spot_img
Wednesday, April 24, 2024
More
    spot_img
    Homeသတင်းမြိတ်၊ ထားဝယ်အကျဉ်းထောင်မှ နိုင်ငံရေးအကျဥ်သား ၄၈ ဦး ပြန်လည်လွတ်မြောက်

    မြိတ်၊ ထားဝယ်အကျဉ်းထောင်မှ နိုင်ငံရေးအကျဥ်သား ၄၈ ဦး ပြန်လည်လွတ်မြောက်

    -

    တနင်္သာရီတိုင်းဒေသကြီး မြိတ်နှင့် ထားဝယ်အကျဉ်းထောင်တို့မှ ရာဇသတ်ကြီးပုဒ်မ – ၅၀၅ (က) ဖြင့်  ပြစ်ဒဏ်ကျခံနေရသည့် အကျဥ်သား ၃၄ ဦး ပြန်လည်လွတ်မြောက်လာကြောင်း အကျဉ်းထောင်နှင့် နီးစပ်သူများထံမှ သိရသည်။

    လွတ်မြောက်လာသူများသည် ထားဝယ်အကျဉ်းထောင်မှ အကျဉ်းသား ၂၂ ဦးနှင့် အကျဉ်းသူ ၁၂ ဦး၊ မြိတ်အကျဉ်းထောင်မှ အကျဥ်းသား ၈ ဦး၊ အကျဥ်းသူ ၆ ဦး ပါဝင်ကြောင်း အကျဉ်းထောင်နှင့် နီးစပ်သူတို့က ပြောသည်။

    “ထားဝယ်အကျဉ်း‌ထောင်ကနေ အကျဉ်းသား/သူ ၃၆  ဦးလွှတ်မယ်လို့ သိရပေးမယ့် အကျဉ်းသား ၂ ဦးက တခြားပုဒ်မတွေပါတွဲပြီးရှိနေတော့ မလွတ်လာဘူး။ အားလုံး ၃၄ ဦးဘဲ လွတ်လာတယ်” ဟု အကျဉ်းထောင်နှင့် နီးစပ်သူတစ်ဦးက ပြောသည်။

    ၎င်းပြင် ကော့သောင်းအကျဉ်းထောင်မှလည်း အကျဉ်းသား၊ အကျဉ်းသူတစ်ချို့ လွတ်မြောက်လာသည်ဟုသိရသော်လည်း အရေအတွက် အတိအကျမသိရသေးပေ။

    ရာဇသတ်ကြီး ဥပဒေ ပုဒ်မ ၅၀၅-က ဖြင့် ပြစ်ဒဏ်ကျခံနေရသည့် အကျဉ်းသား၊ အကျဥ်းသူ ၂၁၅၃ ဦးကို ရာဇဝတ်ကျင့်ထုံးဥပဒေ ပုဒ်မ-၄၀၁၊ ပုဒ်မခွဲ (၁) အရ ပြစ်ဒဏ်လွတ်ငြိမ်းခွင့်ပေးကြောင်း စစ်ကောင်စီက မေလ ၃ ရက်နေ့က နံနက်ပိုင်းက ထုတ်ပြန်ကြေညာခဲ့သည်။

    လွတ်ငြိမ်းခွင့်ဖြင့် ပြန်လွတ်လာသူများသည် နောက်တစ်ကြိမ်ပြစ်မှု ထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန် ကျန်ရှိသောပြစ်ဒဏ်များကိုပါ  ဆက်လက်ကျခံရမည်ဆိုသည့် စည်းကမ်းသတ်မှတ်ချက်ဖြင့် စစ်ကောင်စီက အကျဥ်းသားများကို ပြန်လွှတ်ပေးခြင်းဖြစ်သည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    22,600SubscribersSubscribe
    spot_img

    Latest posts