မွန်  ၊ အင်္ဂလိပ် ၊  Font

Breaking News
Home / သတင်း / ဇွန်လ ၁၁ ရက်နေ့တွင် တက္ကသိုလ်ဝင်တန်းစာမေးပွဲအောင်စာရင်းထွက်မည်

ဇွန်လ ၁၁ ရက်နေ့တွင် တက္ကသိုလ်ဝင်တန်းစာမေးပွဲအောင်စာရင်းထွက်မည်

ရေးသားသူ: >

ပြီးခဲ့သည့်မတ်လက ဖြေဆိုခဲ့သော ၂၀၁၅-၁၆ ခုနှစ် တက္ကသိုလ်ဝင်တန်း(၁၀ တန်း) အောင်စာရင်းကို လာမည့်စနေနေ့ ဇွန်လ ၁၁ ရက်နေ့တွင် ထွက်နိုင်လိမ့်မည်ဟု မွန်ပြည်နယ်ပညာရေးမှူးရုံးမှ ခန့်မှန်းသိရှိရသည်။

၁၀ တန်းအောင်စာရင်း တိုးဝှေ့ကြည့်နေပုံ(Internet)
၁၀ တန်းအောင်စာရင်း တိုးဝှေ့ကြည့်နေပုံ(Internet)
မွန်ပြည်နယ်ပညာရေးမှူးရုံး ညွှန်ကြားရေးမှူး ဦးမျိုးတင့်အောင် က “ အခုဇွန်လ ပထမပတ်မှာ မထွက်နိုင်ဘူး၊ ဒုတိယပတ်ကုန်လောက်မှာ ထွက်နိုင်မယ်လို့ ထင်တာပဲ’’ ဟုပြောသည်။

အလားတူ မတ်လ ၉ ရက်မှ ၁၈ ရက်အထိ ကျင်းပခဲ့သော တက္ကသိုလ်ဝင်စာမေးပွဲအောင်စာရင်းကို လာမည့်ဇွန်လ ၁၁ ရက်(စနေနေ့) တွင် ထုတ်ပြန်ရန် စီစဉ်ထားကြောင်း ပညာရေးဝန်ကြီးဌာနမှ သတင်းရရှိသည်။

မြန်မာနိုင်ငံစာစစ်ဦးစီးဌာနမှ အဆင့်မြင့်အရာရှိတစ်ဦးက “အောင်စာရင်းထုတ်ပြန်တဲ့နေရာတွေကလည်း အရင်အတိုင်းပဲ၊ နေရာပြောင်းလဲဖို့ မရှိပါဘူး’’ဟု ပြောသည်။

မွန်ပြည်နယ်အနေဖြင့် ယခုနှစ်တက္ကသိုလ်ဝင်တန်း ဖြေဆိုသူ ကျောင်းသား ၇၃၀၈ ဦး၊ ကျောင်းသူ ၁၂၃၇၃ ဦး၊ စုစုပေါင်း ၁၉၆၈၁ ဦးရှိကြောင်း တစ်နိုင်ငံလုံးအတိုင်းအတာဖြင့် ကျောင်းသားငါးသိန်းကိုးသောင်း ကျော် ဝင်ရောက်ဖြေဆိုခဲ့ကြောင်း သိရသည်။

ယမန်နှစ် တက္ကသိုလ်ဝင်တန်း စာမေးပွဲ(၂၀၁၄-၁၅ ခုနှစ်) အောင်စာရင်းကို ဇွန်လ ၆ ရက်နေ့တွင် ထုတ်ပြန်ခဲ့ရာ တစ်နိုင်ငံလုံး အတိုင်းအတာဖြင့် မွန်ပြည်နယ်သည် ခြောက်နှစ်ဆက်တိုက် အောင်ချက်အကောင်းဆုံးအဖြစ် ရပ်တည်ခဲ့ရာမှ ဒုတိယအောင်ချက် အကောင်းဆုံးသို့ လျောကျခဲ့သည်။

ယမန်နှစ်တွင် တစ်နိုင်ငံလုံး၏ အောင်ချက်အကောင်းဆုံးအရ ဧရာဝတီတိုင်း ၅၁ ဒသမ ၇၈ ရာနှုန်းဖြင့် ပထမ၊ မွန်ပြည်နယ် ၄၃ ဒသမ ၄၀ ရာနှုန်းဖြင့် ဒုတိယ၊ မကွေးတိုင်း ၄၀ ဒသမ ၈၆ ရာနှုန်းဖြင့် တတိယ၊ ရန်ကုန်တိုင်း ၃၇ ဒသမ ၁၆ ရာနှုန်းဖြင့် စတုတ္ထ အသီးသီး ရရှိကြသည်။

ယမန်နှစ် ၂၀၁၄-၂၀၁၅ ပညာသင်နှစ် တက္ကသိုလ်ဝင်တန်း စာမေးပွဲတွင် မွန်ပြည်နယ်မှ ၁၈၁၇၀ ဦး ဝင်ရောက် ဖြေဆိုသည့်အနက် ၇၈၈၆ ဦး အောင်မြင်ခဲ့ပြီး ခြောက်ဘာသာ ဂုဏ်ထူးရှင် ၂၀ ဦး၊ ငါးဘာသာ ၆၀ ဦး၊ လေးဘာသာ ၂၂၄ ဦး၊ သုံးဘာသာ ၂၉၃ ဦး၊ နှစ်ဘာသာ ၄၀ဝ ဦး နှင့် တစ်ဘာသာ ၁၆၄၆ ဦး၊ အောင်ချက် ၄၃ ဒဿမ ၄၀ ရာခိုင်နှုန်းရှိခဲ့သည်။

မွန်ပြည်နယ်တွင် အထက်တန်း ၉၀ ကျောင်၊ အလယ်တန်း ၁၀၆ ကျောင်း၊ မူလတန်း ၁၂၃၉ ကျောင်း စုစုပေါင်း ၁၄၃၅ ကျောင်းရှိကြောင်း မွန်ပြည်နယ် ပညာရေးမှူးရုံးထံမှ သိရသည်။

About မွန်သတင်းအေဂျင်စီ

Check Also

မော်လမြိုင်တွင် အမှိုက်ဖျက်ဆီးစက်ရုံတည်ဆောက်ရန်ညှိနှိုင်း

မွန်ပြည်နယ်၊မော်လမြိုင်မြို့တွင် စွန့်ပစ်အမှိုက်ဖျက်ဆီးစက်ရုံ တည်ဆောက်ရန် ဖင်လန် နိုင်ငံမှ ကုမ္ပဏီများနှင့် ဆွေးနွေးညှိနှိုင်းနေကြောင်း မွန်ပြည်နယ် စည်ပင်သာယာရေးဝန်ကြီးဌာနမှ သတင်းရရှိသည်။ Related

Leave a Reply

%d bloggers like this: