spot_img
Tuesday, July 23, 2024
More
    spot_img
    Homeသတင်းတောင်ပိုင်းစစ်ဒေသ အထူးစစ်ဆင်ရေးသင်တန်း အပတ်စဉ် ၅ ပြီးဆုံးကြောင်း S.O.F ထုတ်ပြန်

    တောင်ပိုင်းစစ်ဒေသ အထူးစစ်ဆင်ရေးသင်တန်း အပတ်စဉ် ၅ ပြီးဆုံးကြောင်း S.O.F ထုတ်ပြန်

    -

    လွတ်လပ်သော မွန်သတင်းအေဂျင်စီ၊ ဖေဖော်ဝါရီလ ၁၃၊ ၂၀၂၄ ။

    အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ၏ အထူးစစ်ဆင်ရေးသင်တန်း အပတ်စဉ် (၅) အောင်မြင်စွာပြီးဆုံးကြောင်း အထူးစစ်ဆင်ရေးတပ်ဖွဲ့ – S.O.F က ထုတ်ပြန်ခဲ့သည်။

    အဆိုပါ စစ်ဆင်ရေးသင်တန်းကို ကရင်အမျိုးသားအစည်းအရုံး KNU တပ်မဟာ (၆) နယ်မြေအတွင်း အထူးစစ်ဆင်ရေးတပ်ဖွဲ့ – S.O.F မှ ဦးဆောင်သင်ကြားပေးခဲ့သည်ဟု ဆိုသည်။

    သင်တန်းဆင်းပွဲတွင် အလံတော်အားအလေးပြုခြင်းနှင့် သစ္စာဓိဌာန်ရွတ်ဆိုခြင်း၊ တောင်ပိုင်းစစ်ဒေသ ဒုစစ်ဒေသမှုး – ၂ ရဲဘော်စောရှားမှ အမှာစကားပြောကြားခြင်း၊ အထူးတပ်ဖွဲ့၏ တပ်ဖွဲ့မှုး အောင်စံရှားမှ သင်တန်းဆင်းမိန့်ခွန်းပြောကြားခြင်း၊ သစ္စာဓိဌာန်ပြုသစ္စာရည်သောက်ခြင်းနှင့် စစ်ရေးပြလှည့်လည်၍ အလေးပြုခြင်းများဆောင်ရွက်ခဲ့ကြသည်။

    အထူးစစ်ဆင်ရေးသင်တန်း အပတ်စဉ် (၅) တွင် အခြေခံစစ်ပညာသင်တန်း တစ်လခွဲ၊ အထူးစစ်ဆင်ရေးသင်တန်း နှစ်လ၊ အထူးမွန်းမံသင်တန်းများအဖြစ် အဖွဲ့များခွဲ၍ (စနိုက်ပါသင်တန်း၊ ဆေးသင်တန်း၊ လက်နက်ကြီးသင်တန်း၊ ဒရုန်းသင်တန်း) တစ်လဖြင့် စုစုပေါင်း လေးလခွဲကြာ သင်ကြားခဲ့ရသည်ဟု ထုတ်ပြန်ထားသည်။

    သင်တန်းကို KNLA မှ သင်တန်းနည်းပြများ၊ U.S မရိမ်းတပ်ဖွဲ့ဝင်ဟောင်း မြန်မာနိုင်ငံသား သင်တန်းနည်းပြများ၊ S.O.F သင်တန်းနည်းပြများမှ ကြီးကြပ်သင်ကြားပေးခဲ့ပြီး မွန်၊ ကရင်၊ တနင်္သာရီရှိ တော်လှန်ရေးအဖွဲ့အသီးသီးမှ အထူးရွေးချယ်စေလွှတ်ထားသော အထူးတပ်ဖွဲ့ဝင် သင်တန်းသားများ ပါဝင်တက်ရောက်ခဲ့ကြသည်။

    အထူးစစ်ဆင်ရေးသင်တန်းဆင်း ရဲဘော်များအား တောင်ပိုင်းစစ်ဒေသ၏ SPECIAL OPERATION FORCE – S.O.F အထူးစစ်ဆင်ရေးတပ်ဖွဲ့ (၉၉၉၉/အထူးတပ်ဖွဲ့) အောက်တွင် စစ်ကြောင်း (၂) အဖြစ် ထပ်မံဖွဲ့စည်းခဲ့ပြီး အခြားသင်တန်းဆင်းရဲဘော်များမှာ မိခင် တပ်ရင်း/တပ်ဖွဲ့များအတွင်း ပြန်လည်ဝင်ရောက်၍ တော်လှန်ရေးတာဝန်များထမ်းဆောင်နေပြီဖြစ်သည်ဟု ဆိုသည်။

    အပတ်စဉ် (၅) သင်တန်းဆင်းရဲဘော်များဖြင့်ဖွဲ့စည်းထားသော S.O.F စစ်ကြောင်း (၂) သည် သင်တန်းဆင်းပြီးပြီးချင်း မွန်ပြည်နယ်၊ ကျိုက်မရောမြို့နယ် အတွင်းရှိ ခလယ်တံခွန်တိုက်တိုက်ပွဲ၊ ချောင်းနှစ်ခွတိုက်ပွဲ၊ ကရင်ပြည်နယ်အတွင်းရှိ ကြာအင်းဆိတ်ကြီးမြို့တွင်းတိုက်ပွဲ၊ တောင်ကြာအင်းစခန်းသိမ်းတိုက်ပွဲ၊ ကော့ကရိတ်မြို့တွင်းတိုက်ပွဲများနှင့် တနင်္သာရီတိုင်း၊ ထားဝယ်မြို့နယ်အတွင်းရှိ ကျောက်ထုစခန်းသိမ်းပွဲများကို ဆက်တိုက်ဆင်နွှဲခဲ့သည်ဟုလည်း ထုတ်ပြန်ထားသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    26,300SubscribersSubscribe
    spot_img

    Latest posts