မွန်  ၊ အင်္ဂလိပ် ၊  Font

Breaking News
Home / သတင်း / ရန်ကုန်တိုင်းဒေသကြီးတွင် မွန်တိုင်းရင်းသားလူဦးရေစာရင်းကောက်ခံနေ

ရန်ကုန်တိုင်းဒေသကြီးတွင် မွန်တိုင်းရင်းသားလူဦးရေစာရင်းကောက်ခံနေ

ရေးသားသူ:

အေမီအောင် – ရန်ကုန်တိုင်းဒေသကြီးအတွင်း မွန်တိုင်းရင်းသားလူဦးရေ အတိအကျသိရှိနိုင်ရန် စာရင်းဆက်လက်ကောက်ခံနေသည်ဟု သိရသည်။

ဝန်ကြီးနှင့်လဝကဌာန၏ဆောင်ပုဒ်(Internet)
ဝန်ကြီးနှင့်လဝကဌာန၏ဆောင်ပုဒ်(Internet)
အလုပ်အမှုဆောင်ကော်မတီ ၁၁ ဦးဖြင့်ဖွဲ့စည်းထားသော မွန်လူဦးရေစာရင်းအမှန်ရရှိရေး ကော်မတီရုံးကို ရန်ကုန်မြို့ ၊ ရွှေတိဂုံတောင်ဘက်မုခ်ရှိ မွန်ဓမ္မာရုံ၌ ဖွင့်လှစ်ထားရှိပြီး ရန်ကုန်တိုင်းဒေသကြီးတွင် နေထိုင်လျှက်ရှိသည့် မွန်မိသားစုဝင်စာရင်းကောက်ခံသွားမည်ဟု မွန်လူဦးရေစာရင်းမှန်ရရှိုရေး ဦးဆောင်ကော်မတီဝင် မိခင်လေးမြင့်က ပြောသည်။

မိခင်လေးမြင့်က “မျိုးချစ်စိတ်ရှိဖို့လိုတယ်။ မွန်လူမျိုးဖြစ်တဲ့အကြောင်းကို ဖော်ထုတ်ရဲရမယ်။ မွန်လူမျိုးဖြစ်ကြောင်းကို ပြောရမှာ ကြောက်နေတဲ့မွန်တွေ၊ ရှက်နေတဲ့လူတွေကို ပြန်ရှာရမယ်၊ မိဘနှစ်ပါးထဲက အဖေမွန်ဆိုရင် သားသမီးကမွန်လို့သတ်မှတ်ရတာပဲ”ဟုပြောသည်။

ရန်ကုန်တိုင်းဒေသအတွင်းရှိ မွန်လူမျိုးအများစုသည် မွန်မိဘနှစ်ပါးမှမွေးဖွားသူဖြစ်ကြသော်ငြား နိုင်ငံသားစိစစ်ရေးကဒ်ပြားတွင် လူမျိုး-မွန်၊ဗမာဟု သက်ဆိုင်ရာလူဝင်မှုကြီးကြပ်ရေးဌာနက သတ်မှတ်ဖော်ပြခံထားရသည်ဟုလည်း သူမက ဆက်ပြောသည်။

မွန်လူဦးရေစာရင်းကောက်ခံနေသူ မင်းဖေသန်းက “ဒီလ ၁၃ ရက်နေ့က စပြီးကောက်တယ်၊ ရန်ကုန်မြို့က မွန်ဘုန်းတော်ကြီးကျောင်းများမှာ စာရင်းအရင်စုဆောင်းတယ်။ အဲဒီကတဆင့် မွန်တွေရှိတဲ့နေရပ်လိပ်စာကိုသိရပြီးနောက် စာရင်းသွားရောက်ကောက်ခံမယ်”ဟု ပြောသည်။

ရန်ကုန်တိုင်းဒေသကြီးတွင် မွန်လူဦးရေစုစုပေါင်း ၂ သိန်းဝန်းကျင်ခန့်မှန်းထားပြီး ယင်းကဲ့သို့စာရင်းကောက်ခံနိုင်ရေးအတွက် ငွေကျပ်သိန်း ၃၀ဝ ခန့်မှန်းကုန်ကျနိုင်ကြောင်း လျာထားချက်အရ သိရသည်။

ရန်ကုန်၊ ပဲခူးနှင့် တနင်္သာရီတိုင်းဒေသကြီးအသီးသီး၌ မွန်တိုင်းရင်းသားဦးရေ ၆ သောင်းမပြည့်ဟု ဆိုကာ ၂၀၁၀ ရွေးကောက်ပွဲတွင် မွန်တိုင်းရင်းသားရေးရာအမတ်နေရာ ရွေးချယ်ခွင့်မရခဲ့ပေ။

လာမည့်ရွေးကောက်ပွဲများတွင် မွန်တိုင်းရင်းသားများ နေထိုင်လျှက်ရှိသောတိုင်းဒေသကြီးများအတွင်း မွန်တိုင်းရင်းသားလွှတ်တော်အမတ်နေရာရရှိရန်အတွက် လွဲမှားနေသော အိမ်ထောင်စုစာရင်းပါ အချက်အလက်ကိုပြန်လည်စိစစ်ပြီး လူဦးရေစာရင်းအမှန် တရားဝင်ပြုစုနိုင်ရန် ရည်ရွယ်သည်ဟု သိရသည်။

About မွန်သတင်းအေဂျင်စီ

Check Also

မုဒုံမြို့နယ် အမှတ် ၁ မဲဆန္ဒနယ် ပြည်နယ်လွှတ်တော်ကိုယ်စားလှယ်အား ဒေသခံ ၁၀ဝ ခန့် ဆန္ဒထုတ်ဖော်

မွန်ပြည်နယ် မုဒုံမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဒေါ်မြသိင်္ဂီမော်အား ကျေးရွာအုပ်ချုပ်ရေးမှူးထုတ်ပယ်ရခြင်းနှင့်ပတ်သက်၍ မှိန်ဂနိမ်းကျေးရွာ၌ ဒေသခံ ၁၀ဝ ခန့်တို့က စက်တင်ဘာလ ၂၁ ရက်နေ့ နံနက် …

Leave a Reply

%d bloggers like this: