မွန်အမျိုးသားကောလိပ်နှင့် အမေရိကန်နိုင်ငံ Fort Wayne မြို့ရှိ Purdue တက္ကသိုလ်တို့ အဆင့်မြင့်ပညာရေး ပူးပေါင်းမှုအတွက် နားလည်မှုစာချွန်လွှာ MOU လက်မှတ်ရေးထိုးနိုင်ခဲ့သည်။
လက်မှတ်ရေးထိုးပွဲ အခမ်းအနားကို ယနေ့ နိုဝင်ဘာလ ၇ ရက်နေ့တွင် Purdue တက္ကသိုလ်၌ ကျင်းပခဲ့ကြောင်း သိရသည်။
လာမည့် ဒီဇင်ဘာလ ဒုတိယအပတ်၌လည်း ထိုင်းနိုင်ငံ၊ ချင်းမိုင်မြို့ရှိ Rajabhat တက္ကသိုလ်နှင့်လည်း နားလည်မှုစာချွန်လွှာ MOU လက်မှတ် ရေးထိုးရန် စီစဉ်ထားကြောင်း သိရသည်။
၎င်းပြင် ထိုင်းနိုင်ငံ၊ ဘန်ကောက်မြို့ရှိ မဟာချုလာလောင်ကွန်းတက္ကသိုလ်နှင့်လည်း အဆင့်မြင့်ပညာရေးပူးပေါင်းမှု နားလည်မှုစာချွန်လွှာ MOU လက်မှတ်ရေးထိုးနိုင်ရန် စီစဉ်ထားသည်။
ပြီးခဲ့သည့် ဖေဖော်ဝါရီလ ၈ ရက်နေ့က ထိုင်းနိုင်ငံ၊ ချင်းမိုင်မြို့ရှိ Payap တက္ကသိုလ်နှင့် နားလည်မှုစာချွန်လွှာ MOU လက်မှတ် ရေးထိုးထားခဲ့ပြီးဖြစ်သည်။
မွန်အမျိုးသားကောလိပ်အနေဖြင့် ၂၀၂၄ ခုနှစ်အတွက် နိုင်ငံတကာတက္ကသိုလ် ၄ ခုနှင့် အဆင့်မြင့်ပညာရေးပူးပေါင်းမှု နားလည်မှုစာချွန်လွှာ MOU ရေးထိုးရန် စီစဉ်ထားသည်ဟု သိရသည်။
