spot_img
Sunday, June 23, 2024
More
    spot_img
    Homeငြိမ်းချမ်းရေးအာဏာသိမ်းခြင်းသည် ဒီမိုကရေစီအသွင်ကူးပြောင်းရေးလုပ်ငန်းစဉ်များ ကြီးမာစွာထိခိုက်စေကြောင်း KNU နှင့် RCSS တို့ သဘောထားအသီးသီးထုတ်ပြန်

    အာဏာသိမ်းခြင်းသည် ဒီမိုကရေစီအသွင်ကူးပြောင်းရေးလုပ်ငန်းစဉ်များ ကြီးမာစွာထိခိုက်စေကြောင်း KNU နှင့် RCSS တို့ သဘောထားအသီးသီးထုတ်ပြန်

    -

    စိုင်းထွန်းစံ (၂ ဖေဖော်ဝါရီ ၂၀၂၁)

    နိုင်ငံတော် သမ္မတ ဦးဝင်းမြင့်နှင့် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် အရပ်သားအစိုးရ ခေါင်းဆောင်များကို ဖမ်းဆီးပြီး တပ်မတော်က နိုင်ငံတော်အာဏာ သိမ်းယူလိုက်ခြင်းသည် ဒီမိုကရေစီ အသွင်ကူပြောင်းရေး လုပ်ငန်းစဉ်များကို ကြီးမာစွာ အဟန့်အတား ဖြစ်စေကြောင်း ကရင်အမျိုးသား အစည်းအရုံး KNU က သဘောထားထုတ်ပြန်ပြီး အာဏာသိမ်းခြင်းကို ကန့်ကွက်ကြောင်း သျှမ်းပြည်ပြန်လည်ထူထောင်ရေးကောင်စီ (RCSS/SSA) တို့က ကြေညာလိုက်သည်။

    နိုင်ငံရေးပြဿနာကို နိုင်ငံရေးနည်းလမ်းဖြင့် ဖြေရှင်းသည့် လုပ်ငန်းစဉ်အပေါ်လေးနက်မှုမရှိကြောင်းကို ပြသခြင်းဖြစ်ကာ စိန်ခေါ်မှုများစွာရှိနေသော နိုင်ငံ၏ ရှေ့အနာဂတ်အရေးကို ဆိုးဝါးစွာ ထိခိုက်စေမည်ဖြစ်ကြောင်း KNU ၏ ယနေ့ထုတ်ပြန်သည့် ကြေညာချက်တွင် ဖော်ပြပါရှိသည်။

     NLD ပါတီခေါင်းဆောင်များ၊ ပြည်နယ်နှင့်တိုင်းဒေသကြီးများမှ ဝန်ကြီးချုပ်များအပါအဝင် ဒီမိုကရေစီရေး လှုပ်ရှားတက်ကြွသူများနှင့် အစိုးရအဖွဲ့ဝင်များကို ဖေဖေါ်ဝါရီလ (၁)ရက်နေ့တွင် တပ်မတော်က ဖမ်းဆီးထိန်းသိမ်းပြီး နိုင်ငံတော်အာဏာကို သိမ်းယူလိုက်ခြင်းအပေါ် အနာဂတ်အတွက် လွန်မင်းစွာ ပူပန်မှုဖြစ်ပေါ်ရကြောင်း KNU က ဆိုသည်။

    ယခုအချိန်သည် အမျိုးသား ပြန်လည်သင့်မြတ်ရေး နှင့်  ငြိမ်းချမ်းရေးလုပ်ငန်းစဉ် ဆောင်ရွက်နေသည့် ကာလဖြစ်သောကြောင့် နိုင်ငံခေါင်းဆောင်များနှင့် ဒီမိုကရေစီရေး တက်ကြွလှုပ်ရှားသူများ အပါအဝင် ဖမ်းဆီးထိန်းသိမ်းထားသူများ အားလုံးကို ချွင်းချက်မရှိ လွှတ်ပေးပြီး နိုင်ငံရေး ပြဿနာအရပ်ရပ်ကို ငြိမ်းချမ်းစွာ တွေ့ဆုံဆွေးနွေးအဖြေရှာရန် အလေးအနက် တောင်းဆိုကြောင်းလည်း KNU က တိုက်တွန်းလိုက်သည်။

    အလားတူ မြန်မာ့တပ်မတော်က ဒီမိုကရေစီ အရပ်သားအစိုးရထံမှ အာဏာသိမ်းယူ၍ အရေးပေါ်အခြေအနေ ကြေညာလိုက်ခြင်းသည် ယုံကြည်မှုတည်ဆောက်ခြင်းနှင့် ငြိမ်းချမ်းရေး လုပ်ငန်းစဉ်အား ထိခိုက်စေသည့်အပြင် ဒီမိုကရေစီနှင့် ဆန့်ကျင်ကြောင်း၊ အာဏာသိမ်းခြင်းကြောင့် တစ်နိုင်ငံလုံး ပစ်ခတ်တိုက်ခတ်မှု ရပ်စဲရေး သဘောတူစာချုပ်(NCA)နှင့် ငြိမ်းချမ်းရေး လုပ်ငန်းစဉ်တို့သည်လည်း ရပ်ဆိုင်းသွားနိုင်ကြောင်း RCSS/SSA ၏ ဖေဖော် ၁ ရက်နေ့ ကြေညာချက်တွင် ဖော်ပြထားသည်။

    ထို့ပြင် အာဏာသိမ်းပြီးနောက် ဖြစ်ပေါ်လာမည့် နိုင်ငံရေး အကျပ်အတည်းကို ကျော်လွှားနိုင်ရေး အတွက် သက်ဆိုင်ရာ အဖွဲ့အစည်းအသီးသီးတို့က တွေ့ဆုံဆွေးနွေးညှိနှိုင်းကြပြီး ငြိမ်းချမ်းစွာ ဖြေရှင်းကြပါရန် RCSS က ဆက်လက်တိုက်တွန်းထားသည်။

    RCSS သည် ဖက်ဒရယ်နှင့် ဒီမိုကရေစီ အတွက် ပြည်သူ့လူထု တရပ်လုံးနှင့် အတူတကွ ရပ်တည်ပြီး ကြိုးပမ်းဆောင်ရွက် သွားမည်ဖြစ်သလို KNU အနေဖြင့် ဖက်ဒရယ်ပြည်ထောင်စုတည်ဆောက်ရေး၊ ဒီမိုကရေစီ အသွင်ကူးပြောင်းရေးအတွက် တိုင်းရင်းသားပြည်သူလူထုတရပ်လုံးနှင့် အတူတကွ ရပ်တည်သွားမည်ဖြစ်ကြောင်း ၄င်းတို့၏ ထုတ်ပြန်ချက်အသီးသီးတွင် တွေ့ရသည်။

    NCA လက်မှတ်ရေးထိုးပြီးဖြစ်သော KNU နှင့် RCSS တို့သည် တိုင်းရင်းသားလက်နက်ကိုင်တော်လှန်ရေးအဖွဲ့အစည်းများတွင် အင်အားကြီးမား၍ ၄င်းတို့၏လူထုထောက်ခံမှုအများဆုံးရရှိထားသည့် အဖွဲ့များဖြစ်ကြသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    25,400SubscribersSubscribe
    spot_img

    Latest posts