spot_img
Sunday, July 14, 2024
More
    spot_img
    Homeသတင်းရေးမြို့နယ်က အရပ်သားတစ်ဦးကို စစ်ကောင်စီတပ်ဖွဲ့တို့က ပစ်သတ်

    ရေးမြို့နယ်က အရပ်သားတစ်ဦးကို စစ်ကောင်စီတပ်ဖွဲ့တို့က ပစ်သတ်

    -

    မွန်ပြည်နယ်၊ ရေးမြို့နယ် ကျုံလောင်းရွာသစ်အနီးရှိ စစ်ကောင်စီတပ်ရင်း ခလရ ၆၁ ရှေ့တွင် အသက် ၃၅ နှစ်အရွယ် ကိုကြည်ဝင်းဆိုသူကို စစ်ကောင်စီတပ်တို့က ပစ်သတ်ခဲ့ကြောင်း သိရသည်။

    မတ်လ ၂၃ ရက်နေ့ ည ၈ နာရီအချိန်ခန့်က ရေးမြို့မှ ဆိုင်ကယ်မောင်းနှင်လာသည့် ကိုကြည်ဝင်းနှင့် မောင်လေးငယ်တို့နှစ်ဦးသည်  စစ်ကောင်စီတပ်ရင်း ခလရ ၆၁ ရှေ့အရောက်တွင် ပစ်ခတ်ခံရခြင်းဖြစ်သည်။

    သေနတ်ဖြင့် ပစ်ခတ်ခံရမှုကြောင့် ကိုကြည်ဝင်းသည် ရေးဆေးရုံအရောက်တွင် သေဆုံးသွားခဲ့ပြီး ၎င်းနှင့်အတူ ဆိုင်ကယ်လိုက်ပါစီးနင်းလာသည့် ကိုမောင်လေးကတော့ ပျောက်ဆုံးနေပြီး ယနေ့ထိ အဆက်အသွယ်မရသေးဘူးလို့လည်း သိရသည်။

    ရေးမြို့နယ်ကို စစ်ကောင်စီက စစ်အုပ်ချုပ်ရေးကြေညာထားပြီး ည ၆ နာရီ နံနက် ၆ နာရီ ညမထွက်ရမိန့်လည်း ထုတ်ပြန်ထားပြီးနောက် သတ်မှတ်ချိန်အတွင်း ဖြတ်သန်းသွားလာသူများကို ပစ်ခတ်တာ ဖမ်းဆီးတာတွေ လုပ်ဆောင်နေသည်ဟု ဒေသခံတို့က ပြောသည်။

    “စစ်အုပ်ချုပ်ရေးကြေညာပြီးနောက်မှာ ညပိုင်းသွားလာလို့ သူတို့နဲ့ကြုံရင် ဖမ်းဆီးခံရတာရှိတယ်။ ပစ်သတ်ခံရတာတွေလည်းရှိတယ်။ သူတို့က လုပ်ချင်သလို လုပ်နေတယ်ဆိုတော့ ၆ နာရီနောက်ပိုင်း ဘယ်မှ မသွားတာက အကောင်းဆုံးပါ” ဟု ရေးဒေသခံတစ်ဦက မှတ်ချက်ပြုသည်။

    မတ် ၂၄ ရက်နေ့ နေ့လည် ၁၁ နာရီကျော်ခန့်ကလည်း ဘီးလင်းမြို့နယ်၊ ဒေါက်ရပ်ကျေးရွာနှင့် ရွှေရောင်ပြကျေးရွာအကြား ရန်ကုန်-မော်လမြိုင်ကားလမ်းမဘေးတွင် လူငယ် ၂ ဦးကို လုံခြုံရေးဆောင်ရွက်နေသည့် စစ်ကောင်စီတပ်ဖွဲ့တို့က ပစ်သတ်ခဲ့ကြောင်း သိရသည်။

    အဆိုပါ လူငယ်နှစ်ဦးသည် အသက် ၂၀ ဝန်းကျင်သာရှိသည့်လူငယ်များဖြစ်ပြီး မည်သူမည်ဝါဖြစ်သည်ကိုတော့  မသိရှိရသေးဘူးလို့ ဒေသခံတို့က ဆိုသည်။

    စစ်ကောင်စီတပ်ထောက်ခံ တယ်လီဂရမ်အကောင့်တွေမှာတော့ အဆိုပါ လူငယ် ၂ ဦးသည် ခြုံပုတ်အတွင်း မိုင်းထောင်နေစဥ် စစ်ကောင်စီလုံခြုံရေးတပ်ဖွဲ့တို့က ပစ်သတ်ခဲ့ပြီး ၎င်းတို့ထံမှ လက်လုပ်မိုင်း ၂ လုံးလည်း သိမ်းဆည်းရမိခဲ့သည်ဟု ရေးသားဖော်ပြထားသည်။

    ဘီးလင်းမြို့နယ်၊ ဒေါက်ရပ်ကျေးရွာနှင့် ရွှေရောင်ပြကျေးရွာအကြား ရန်ကုန်-မော်လမြိုင်ကားလမ်းတလျှောက်တွင် စစ်ကောင်စီယာဉ်တန်း မိုင်းဆွဲခံရမှု၊ ပစ်ခတ်တိုက်ခိုက်ခံရမှု မကြာခဏ ဖြစ်ပွားလေ့ရှိသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    26,200SubscribersSubscribe
    spot_img

    Latest posts