spot_img
Sunday, April 14, 2024
More
    spot_img
    Homeသတင်းခမရ ၃၅၅ တပ်ရင်းကိုသိမ်းပိုက်ပြီး လက်နက်ခဲယမ်းများ သိမ်းဆည်းရမိဟု KNU ထုတ်ပြန်

    ခမရ ၃၅၅ တပ်ရင်းကိုသိမ်းပိုက်ပြီး လက်နက်ခဲယမ်းများ သိမ်းဆည်းရမိဟု KNU ထုတ်ပြန်

    -

    ကရင်ပြည်နယ်၊ ကော့ကရိတ်မြို့နယ် မြဝတီ /သင်္ကန်းညီနောင် အခြေစိုက် စစ်ကောင်စီတပ် ခမရ (၃၅၅) တပ်ရင်းကို အပြီးသတ်တိုက်ခိုက်သိမ်းပိုက်ခဲ့ပြီး လက်နက်ခဲယမ်းအမြောက်အများ သိမ်းဆည်းရမိသည်ဟု ကရင်အမျိုးသားအစည်းအရုံး KNU ဗဟိုက မတ်လ ၁၃ ရက်နေ့ညက ထုတ်ပြန်သည်။

    စစ်ကောင်စီတပ် ခမရ (၃၅၅) တပ်ရင်းကို ကရင်အမျိုးသားလွတ်မြောက်ရေးတပ်မတော် KNLA နှင့် တော်လှန်ရေးပူးပေါင်းတပ်ဖွဲ့တို့မှ မတ်လ ၇ ရက်နေ့ နံနက်ပိုင်းက စတင်ဝင်ရောက်တိုက်ခိုက်ခဲ့ပြီး ညနေ ၆ နာရီ ၄၅ မိခန့်တွင် စခန်းတစ်ခုလုံးကို အပြီးသတ် တိုက်ခိုက်သိမ်းပိုက်နိုင်ခဲ့သည်ဟု ဆိုသည်။

    အဆိုပါ စခန်းသိမ်းတိုက်ပွဲအတွင်း စစ်ကောင်စီတပ်ဘက်က ၁၉ ဦးထက်မနည်း သေဆုံးပြီး ဒဏ်ရာရသူလည်း အများအပြားရှိသည်ဟု KNU က ထုတ်ပြန်ထားသည်။

    ၎င်းပြင် လက်နက်ကြီး၊ လက်နက်ငယ်၊ ဗုံး၊ ကျည်ဘောက်၊ ကျည်ဆံ၊ စစ်သုံးကားအပါအဝင် လက်နက်ခဲယမ်းအမြောက်အများကိုလည်း သိမ်းဆည်းရမိသည်ဟု ထုတ်ပြန်ထားသည်။

    တိုက်ပွဲအတွင်း KNLA နှင့် တော်လှန်ရေး ပူးပေါင်းတပ်ဖွဲ့ဘက်က ၆ ဦး သေဆုံးပြီး ၄ ဦး ပြင်းထန်ဒဏ်ရာနှင့် ၄ ဦး မစိုးရိမ်ရဒဏ်ရာ ရခဲ့သည်။

    နှစ်ဖက်တိုက်ပွဲအတွင်း စစ်ကောင်စီဘက်က လေယာဉ်ဖြင့်ပစ်ခတ်ခြင်း၊ လက်နက်ကြီးဖြင့် ပစ်ခတ်ခဲ့ခြင်းကြောင်း အပြစ်မဲ့ ပြည်သူ ၁၀ ဦးခန့် သေဆုံးသွားခဲ့ရပြီး အမြောက်အများ ဒဏ်ရာရရှိခဲ့သည်ဟု ထုတ်ပြန်ချက်တွင် KNU က ပြောဆိုထားသည်။

    တိုက်ပွဲကြောင့် ပြည်သူပိုင်နေအိမ် ၂၀ လုံးထက်မနည်း ပျက်စီးသွားခဲ့ပြီး ထောင်နှင့်ချီသည့် ဒေသခံတို့ကလည်း ထွက်ပြေးတိမ်းရှောင်နေကြရသည်။

    #crdphoto_𝗞𝗮𝗿𝗲𝗻 𝗡𝗮𝘁𝗶𝗼𝗻𝗮𝗹 𝗨𝗻𝗶𝗼𝗻

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    22,100SubscribersSubscribe
    spot_img

    Latest posts