မွန်  ၊ အင်္ဂလိပ် ၊  Font

Breaking News
Home / သတင်း / ထိုင်းနိုင်ငံ ကန်ကလာချန်သစ်တောဥယျာဉ်ကို ယူနက်စ်ကိုဝင်ရန်တင်သွင်းရာ မြန်မာနိုင်ငံမှ ကန့်ကွက်မှုအား လက်ခံ

ထိုင်းနိုင်ငံ ကန်ကလာချန်သစ်တောဥယျာဉ်ကို ယူနက်စ်ကိုဝင်ရန်တင်သွင်းရာ မြန်မာနိုင်ငံမှ ကန့်ကွက်မှုအား လက်ခံ

ရေးသားသူ:

ထိုင်းနိုင်ငံမှ ကန်ကလာချန် Kaeng Krachan Forest သစ်တောဥယျာဉ်ကို ကမ္ဘာ့အမွေအနှစ်စာရင်း (UNESCO)ဝင်ရန်တင်သွင်းရာ မြန်မာနိုင်ငံမှ ကန့်ကွက်မှုကို ကမ္ဘာ့အမွေအနှစ်ကော်မတီ အစည်းအဝေးက လက်ခံခဲ့ပြီး ထိုင်နိုင်ငံအားနောက်တစ်နှစ် ထပ်မံကြိုးစားရန် ဆုံးဖြတ်ခဲ့ကြောင်း ကမ္ဘာ့အမွေအနှစ် ဒေသများဌာနခွဲ က သိရသည် ။

ယင်းကန်ကလာချန်ဥယျာဉ်ကို နယ်မြေပိုင်နက် (Coordinate)မျဉ်းများရေးဆွဲရာ၌ မြန်မာနိုင်ငံနယ်နမိတ် (၃၄) ရာခိုင်နှုန်း ပါဝင်နေသည့်အတွက် မြန်မာနိုင်ငံမှ ကန့်ကွက်ကြောင်း တင်ပြခဲ့ခြင်းဖြစ်သည် ။

Kaeng Krachan အမျိုးသားဥယာဉ်(Internet)
Kaeng Krachan အမျိုးသားဥယာဉ်(Internet)
“ဒီကန်ကလာချန်ဥယျာဉ်နဲ့ ပတ်သက်ပြီး ကမ္ဘာ့အမွေအနှစ် ကော်မတီ က မြန်မာနိုင်ငံရဲ့တင်ပြချက်ကို လက်ခံခဲ့တယ် ။ နောက်ပြီးတော့ ထိုင်းနိုင်ငံနဲ့ ညိှနိှုင်ဆောင်ရွက်ပြီး နောက်နှစ်မှာ လိုအပ်တာတွေ ထပ်ဖြည့်ဖို့ သဘောတူခဲ့တယ်” ဟု ကမ္ဘာ့အမွေအနှစ်ဒေသများ ဌာနခွဲ မှ တာဝန်ရှိသူတစ်ဦး က ပြောသည် ။

ယင်းဆုံးဖြတ်ချက်ကို ပြင်သစ်နိုင်ငံ ပါရီမြို့ရှိ ယူနက်စ်ကို (UNESCO) ရုံးချုပ်တွင် အောက်တိုဘာ (၂၄) ရက်နေ့ မှ(၂၆) ရက်နေ့အထိကျင်းပသည့် ကမ္ဘာ့အမွေအနှစ် ကော်မတီ၏ Extra Ordinary Meeting ၌ ဆုံးဖြတ်ခဲ့ခြင်းဖြစ်သည် ။

“ထိုင်း နဲ့ မြန်မာ ပိုင်နက် ထိစပ်နယ်မြေသတ်မှတ်မှု မပြီးသေးပါဘူး ။ နှစ်နိုင်ငံညိှနိှုင်းမှုတော့ မရှိပါဘူး ။ ဒီလိုနယ်နိမိတ်မသတ်မှတ်ရသေးပဲ ထိုင်းဘက်က ယူနက်စ်ကို ဝင်ဖို့တင်တာပါ ။ ဒါကို ယူနက်စ်ကိုကလည်း လက်မခံပါဘူး ။ သူတို့ကတော့ ဒီနယ်နိမိတ် သတ်မှတ်ပြီးတဲ့ အထိစောင့်ရမှာဖြစ်တယ်” ဟု သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဋ္ဌာန ဝန်ကြီးရုံး (သစ်တော) ညွှန်ကြားရေးမှူး ဦးမျိုးမင်း က ပြောသည် ။

ထို့အပြင် ကန်ကလာချန်သစ်တောဥယျာဉ်အတွင် မြန်မာနိုင်ငံမှ မြေဧရိယာ ဟက်တာ တစ်သောင်းခန့် ပါဝင်ပြီး ယင်းမြေပေါ်တွင် ကရင်မျိုနွယ်စုတစ်ချို့ နေထိုင်လုပ်ကိုင်စားသောက်နေကြကြောင်း သိရသည် ။ 

ယင်းကရင်မျိုးနွယ်စုများနှင့် ပတ်သတ်၍ တိကျသည့် စီမံခန့်ခွဲမှုစနစ်များ ရေးဆွဲတင်ပြရန် ကမ္ဘာ့အမွေအနှစ်ကော်မတီက ဆုံးဖြတ်ချက်ချခဲ့သည့် အပြင် နှစ်နိုင်ငံနယ်နိမိတ် ပြန်လည်သတ်မှတ်ကာ ညိှနိှုင်းဆောင်ရွက်ရန်လည်း ပါဝင်ကြောင်း ကမ္ဘာ့အမွေအနှစ် ဒေသများဌာနခွဲ က သိရသည် ။

ယင်းကန်ကလာချန်သစ်တောဥယျာဉ်သည် ထိုင်းနိုင်ငံRatchaburi, Phetchaburi, Prachuab Kirikhanစသည့်ခရိုင် ၃ ခုနှင့် မြန်မာနိုင်ငံ တနင်္သာရီကမ်းမြောင်ဒေသရှိ တနင်္သာရီလေညာသစ်တောကြိုးဝိုင်းတို့နယ်နိမိတ်ချင်းထိစပ်ခြင်းဖြစ်ပြီး ၂၀၁၀ – ၂၀၁၁ ခုနှစ် ကတည်းက ကမ္ဘာ့အမွေအနှစ်စာရင်း (UNESCO)ဝင်ရန်တင်သွင်းခဲ့ခြင်းဖြစ်ကြောင်း သိရသည် ။

ထိုင်းနှင့် မြန်မာနိုင်ငံသည် ၁၃၀၀ မိုင်ကျော် နယ်နိမိတ်မြေထိစပ်မှုရှိသော်လည်း တိကျသောနယ်ခြားမှုတ်တိုင် စိုက်ထူခြင်း မရှိသေးပေ။

About မွန်သတင်းအေဂျင်စီ

Check Also

မုဒုံမြို့နယ် အမှတ် ၁ မဲဆန္ဒနယ် ပြည်နယ်လွှတ်တော်ကိုယ်စားလှယ်အား ဒေသခံ ၁၀ဝ ခန့် ဆန္ဒထုတ်ဖော်

မွန်ပြည်နယ် မုဒုံမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဒေါ်မြသိင်္ဂီမော်အား ကျေးရွာအုပ်ချုပ်ရေးမှူးထုတ်ပယ်ရခြင်းနှင့်ပတ်သက်၍ မှိန်ဂနိမ်းကျေးရွာ၌ ဒေသခံ ၁၀ဝ ခန့်တို့က စက်တင်ဘာလ ၂၁ ရက်နေ့ နံနက် …

Leave a Reply

%d bloggers like this: