မွန်  ၊ အင်္ဂလိပ် ၊  Font

Breaking News
Home / သတင်း / နေပြည်တော် ၇၀ ကြိမ်မြောက် မွန်အမျိုးသားနေ့အခမ်းအနား ဖေဖော်ဝါရီလ (၅) ရက်တွင်ကျင်းပမည်

နေပြည်တော် ၇၀ ကြိမ်မြောက် မွန်အမျိုးသားနေ့အခမ်းအနား ဖေဖော်ဝါရီလ (၅) ရက်တွင်ကျင်းပမည်

ရေးသားသူ:

ယခုနှစ် (၇၀) ကြိမ်မြောက်မွန်အမျိုးသားနေ့သည် ဖေဖော်ဝါရီ (၁၂) ရက် ပြည်ထောင်စုနေ့နှင့် တိုက်ဆိုင်နေခြင်းကြောင့် နေပြည်တော်တွင် မွန်အမျိုးသားနေ့အခမ်းအနားကို လာမည့်ဖေဖော်ဝါရီလ (၅) ရက်၌ ကျင်းပသွားမည်ဖြစ်ကြောင်း ကျင်းပရေးကော်မတီဥက္ကဋ္ဌ မင်းဗညားစန်းက ပြောသည်။

“နေပြည်တော်မှာက ပြည်ထောင်စုအဆင့် ဝန်ကြီးတွေပဲတက်ဖို့များတယ်လေ၊ ဒါကြောင့် သူတို့အားမယ့်နေ့နဲ့ ညှိပြီးတော့ ရက်ရွေ့လိုက်ရတယ်၊ ဒေါ်အောင်ဆန်းစုကြည်နဲ့ သမ္မတကိုလည်း ဖိတ်စာပေးပို့ထားတယ်၊ တတ်ရောက်ပေးနိုင်မယ်လို့ ထင်တယ်၊ ဘာလို့ဆိုတော့ ရန်ကုန်အခမ်းအနားတွေမှာလည်း တက်ရောက်ခဲ့ဖူးတယ်၊ ဝန်ကြီးတွေလည်း အများကြီးတတ်ရောက်ကြမယ်” ဟု မင်းဗညားစန်းက ပြောသည်။

နေပြည်တော် ၇၀ ကြိမ်မြောက် မွန်အမျိုးသားနေ့ပိုစတာ(Copy)

အဆိုပါ မွန်အမျိုးသားနေ့အခမ်းအနားကို နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းစင်တာ ၂-MICC-2 ခန်းမတွင် ဖေဖော်ဝါရီ (၅) ရက် ညနေ (၆းဝ၀) နာရီမှ ည (၉းဝ၀) နာရီအထိ ကျင်းပမည်ဖြစ်ရာ နိုင်ငံတော်သမ္မတနှင့် နိုင်ငံတော်အတိုင်ပင်ခံ ဒေါ်အောင်ဆန်းစုကြည် အပါအဝင် ပြည်ထောင်စုဝန်ကြီးများ၊ ပြည်ထောင်စုလွှတ်တော်ကိုယ်စားလှယ်များ၊ မွန်ပြည်နယ်မှ (၇၀) ကြိမ်မြောက် မွန်အမျိုးသားနေ့(ဗဟို)ကျင်းပရေးကော်မတီဝင်များနှင့် တိုင်းဒေသကြီးနှင့် ပြည်နယ်အားလုံးရှိ တိုင်းရင်းသားဝန်ကြီးများ စုစုပေါင်းပုဂ္ဂိုလ် (၆၀ဝ) ဦးခန့် ဖိတ်ကြားထားကြောင်း၊ အခမ်းအနားတက်ရောက်လာသော ပုဂ္ဂိုလ်ကြီးများ မိန့်ခွန်းပြောကြားခြင်းအစီအစဉ်နှင့် မွန်ရိုးရာဓလေ့အဆိုအကများဖြင့် ဖျော်ဖြေသွားရန် စီစဉ်ထားသည်ဟု သိရသည်။

“ကိုယ့်မွန်လူမျိုးရဲ့ ရိုးရာယဉ်ကျေးမှုကိုလည်း အခြားတိုင်းရင်းသားတွေ သိရှိစေချင်လို့ ၊ နောက်လူကြီးတွေ တက်ရောက်မယ်ဆိုတော့ အခမ်းအနားကြီးတစ်ခုလိုကျင်းပမှအဆင်ပြေမယ်” ဟု မင်းဗညားစန်းက ဆက်ပြောသည်။

နေပြည်တော်တွင် မွန်အမျိုးသားနေ့ကို လွှတ်တော်စတင်ပေါ်ပေါက်လာချိန် (၂၀၁၀) ခုနှစ်မှစ၍ ပြည်ထောင်စုအဆင့် မွန်လွှတ်တော်ကိုယ်စားလှယ်များက တပို့တွဲလဆုတ် (၁) ရက်နေ့မှာသာ ကျင်းပနေခဲ့သော်လည်း ပါတီပွဲအဆင့်တစ်ခုသာ ပြုလုပ်ခဲ့သောကြောင့် ယခုနှစ်၌ ကျင်းပရေးကော်မတီဖွဲ့ပြီး မွန်ရိုးရာဓလေ့ယဉ်ကျေးမှုနှင့် အခန်းအနားပုံစံ ကျင်းပသွားမည်ဖြစ်ကြောင်း သိရသည်။

“ကျိုက်ထိုမှာလဲ ဒီလိုအကြိုလုပ်တာမျိုး ရှိခဲ့ပါတယ်၊ မွန်အမျိုးသားနေ့ဗဟိုကို လာတက်ဖို့ ကြိုလုပ်တာမျိုးပေါ့၊ ဒါလည်း ပြည်ထောင်စုနေ့နဲ့ တိုက်သွားလို့ (၅) ရက်နေ့ကို ရွေ့လိုက်တာပါ၊ ဒီလိုပွဲမျိုးကို တက်ရောက်ရုံမျှမက ဝိုင်းဝန်းလုပ်ဆောင်သင့်တယ်” ဟု (၇၀) ကြိမ်မြောက် မွန်အမျိုးသားနေ့(ဗဟို)ကျင်းပရေးကော်မတီဝင် နိုင်မွန်ရာဇာ ကပြောသည်။

မွန်အမျိုးသားနေ့ကို နှစ်စဉ်တပို့တွဲလပြည့်ကျော်(၁) ရက်နေ့ကျရောက်တိုင်း ရန်ကုန်၊ မန္တလေး၊ ကရင်ပြည်နယ်နှင့် မွန်ပြည်နယ်များအပြင် မွန်လူမျိုးများနေထိုင်ကြသည့်မြို့ရွာအသီးသီးတွင်ကျင်းပခဲ့သည်မှာ ယခုနှစ်တွင်အကြိမ် ၇၀ ပြည့်ဖြစ်သည်။

About မွန်သတင်းအေဂျင်စီ

Check Also

မုဒုံမြို့နယ် အမှတ် ၁ မဲဆန္ဒနယ် ပြည်နယ်လွှတ်တော်ကိုယ်စားလှယ်အား ဒေသခံ ၁၀ဝ ခန့် ဆန္ဒထုတ်ဖော်

မွန်ပြည်နယ် မုဒုံမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဒေါ်မြသိင်္ဂီမော်အား ကျေးရွာအုပ်ချုပ်ရေးမှူးထုတ်ပယ်ရခြင်းနှင့်ပတ်သက်၍ မှိန်ဂနိမ်းကျေးရွာ၌ ဒေသခံ ၁၀ဝ ခန့်တို့က စက်တင်ဘာလ ၂၁ ရက်နေ့ နံနက် …

Leave a Reply

%d bloggers like this: