မွန်  ၊ အင်္ဂလိပ် ၊  Font

Breaking News
Home / မွန်ပြည်နယ်အုပ်ချုပ်မှုဆိုင်ရာ စောင့်ကြည့်ရေး / မုဒုံဦးအနီးတဝိုက် ရာဘာစက်ရုံရေဆိုးများကြောင့် သောက်သုံးရေအခက်ကြုံ

မုဒုံဦးအနီးတဝိုက် ရာဘာစက်ရုံရေဆိုးများကြောင့် သောက်သုံးရေအခက်ကြုံ

ရေးသားသူ:

မွန်ပြည်နယ်၊ မုဒုံမြို့နယ်၊ မုဒုံဦးကျေးရွာအနီးတဝိုက်ရှိ ဒေသခံများသည် ရာဘာစက်ရုံများမှ ထွက်ကျလာသော ရေဆိုးများကြောင့် သောက်သုံးရေအခက်ကြုံနေရသည်ကို တွေ့ရှိရသည်။

လွန်ခဲ့သည့် ၅ နှစ်ခန့်ကတည်းက ဖူရှင်၊ ဖူလီလိုက်၊ ရွှေမြန်မာ၊ ဟိုက်ဝင်ကုမ္ပဏီများမှ ထွက်ရှိသောရာဘာရေဆိုးများကို ချောင်းများအတွင်းသို့ တိုက်ရိုက်လွှတ်ချနေသဖြင့် အနံ့ဆိုးများကိုလည်း နေ့တိုင်း ရှူရှိက်နေရကြောင်း ဒေသခံတစ်ဦးက မွန်သတင်းအေဂျင် စီသို့ ပြောသည်။

ရာဘာစက်ရုံရေဆိုးများ(MNA)

မုဒုံဦးကျေးရွာနေ ဦးလှသိန်းက “ ချောင်းရေကို သုံးလို့ မရတော့ဘူး၊ စက်ရုံကထွက်ရှိတဲ့ အနံ့ဆိုးတွေ၊ အညှော်အနံ့တွေကတော့နေ့တိုင်း ဖြတ်သွားဖြတ်လာ သူတွေက အနံ့ရတာပေါ့၊ ဦးတို့က ဒီမှာနေတာကြာတော့ ဒီအနံ့တွေက ရိုးနေပြီ” ဟု ပြောသည်။

အကယ်၍ စက်ရုံများမှ လက်ရှိထုတ်လွှတ်နေသည့် ရာဘာဆေးရေများကို ပိုက်ဖြင့်သွယ်ချပါက ချောင်းရေလည်း သန့်ရှင်းလာပြီး ပတ်ဝန်းကျင်တွင် အနံ့ဆိုးများ မရှိနိုင်တော့ကြောင်း ဒေသခံတို့ယူဆနေသည်။

ဦးခင်စိုးက “ ကျနော်တို့ ဒီအနံ့သက်ကို နေ့တိုင်းရှုရှိက်နေရတော့ ကျန်းမာရေးထိခိုက်မယ်၊ ကုမ္ပဏီဘက်ကလည်းရေရှည်လုပ်သွားမယ်ဆိုရင် စက်ရုံကနေ အနံ့ဆိုးမထွက်အောင်၊ ရေသန့်ရှင်းမှုရှိအောင် စက်ရုံမှ ထွက်ကျလာတဲ့ရေတွေကို ပိုက်နဲ့ သွယ်လိုက်ရင် အဆင်ပြေသွားမယ်” ဟု ပြောသည်။

အဆိုပါ စက်ရုံပတ်ဝန်းကျင်အနီးတဝိုက်မှ အိမ်ထောင်စုအချို့ မုဒုံမြို့ဘက်သို့ ပြောင်းရွှေ့ခဲ့သည်ဟု သိရသည်။

ဖူရှင်ရာဘာဝယ်ယူရေးစက်ရုံ မန်နေဂျာ ဦးသူရ က “စက်ရုံကနေအသုံးပြုပြီးတဲ့ ရေတွေကို ရေစစ်ကန်မှာ အဆင့်ဆင့်သန့်စင်တယ်၊ ရေသန့်တဲ့အနေအထားရောက်မှပဲ ဦးတို့က ချောင်းမှာလွှတ်တာပေါ့နော်၊ နောက် စက်ရုံကနေထွက်တဲ့ ရာဘာအနံ့ကိုလည်း ခေါင်းတိုင်မှာမလွှတ်ဘဲနဲ့ ရေကိုဖြတ်ပြီးတော့မှ အနံ့သက်သာအောင် လွှင့်တဲ့စနစ်ကို သုံးထားတယ်” ဟုပြောသည်။

မုဒုံဦးကျေးရွာအနီးတစ်ဝိုက်တွင်ရှိ ရာဘာကုမ္ပဏီများသည် မွန်ပြည်နယ်ရှိ ရာဘာထူ၊ ရာဘာခွက်ကျန် နှင့် ရာဘာဆွဲဖတ်များကို ဝယ်ယူပြီးစက်ဖြင့်ကြိတ်ကာ နိုင်ငံခြားသို့ တင်ပို့ရောင်းချလျှက်ရှိကြောင်း ယင်းကုမ္ပဏီမှ သိရသည်။

About မွန်သတင်းအေဂျင်စီ

Check Also

ကရင်တွင်တည်ဆောက်မည့် ကျောက်မီးသွေးသုံးလျှပ်စစ်ဓါက်အားစီမံကိန်းကို အရပ်ဘက်အဖွဲ့အစည်းများ ကန့်ကွက်

ကရင်ပြည်နယ်တွင် TTCL ကုမ္ပဏီမှ USC နည်းပညာဖြင့် ၁၂၀ဝ မဂ္ဂါဝပ်ကျော်ထုတ်လုပ်မည့် ကျောက်မီးသွေးလောင်စာသုံး လျှပ်စစ်ဓါတ်အားပေး စက်ရုံစီမံကိန်းအား အရပ်ဘက်အဖွဲ့အစည်း ၁၄၇ ဖွဲ့က ဇွန်လ ၂၁ …

Leave a Reply

%d bloggers like this: