မွန်  ၊ အင်္ဂလိပ် ၊  Font

Breaking News
Home / သတင်း / မွန်ပြည်သစ်ပါတီ ထိပ်ပိုင်းခေါင်းဆောင်အချို့ အပြောင်းအလဲပြုလုပ်

မွန်ပြည်သစ်ပါတီ ထိပ်ပိုင်းခေါင်းဆောင်အချို့ အပြောင်းအလဲပြုလုပ်

ရေးသားသူ:

ခတ္တာနန်း – ယခုလ ၁၃ ရက်နေ့မှ စ၍ မွန်ပြည်သစ်ပါတီ၏ အရေးပေါ် ဗဟိုကော်မတော်အစည်းအဝေး တစ်ရပ်ကျင်းပခဲ့ပြီး ထိုအစည်းအဝေးတွင် မွန်ပြည်သစ်ပါတီ၏ ထိပ်ပိုင်းခေါင်းဆောင် အချို့ အပြောင်းအလဲ ပြုလုပ်ခဲ့ကြောင်း သိရသည်။

ကယ်ဆယ်ရေးနှင့် ဖွံ့ဖြိုးရေးဗဟိုတာဝန်ခံ ဒုဗိုလ်မှူးကြီးဉာဏ်ထွန်းက “ အဓိကကတော့ လိုအပ်နေတဲ့ ခေါင်းဆောင်နေရာတွေကို ပြန်ရွေးတယ် ဗဟိုကော်မတီ ၂၇ ယောက်ဖြည့်တယ်” ဟုပြောသည်။

ကျင်းပဆဲမွန်ပြည်သစ်ပါတီ ဗဟိုကော်မတီ အစည်းအဝေး (Facebook)
ကျင်းပဆဲမွန်ပြည်သစ်ပါတီ ဗဟိုကော်မတီ အစည်းအဝေး (Facebook)
ခေါင်းဆောင်အပြောင်းအလဲများအနေနှင့် မွန်ပြည်သစ်ပါတီ အထွေထွေအတွင်းရေးမှူးဟောင်း နိုင်ဟံသာကို ဒုဥက္ကဌ၊ ယခင်တွဲဖက်အထွေထွေအတွင်းရေးမှူး(၁)ဟောင်း နိုင်အောင်မင်းကို အထွေထွေအတွင်းရေးမှူး၊ စစ်ဦးစီးချုပ်ဗိုလ်ချုပ်ကျော်ယဲ့ကို တွဲဖက်အထွေထွေအတွင်းရေးမှူး၊ စစ်ဦးစီးချုပ်သစ်အဖြစ် ဗိုလ်ချူပ်လယီကောင်း တို့အား တာဝန်အသီးသီး ပြောင်းလဲခန့်အပ်ခဲ့ကြောင်း ဒုဗိုလ်မှူးဉာဏ်ထွန်းက ဆက်ပြောသည်။

အရန်ဗဟိုကော်မတီဝင် ဗိုလ်မှူး M စိုက်ချမ်းနှင့် ဗိုလ်မှူးကြီးစံတို့အား ဗဟိုကော်မတီဝင်အဖြစ် တိုးမြင့်ခန့်အပ်ပြီး ဗဟိုစစ်ကော်မတီအဖွဲ့ဝင်(၇)ဦးတွင် ဒုဗိုလ်မှူးကြီးဟံသာနှင့် ဒုဗိုလ်မှူးကြီး စံအေးတို့အား ဖြည့်စွက်ခန့်အပ်လိုက်ကြောင်း သိရသည်။

ယခုကျင်းပပြုလုပ်သည့် မွန်ပြည်သစ်ပါတီဗဟိုကော်မတီအရေးပေါ်အစည်းအဝေးသည် လစ်လပ်သောခေါင်းဆောင်နေရာခန့်အပ်မှု၊ လက်နက်ကိုင်တိုင်းရင်းသားများညီလာခံမှ ရရှိလာသည့် အချက်အလက်များ၊ မြစ်ကြီးနားတွင်ပြုလုပ်ခဲ့သည့် အစိုးရနှင့် တွေ့ဆုံးဆွေးနွေးပွဲမှာ ရရှိလာသည့် အစိုးရ၏တင်ပြချက် ၂၅ ချက်တို့အား ဆွေးနွေးရန်အတွက် အစည်းအဝေး ခေါ်ယူခြင်းဖြစ်သည်။

မွန်ပြည်သစ်ပါတီ အရေးပေါ် ဗဟိုကော်မတီအစည်းအဝေးကို မွန်ပြည်သစ်ပါတီ ဗဟိုစခန်းတည်ရှိရာ ရေးမြစ်ဖြားတွင် ယမန်နေ့ ၁၃ ရက်နေ့မှ စတင်ကျင်းပခဲ့ပြီး အချိန် ၃ ရက်ခန့်ကြာမည်ဖြစ်ကြောင်း ခန့်မှန်းရသည်။

About မွန်သတင်းအေဂျင်စီ

Check Also

မြို့ဝင်ကြေးကောက်ခံမှုကို စည်ပင်အား တိုက်ရိုက်လွှဲထား၍အခက်တွေ့ဟုဆို

မွန်ပြည်နယ် (၉ ) မြို့နယ်တွင် မြို့ဝင်ကြေး ကောက်ခံမှုကို ကုမ္ပဏီများအား လေလံချပေးမည့်အစား သက်ဆိုင်ရာ စည်ပင်သာယာရေးဦးစီးဌာနသို့ တိုက်ရိုက်လွှဲပြောင်းပေးထားသည့်အတွက် အခက်အခဲတချို့ရှိနေကြောင်း မွန်ပြည်နယ် စည်ပင်သာသာရေးဦးစီးဌာနမှ သတင်းရရှိသည်။ …

Leave a Reply

%d bloggers like this: