မွန်  ၊ အင်္ဂလိပ် ၊  Font

Breaking News
Home / သတင်း / ဒေါက်တာအောင်နိုင်ဦးအား AMDP ပါတီနုတ်ထွက်ခွင့်ပြု

ဒေါက်တာအောင်နိုင်ဦးအား AMDP ပါတီနုတ်ထွက်ခွင့်ပြု

ရေးသားသူ:

မွန်ဒေသလုံးဆိုင်ရာဒီမိုကရေစီပါတီ AMDP ၏ ဇူလိုင်လ(၁၅) ရက်နေ့က ကျင်းပခဲ့သည့် ပါတီဗဟိုအလုပ်အမှုဆောင်အစည်းအဝေးဆုံးဖြတ်ချက်အရ ဒေါက်တာအောင်နိုင်ဦးအား ပါတီမှနုတ်ထွက်ခွင့်ပြုလိုက်ကြောင်း သိရသည်။

မွန်ပြည်နယ်လွှတ်တော် ဒုဥက္ကဌ ဒေါက်တာအောင်နိုင်ဦး၏ မိခင်ပါတီမှနုတ်ထွက်စာကို ဇွန်လ (၃၀) ရက်နေ့က ပါတီဗဟိုသို့ပေးပို့ခဲ့ရာတွင် မိမိသဘောဆန္ဒအရ ပါတီ၏ လုပ်ငန်းဆောင်တာများမှ အနားယူချင်လိုခြင်းဖြစ်ကြောင်း ပါတီတွဲဘက်အတွင်းရေးမှူး(၁) နိုင်စံတင်က ပြောသည်။

ဒေါက်တာအောင်နိုင်ဦး(Facebook)

“သူနှုတ်ထွက်စာတင်ထားတာ မြို့နယ်က တဆင့်တင်တော့ ဗဟိုကနေ အတည်ပြုပေးလိုက်တာပါပဲ။ နှုတ်ထွက်စာမှာတော့ ပါတီရဲ့ လုပ်ငန်းဆောင်တာများကို အနားယူမှာပေါ့။ သူ့ဆန္ဒအလျောက်အနားယူတာဖြစ်လို့ ကျွန်တော်တို့ ဘာမှ ပြောစရာမလိုပါဘူး”ဟု ၄င်းက ပြောကြားသည်။

မည်သည့်အကြောင်းကြောင့် နှုတ်ထွက်သည်ကို ယခုအချိန်တွင် မပြောလိုဘဲ မွန်ပြည်သူလူထုလိုလားသည့် မွန်တစ်ပါတီတည်းပေါင်းစည်းရေးအတွက် ပါတီအသစ်ဖွဲ့စည်းသင့်မသင့် ပြည်သူလူထု၏ သဘောဆန္ဒကို ကောက်ယူသွားမှာဖြစ်ကြောင်း ဒေါက်တာ အောင်နိုင်ဦးက ပြောသည်။

ဒေါက်တာ အောင်နိုင်ဦးက “မွန်တစ်ပါတီတည်းဖြစ်ဖို့ ပါတီပေါင်းစည်းရေးတွေ လုပ်နေတာတော့ ဟုတ်ပါတယ်။ ပါတီကနေ နှုတ်ထွက်တာနဲ့ ပတ်သက်ပြီး လတ်တလော ဘာမှ မပြောချင်သေးလို့ နားလည်ပေးပါ။” ဟု ပြောသည်။

၄င်းသည် ချောင်းဆုံမြို့နယ် အမှတ်(၁) မဲဆန္ဒနယ်မြေ ပြည်နယ်လွှတ်တော်ကိုယ်စားလှယ်အဖြစ် ၂၀၁၀ နှင့် ၂၀၁၅ ခုနှစ် ရွေးကောက်ပွဲနှစ်ကြိမ်စလုံး ပါဝင်ယှဉ်ပြိုင်အောင်နိုင်ခဲ့သူတစ်ဦးဖြစ်ပြီး NLD မဟုတ်သည့်ပါတီမှ မွန်ပြည်နယ်လွှတ်တော် ဒုဥက္ကဌအဖြစ် ရွေးချယ်တာဝန်ပေးအပ်ခံရသူ ဖြစ်သည်။

ဒေါက်တာအောင်နိုင်ဦးသည် ချောင်းဆုံမြို့နယ် မုဒွန်းရွာဇာတိဖြစ်ပြီး B.V.Sc တိရစ္ဆာန်ဆေးပညာဘွဲ့(ရေဆင်းတက္ကသိုလ်)ရရှိထားသည်။

About မွန်သတင်းအေဂျင်စီ

Check Also

တိုင်းရင်းသားလက်နက်ကိုင်အဖွဲ့ KNU တပ်မဟာ(၁)နှင့် မွန်ပြည်နယ်အစိုးရတို့ ပထမအကြိမ်တွေ့ဆုံ

ဝန်ကြီးချုပ်ဒေါက်တာအေးဇံ ခေါင်းဆောင်သည့် မွန်ပြည်နယ်အစိုးရအဖွဲ့နှင့် တိုင်းရင်းသားလက်နက်ကိုင်အဖွဲ့ ကရင်အမျိုးသားအစည်းအရုံး (KNU) တပ်မဟာ(၁) ခေါင်းဆောင်တို့ သြဂုတ်လ ၁၈ ရက် မွန်းလွဲပိုင်း မွန်ပြည်နယ်အစိုးရအဖွဲ့ရုံး အောင်ဆန်းခန်းမ၌ တွေ့ဆုံခဲ့ကြောင်း …

Leave a Reply

%d bloggers like this: