spot_img
Saturday, April 20, 2024
More
    spot_img
    Homeသတင်းသားအဖ ၂ ဦး အသတ်ခံရမှုတွင် ကျုးလွန်သူကို ဖမ်းဆီးရမိ

    သားအဖ ၂ ဦး အသတ်ခံရမှုတွင် ကျုးလွန်သူကို ဖမ်းဆီးရမိ

    -

    မွန်ပြည်နယ်၊ မော်လမြိုင်မြို့၊ ကော့လှာကျေးရွာအုပ်စု၊ ဖဲထော်ကျေးရွာက သားအဖ ၂ ဦး အသတ်ခံရမှုတွင် ကျုးလွန်သူကို ဖမ်းဆီးရမိထားကြောင်း သိရသည်။ 

    အသက် ၆၈ နှစ်ရှိ ဦးမြင့်နှင့် ၎င်း၏သားဖြစ်သူ အသက် ၄၀ နှစ်ရှိ ပုတ်ကြီး(ခ)အုံးဟန်တို့ ၂ ဦးသည် ဖဲထော်ကျေးရွာ လယ်ကွင်းအမှတ် ၃၆၀ တွင် အသတ်ခံထားရသည်ကို မေလ ၃၁ ရက်နေ့ နံနက်ပိုင်းက တွေ့ရှိခဲ့သည်။

    သားအဖ ၂ ဦး အသတ်ခံရမှုနှင့် ပတ်သက်ပြီး ၎င်းတို့ နေထိုင်ရာ တဲအနီးရှိ ဝင်းထွန်း(ခ)မောင်ငိုဆိုသူကို သက်ဆိုင်ရာက ခေါ်ယူစစ်ဆေးခဲ့ကြောင်း သိရသည်။

    စစ်ဆေးရာတွင် ၎င်းသည် သေဆုံးသားအဖတို့နှင့်အတူ မေလ ၃၀ ရက် ည ၉ နာရီခန့်က အရက်သေစာသောက်စားနေချိန် မိခင်ဖြစ်သူနှင့် ပေးစားဆဲဆိုသဖြင့် စကားများရန်ဖြစ်ခဲ့ပြီး အလျား ၃ ပေ၊ အချင်း ၃ လက်မခန့်ရှိ မအူသားတုတ်ဖြင့် ရိုက်နှက်ခဲ့သည်ဟု ထွက်ဆိုခဲ့ကြောင်း ရဲတပ်ဖွဲ့ထံမှ သိရသည်။

    “ကျုးလွန်သူကိုတော့ မိထားပြီ။ သူ့ကို ဆက်ပြီး စစ်ဆေးနေတယ်။ သက်သေခံ တုတ်ကိုလည်း သိမ်းဆည်းထားပြီးပြီ” ဟု ရဲတပ်ဖွဲ့နှင့် နီးစပ်သူတစ်ဦးက ပြောသည်။

    အဆိုပါ ဖြစ်စဉ်နှင့် ပတ်သတ်ပြီး မေလ ၃၁ ရက်က ရာဇသတ်ကြီးဥပဒေပုဒ်မ-၃၀၂အရ အမှုဖွင့်ထားပြီး အရေးယူနိုင်‌ရေး ဆက်လက်ဆောင်ရွက်နေကြောင်း သိရသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    22,400SubscribersSubscribe
    spot_img

    Latest posts