျင်စီ

Check Also

ရေးမြို့နယ်ပင်လယ်ပြင်အတွင်း ရေလုပ်သားတစ်ဦးသံပိုက်ဖြင့်အရိုက်ခံ ရေထဲပြုတ်ကျခဲ့

မွန်ပြည်နယ်၊ ရေးမြို့နယ် ကပ္ပလီပင်လယ်ပြင်အတွင်း အစင်ကျေးရွာ စိန်ပိုက်ငါးဖမ်းလှေရေလုပ်သားတစ်ဦး သံပိုက်ဖြင့်အရိုက်ခံရသဖြင့် ရေထဲပြုတ်ကျသည့်တစ်လခန့်ကြာဖြစ်စဉ်အား စက်တင်ဘာလ၂၀ ရက်နေ့တွင် အမှုတိုင်ကြားခဲ့ကြောင်း ရေးမြို့မရဲစခန်းမှ သိရသည်။ Related

Leave a Reply

%d bloggers like this: