spot_img
Saturday, July 13, 2024
More
    spot_img
    Homeသတင်းချောင်းဆုံမြို့နယ်ကြားဖြတ်ရွေးကောက်ပွဲမဲပေးခွင့်ရှိသူ တစ်သိန်းနှစ်သောင်းခြောက်ထောင်ကျော်စာရင်းကောက်ခံရရှိထား

    ချောင်းဆုံမြို့နယ်ကြားဖြတ်ရွေးကောက်ပွဲမဲပေးခွင့်ရှိသူ တစ်သိန်းနှစ်သောင်းခြောက်ထောင်ကျော်စာရင်းကောက်ခံရရှိထား

    -

    မွန်ပြည်နယ်တွင် ကြားဖြတ်ရွေးကောက်ပွဲကျင်းပမည့် ချောင်းဆုံမြို့နယ် ပြည်သူ့လွှတ်တော်လစ်လပ်နေရာအတွက် ဒီဇင်ဘာ ၃၀ ရက်နေ့အထိ စာရင်းကောက်ခံရရှိထားသည့်စာရင်းအရ မဲပေးပိုင်ခွင့်ရှိသူ တစ်သိန်းတစ်သိန်းနှစ်သောင်းခြောက်ထောင်ကျော် (၁၂၆,၉၀ဝ ) စာရင်းကောက်ခံရရှိကြောင်း ချောင်းဆုံမြို့နယ် ရွေးကောက်ပွဲကော်မရှင်အဖွဲ့ခွဲရုံးမှ သိရသည်။

    သို့ရာတွင် ပြီးခဲ့သည့် ၂၀၁၅ အထွေထွေရွေးကောက်ပွဲ၌ ချောင်းဆုံမြို့နယ်တွင် မဲပေးပိုင်ခွင့်ရှိသူ (၁၂၇,၂၄၉) ဦးရှိခဲ့ရာ ဆန္ဒမဲပေးသူဦးရေ (၅၆၅၇၃) ဦးသာရှိခဲ့သည်ဟု သိရသည်။

    ၂၀၁၂ ကြားဖြတ်ရွေးကောက်ပွဲ၌ မဲရေတွက်နေပုံ(Internet)
    ၂၀၁၂ ကြားဖြတ်ရွေးကောက်ပွဲ၌ မဲရေတွက်နေပုံ(Internet)
    ချောင်းဆုံမြို့နယ်ရွေးကောက်ပွဲကော်မရှင်အဖွဲ့ခွဲ ဥက္ကဌ ဦးထွန်းရီက “ ဒီဇင်ဘာ ၃၀ ရက်နေ့အထိ မဲပေးပိုင်ခွင့်ရှိသူ ၁၂၅၉၀ဝ ကျော်ရှိပါတယ်၊ နောက်ထပ် တိုးလာမယ့် ပုံစံ (၃)၊ ပုံစံ (၄) (ဂ) တို့ကို ထပ်မံထည့်သွင်းရမှာဖြစ်တဲ့အတွက် စာရင်းအတိကျ မပြောနိုင်သေးဘူး” ဟု ဆိုသည်။

    ချောင်းဆုံမြို့နယ်ရွေးကောက်ပွဲကော်မရှင်အဖွဲ့ခွဲရုံးအနေဖြင့် ၂၀၁၅ မဲဆန္ဒရှင်စာရင်းတွင် အက္ခရာစဉ်နှင့် စီထားသည့်အတွက် အမည်စာရင်းထပ်နေခြင်း၊ အမည်တူနေခြင်း၊ တစ်ခြားသောဒေသများ၏ အမည်စာရင်း ပါဝင်နေခြင်းကြောင့် ယခုအိမ်ထောင်စုအလိုက် စာရင်းကောက်ရာတွင် မဲဆန္ဒရှင်ဦးရေစာရင်း ပြောင်းလဲမှုရှိနေကြောင်း ၄င်းကဆက်ပြောသည်။

    အဆိုပါမဲဆန္ဒရှင်ဦးရေစာရင်းကို ချောင်းဆုံမြို့နယ်ရွေးကောက်ပွဲကော်မရှင်အဖွဲ့ခွဲရုံး ဦးဆောင်မှုဖြင့် နိုဝင်ဘာလ ၁ ရက်နေ့တွင် အိမ်ထောင်စုအလိုက် တစ်အိမ်သက်ဆင်း စာရင်းကောက်ခံခဲ့ပြီး ယနေ့ချိန်အထိ စာရင်းပြုစု မပြီးစီးသေးကြောင်း သိရသည်။

    အလားတူ လွှတ်တော်ကိုယ်စားလှယ်အလောင်းများ၏ အမည်စာရင်းပုံစံ (၁၀) ကပ်ထားကြေငြာခြင်းကို ဇန်နဝါရီလ ၂ ရက်နေ့တွင်လည်းကောင်း၊ မဲဆွယ်စည်းရုံးရေးကာလကို ဇန်နဝါရီ ၃၀ မှ မတ်လ ၃၀ ရက်နေ့အထိလည်းကောင်း ပြည်ထောင်စုရွေးကောက်ပွဲကော်မရှင်ရုံးမှ အောက်တိုဘာ ၁၈ ရက်နေ့တွင် ကြေငြာချက်ထုတ်ပြန်ခဲ့သည်။

    မော်လမြိုင်ခရိုင်ရွေးကောက်ပွဲကော်မရှင်ရုံးအရာရှိ ဦးထင်ကျော် က “ ပါတီများမှ တင်သွင်းလာတဲ့ လွှတ်တော်ကိုယ်စားလှယ်လောင်း ၅ ဦးကို ခရိုင်ကစိစစ်ပြီးတော့ ကန့်ကွက်သူမရှိတဲ့အတွက် ပြည်ထောင်စုကို စာရင်း တင်ထားပြီးပြီ” ဟုပြောသည်။

    အဆိုပါလစ်လပ်မဲဆန္ဒနယ်မြေတွင် လက်ရှိအာဏာရ အမျိုးသားဒီမိုကရေစီအဖွဲ့ချုပ် NLD, မွန်အမျိုးသားပါတီ MNP, မွန်ဒေသလုံးဆိုင်ရာဒီမိုကရေစီပါတီ AMDP,
    ပြည်ခိုင်ဖြိုးပါတီ USDPနှင့် တိုင်းရင်းသားစည်းလုံးညီညွတ်ရေးပါတီ-တစညပါတီမှ ကိုယ်စားလောင်းများ ဝင်ရောက်ယှဉ်ပြိုင်မည်ဟု သိရသည်။

    ပြီးခဲ့သည့် ၂၀၁၅ အထွေထွေရွေးကောက်ပွဲတွင် ချောင်းဆုံမြို့နယ် ပြည်သူ့လွှတ်တော်ကိုယ်စားလှယ်အဖြစ် NLD ပါတီမှ ဒေါ်ခင်ဌေးကြွယ် ရွေးချယ်ခံရပြီးနောက် နိုင်ငံတော်ဖွဲ့စည်းပုံ အခြေခံဥပဒေခုံရုံးအဖွဲ့ဝင် တာဝန်ထမ်းဆောင်ရသဖြင့် အဆိုပါမဲဆန္ဒနယ်မြေတွင် ကိုယ်စားလှယ်လောင်းလစ်လပ်နေခြင်း ဖြစ်သည်။

    တစ်နိုင်ငံလုံးအတိုင်းအတာအရ ပြည်သူ့လွှတ်တော်မဲဆန္ဒနယ် ၈ နေရာ၊ အမျိုးသားလွှတ်တော် ၃ နေရာ၊ တိုင်းဒေသကြီး/ပြည်နယ်လွှတ်တော် ၇ နေရာ စုစုပေါင်း ၁၈ နေရာ လစ်လပ်နေပြီး မွန်ပြည်နယ်တွင် ချောင်းဆုံမြို့နယ် ပြည်သူ့လွှတ်တော်တစ်နေရာသာ ယှဉ်ပြိုင်ရမည်ဖြစ်သည်။

    ပြီးခဲ့သည့် ၂၀၁၂ ခုနှစ်ကြားဖြတ်ရွေးကောက်ပွဲ၌ မွန်ပြည်နယ်အတွင်း မော်လမြိုင်မြို့နယ်ပြည်သူ့လွှတ်တော်မဲဆန္ဒနယ်မြေတစ်နေရာလစ်လပ်ခဲ့ရာတွင် NLD ပါတီကိုယ်စားလှယ် ဒေါ်ခင်ဌေးကြွယ် ရွေးချယ်ခံခဲ့ရသည်ဟု သိရသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    26,100SubscribersSubscribe
    spot_img

    Latest posts