spot_img
Sunday, April 28, 2024
More
    spot_img
    HomeCovid 19တက္ကသိုလ်ဝင်စာမေးပွဲများ ကိုဗစ်စည်းကမ်းနှင့်အညီ ကျင်းပသွားမည်ဟုဆို

    တက္ကသိုလ်ဝင်စာမေးပွဲများ ကိုဗစ်စည်းကမ်းနှင့်အညီ ကျင်းပသွားမည်ဟုဆို

    -

    မွန်သတင်းအေဂျင်စီ (၂၀၂၂ ဖေဖော်ဝါရီ ၂၈)

    မွန်ပြည်နယ်တွင် တက္ကသိုလ်ဝင်စာမေးပွဲများကို ကျန်းမာရေးနှင့် အားကစားဝန်ကြီးဌာနမှ ထုတ်ပြန်ထားသော ကိုဗစ်စည်းကမ်းများနှင့်အညီ ကျင်းပသွားမည်ဟု မွန်ပြည်နယ် ပညာရေးမှူးရုံးမှ သိရသည်။

    မွန်ပြည်နယ် ၁၀ မြို့နယ်မှ ကျောင်းသား/ ကျောင်းသူ တစ်သောင်းကျော် ဝင်ရောက်ဖြေဆိုမည်ဖြစ်ကြောင်း ၎င်းက ပြောသည်။

    “ကျွန်မတို့ ဒီနှစ်ကတော့ အတွင်းရော အပြင်ဖြေရော တစ်သောင်းကျော်ရှိတယ်။ ကိုဗစ်ကလည်း ပြန်ဖြစ်နေတော့ ကျန်းမာရေးမှူးတွေနဲ့ တိုင်ပင်ပြီး ကိုဗစ်စည်းကမ်းတွေနဲ့ အညီပြုလုပ်သွားပါမယ်။ နောက်ပြီး ကျောင်းသား၊ ကျောင်းသူတွေကို တခြားအန္တရာယ်တွေကနေ ကာကွယ်ဖို့လည်း စဥ်းစားနေရတယ်”ဟု ၎င်းက ပြောသည်။

    တစ်နိုင်ငံလုံးတွင် တက္ကသိုလ်ဝင်စာမေးပွဲကို မတ်လ ၃၁ ရက်နေ့မှ ဧပြီလ ၉ ရက်အထိ ပြုလုပ်သွားမည်ဖြစ်ကြောင်း သိရသည်။

    မွန်ပြည်နယ်တွင် ကျောင်းတွင်းမှ ဖြေဆိုမည့် ကျောင်းသား/ ကျောင်းသူ ၉၂၁၉ ဦးနှင့် ပြင်ပမှ ဖြေဆိုမည့် ကျောင်းသား/ ကျောင်းသူ ၂၆၉၇ဦး စုစုပေါင်း ၁၁၉၁၆ဦး ဖြေဆိုမည် ဖြစ်သည်။

    မွန်ပြည်နယ်ရှိ ကျောင်းများတွင် ကိုဗစ်ကူးစက်မှုများ မြင့်တက်နေသော်လည်း တက္ကသိုလ်ဝင်စာမေးပွဲကို ဆက်လက်ကျင်းပရန် စီစဥ်နေခြင်း ဖြစ်သည်။

    အစင်ကျေးရွာတွင် ကျောင်းသား/ ကျောင်းသူ ၁၆၀ ကျော် ကိုဗစ် ၁၉ကူးစက်ခံထားရပြီး မွန်ပြည်နယ်တွင် နေ့စဥ် ကိုဗစ်အတည်ပြုလူနာ ၂၀၀နီးပါး တွေ့ရှိနေကြောင်း ကျန်းမာရေးဝန်ကြီးဌာန၏ ထုတ်ပြန်ချက်အရ သိရသည်။

    Caption: ကိုဗစ်ကာလ မတိုင်ခင်က  စာမေးပွဲ ဖြေဆိုပြီး ကျောင်းသူ၊ သားများ  (Internet)

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    22,800SubscribersSubscribe
    spot_img

    Latest posts