ယနေ့ကျရောက်သည့် (၇၈) ကြိမ်မြောက် လွတ်လပ်ရေးနေ့ အထိမ်းအမှတ်အဖြစ် နိုင်ငံတစ်ဝှမ်းရှိ အကျဉ်းသား၊အကျဉ်းသူ ၆၁၃၄ ဦးကို စစ်ကော်မရှင်မှ လွတ်ငြိမ်းခွင့်ပြုလိုက်ပြီး ပြစ်မှု ၁၃ မှု မှလွဲ၍ တည်ဆဲဥပဒေနှင့် ပြစ်ဒဏ်ကျခံနေရသူများ၏ ပြစ်ဒဏ် ၆ ပုံ ၁ ပုံကိုလည်း လျော့ပေါ့ခွင့်ပြုလိုက်ကြောင်း သိရသည်။
စစ်အုပ်စု၏ အမျိုးသားကာကွယ်ရေးနှင့် လုံခြုံရေးကောင်စီ အမိန့်အမှတ် ၁/၂/၃ -၂၀၂၆ ခုနှစ် ၁၃၈၇ ခုနှစ် ပြာသိုလပြည့်ကျော် ၂ ရက်နေ့ ပြစ်ဒဏ်လွတ်ငြိမ်းသက်သာခွင့် ကြေညာချက်များအရ သိရသည်။
ပြစ်ဒဏ်လွတ်ငြိမ်းသက်သာခွင့် ကြေညာချက်များတွင် အကျဉ်းသား၊အကျဉ်းသူ ၆၁၃၄ ဦးကို လွတ်ငြိမ်းခွင့်ပြုကြောင်းပါရှိပြီး ၂၀၂၆ ခုနှစ် ၄ ရက်နေ့မတိုင်မီ လူသတ်မှု၊ မုဒိမ်းမှု၊ ပေါက်ကွဲစေတတ်သော ဝတ္တုပစ္စည်းများအက်ဥပဒေအရ ပြစ်မှုများစသည့် ပြစ်မှု ၁၃ မှုမှလွဲ၍ တည်ဆဲဥပဒေနှင့် ပြစ်ဒဏ်ကျခံနေရသူများ၏ ပြစ်ဒဏ် ၆ ပုံ ၁ ပုံ ကိုလျှော့ပေါ့ခွင့်ပြုလိုက်ကြောင်းလည်း ကြေညာသည်။
၎င်းအပြင် ယနေ့လွတ်ငြိမ်းခွင့်ကြေညာချက်အတွင်း နိုင်ငံခြားသား အကျဉ်းသား၊ အကျဉ်းသူ ၅၂ ဦးလည်း ပါဝင်ပြီး ပြည်နှင်ဒဏ်ပေးလိုက်ကြောင်းလည်း ဆိုသည်။
အကျဉ်းသား၊ အကျဉ်းသူများသည် နောက်တစ်ကြိမ် ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန်ကျန်ရှိနေသော ပြစ်ဒဏ်များကိုပါ ဆက်လက်ကျခံရမည်ဟူသည့် စည်းကမ်းသတ်မှတ်ချက်ဖြင့် လွတ်ငြိမ်းခွင့်ပြုလိုက်ခြင်းဖြစ်သည်။
