တနင်္သာရီတိုင်း၊ မြိတ်-ထားဝယ်ခရိုင်၊ လယ်ကဆော (ဘုတ်ပြင်း) မြို့နယ်၊ ဘိုဒါးကျေးရွာအတွင်းရှိ အာဏာသိမ်းစစ်တပ်စခန်းကို တော်လှန်ရေးပူးပေါင်းတပ်ဖွဲ့တို့က တိုက်ခိုက်သိမ်းပိုက်လိုက်သည်ဟု ကေအဲန်ယူ-မြိတ်ထားဝယ်ခရိုင်က ယနေ့ ဧပြီလ ၂၅ ရက်နေ့တွင် ထုတ်ပြန်သည်။
လယ်ကဆော (ဘုတ်ပြင်း) မြို့နယ်၊ ဘုတ်ပြင်းမြို့နှင့် ပြည်ကြီးမဏ္ဍိုင်မြို့ကြား ပြည်ထောင်စုလမ်းမပေါ် ဘိုဒါးကျေးရွာအတွင်း နှစ်နှစ်ကျော်ကြာ တပ်စွဲထားသည့် စစ်စခန်းကို ကရင်အမျိုးသားလွတ်မြောက်ရေးတပ်မတော် KNLA နှင့် မဟာမိတ်တော်လှန်ရေးပူးပေါင်းတပ်ဖွဲ့တို့က တိုက်ခိုက်သိမ်းပိုက်လိုက်ခဲ့ခြင်းဖြစ်သည်။
အဆိုပါ တပ်စခန်းကို တော်လှန်ရေးပူးပေါင်းတပ်ဖွဲ့တို့က ဧပြီလ ၂၀ ရက်နေ့က စတင်တိုက်ခိုက်ခဲ့ပြီး ဧပြီလ ၂၄ ရက်နေ့ ညနေ ၃ နာရီအချိန်တွင် အပြီးသတ် သိမ်းပိုက်နိုင်ခဲ့ခြင်းဖြစ်သည်။
စခန်းသိမ်းတိုက်ပွဲအတွင် စခန်းရှိ အာဏာသိမ်းတပ်ဖွဲ့ဝင်များအားလုံး ထွက်ပြေးသွားခဲ့သည်ဟု ကေအဲန်ယူ-မြိတ်ထားဝယ်ခရိုင်က ထုတ်ပြန်ထားသည်။
ဓာတ်ပုံ- တော်လှန်ရေး ပူးပေါင်းတပ်ဖွဲ့များ တိုက်ခိုက်သိမ်းပိုက်ရရှိသည့် ဘိုဒါးစခန်း
