ဥပဒေပိုင်းဆိုင်ရာ အကူအညီပေးအပ်ရန်အတွက်ရည်ရွယ်၍ ပြီးခဲ့သည့် အငြိမ်းစား တရားသူကြီးများနှင့် ဥပဒေဘွဲ့ရ လူငယ်ရှေ့နေများပူးပေါင်းပြီး ရန်ကုန်မြို့ရှိ မွန်ဓမ္မာရုံတွင် စက်တင်ဘာလ ၂၄ ရက်နေ့က ရာမညမွန်ရှေ့နေများကွန်ယက် ဖြစ်မြောက်ရေးကော်မတီ(ယာယီ) ဖွဲ့စည်းခဲ့သည်ဟု သိရသည်။

ရေးမြို့အဝင် တံတားကြီးပူးပေါင်းစစ်ဆေးရေးအဖွဲ့မှ စက်တင်ဘာလ ၂၂ ရက်နေ့ညပိုင်းက ထားဝယ်မှ ရေးဘက်သို့မောင်းနှင်လာသောဆိုင်ကယ်နှစ်စီးအား ရပ်တန့်စစ်ဆေးစဉ် ပစ္စတို(၁)လက်နှင့် ကျည်ဆံများ သိမ်းဆည်းရမိခဲ့ကြောင်း ရေးမြို့မရဲစခန်းမှ သိရသည်။

မွန်ပြည်နယ်လွှတ်တော်က အတည်ပြုထားသည့် မော်လမြိုင်ဘိလပ်မြေစက်ရုံ (MCL) အရေးယူပေးရေးအဆိုကိစ္စ ပြည်နယ်အစိုးရမှ စက်ရုံသို့ တစ်စုံတစ်ရာအကြောင်းကြားလာခြင်းမရှိကြောင်း စက်ရုံတာဝန်ရှိသူတို့က ပြောသည်။

မွန်ပြည်နယ်၊ သံဖြူဇရပ်မြို့နယ် အမျိုးသားဒီမိုကရေစီအဖွဲ့ချုပ် NLD မြို့နယ်အလုပ်အမှုဆောင်အဖွဲ့ဝင် သတင်းနှင့်ပြန်ကြားရေးတာဝန်ခံ ဦးထွန်းဝင်းကို မူးယစ်ဆေးဝါးမှုဖြင့် စက်တင်ဘာလ (၂၀) ရက်နေ့တွင် သံဖြူဇရပ် မြို့မ ရဲစခန်းက ဖမ်းဆီးအရေးယူထားကြောင်း သတင်းရရှိသည်။

မွန်ပြည်နယ်ရှိ မြို့နယ်အားလုံးနီးပါးတွင် မွေးမြူရေးဇုန် ထူထောင်ပေးနိုင်ရန်အတွက် အစိုးရအဖွဲ့မှ မြေနေရာများ ရှာဖွေလျက်ရှိကြောင်း စက်တင်ဘာ (၂၀) ရက်နေ့က ကျင်းပသည့် ဒုတိယအကြိမ်မွန်ပြည်နယ်လွှတ်တော် သတ္တမပုံမှန် အစည်းအဝေးနောက်ဆုံးနေ့တွင် ကိုယ်စားလှယ်၏ မေးခွန်းမေးမြန်းခြင်းအပေါ် အစိုးရအဖွဲ့၏ ဖြေကြားချက်အရ သိရသည်။

မွန်ပြည်နယ်လွှတ်တော်အကြောင်း ပြည်သူများလေ့လာသိရှိနိုရန် ဒေသဆိုင်ရာလွှတ်တော်များအားပေးကူညီရေးအဖွဲ့ Myanmar Center to Empower Regional Parliaments- MCERP) မှ ဦးဆောင်၍ မော်လမြိုင်မြို့၊ ဈေးကြိုအဝေးပြေးဝင်းရှိ ကုန်စည်ဒိုင်ခန်းမ၌ စက်တင်ဘာလ (၂၀) ရက်နေ့တွင် စာအုပ်မိတ်ဆက်ပွဲအခမ်းအနားကို ပြုလုပ်ခဲ့သည်။

မွန်ပြည်နယ် မုဒုံမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဒေါ်မြသိင်္ဂီမော်အား ကျေးရွာအုပ်ချုပ်ရေးမှူးထုတ်ပယ်ရခြင်းနှင့်ပတ်သက်၍ မှိန်ဂနိမ်းကျေးရွာ၌ ဒေသခံ ၁၀ဝ ခန့်တို့က စက်တင်ဘာလ ၂၁ ရက်နေ့ နံနက် ၈ နာရီခွဲအချိန်တွင် ဆန္ဒထုတ်ဖော်ခဲ့ကြသည်။

မွန်ပြည်နယ်၊ ရေးမြို့နယ် ကပ္ပလီပင်လယ်ပြင်အတွင်း အစင်ကျေးရွာ စိန်ပိုက်ငါးဖမ်းလှေရေလုပ်သားတစ်ဦး သံပိုက်ဖြင့်အရိုက်ခံရသဖြင့် ရေထဲပြုတ်ကျသည့်တစ်လခန့်ကြာဖြစ်စဉ်အား စက်တင်ဘာလ၂၀ ရက်နေ့တွင် အမှုတိုင်ကြားခဲ့ကြောင်း ရေးမြို့မရဲစခန်းမှ သိရသည်။

မွန်ပြည်နယ်တောင်ပိုင်း ရေးမြို့ပေါ်တွင် စည်းကမ်းမဲ့ ရပ်နားသည့် မော်တော်ယာဉ်များကို ဥပဒေနှင့် အညီ အမြန်ဆုံး အရေးယူဆောင်ရွက်သွားမည်ဟု မွန်မြည်နယ်အစိုးရအဖွဲ့ စိုက်ပျိုးမွေးမြူရေးနှင့် ပို့ဆောင်ဆက်သွယ်ရေးဝန်ကြီး ဦးထွန်းဌေးက ပြောသည်။

ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ Joint Ceasefire Monitoring Committee-JMC-U ၏ (၁၂) ကြိမ်မြောက် ပုံမှန်အစည်းအဝေးတွင် NCA ကို နားလည်မှုနည်းခြင်းကြောင့် JMC လုပ်ငန်းစဉ် မအောင်မြင်ရခြင်းဖြစ်ကြောင်း JMC-U ဒု-ဥက္ကဌ(၁) ဗိုလ်ချုပ်စောအိုင်းဇက်ဖိုးက ပြောသည်။