spot_img
Monday, April 22, 2024
More
    spot_img
    Homeငြိမ်းချမ်းရေးမြဝတီမြို့ အာဇာနည်ပန်းခြံကို ဦးစပန်းခြံဟု ပြောင်းလဲသတ်မှတ်

    မြဝတီမြို့ အာဇာနည်ပန်းခြံကို ဦးစပန်းခြံဟု ပြောင်းလဲသတ်မှတ်

    -

    မွန်သတင်းအေဂျင်စီ (၂၀၂၁ ဇူလိုင် ၃)

    ကရင်ပြည်နယ် မြဝတီမြို့ရှိ အာဇာနည်ပန်းခြံကို ဦးစပန်းခြံဟု နစကကောင်စီက အမည်ပြောင်းလဲ သတ်မှတ်လိုက်ကြောင်း တွေ့ရှိရသည်။

    မြဝတီမြို့ အမှတ် ၁ ရပ်ကွက် ဗိုလ်ချုပ်လမ်းရှိ အာဇာနည်ဗိမ္မာန်နှင့် မုခ်ဦးနှစ်ခုကို ဇွန် ၆ ရက် ညပိုင်းက ဘူဒိုဇာများ အသုံးပြုကာ ဖြိုချဖျက်ဆီးခဲ့ခြင်း ဖြစ်သည်။

    ယခုပြောင်းလဲသတ်မှတ်လိုက်သည့် ဦးစပန်းခြံမှာ ကုန်းဘောင်ခေတ်၌ ထင်ရှားကျော်ကြားသော မြန်မာစာပေနှင့် ဂီတပညာရှင်ကြီးတစ်ဦးဖြစ်သူ မြဝတီဝန်ကြီး(ဝါ) မြဝတီမင်းကြီး ဦးစ (၁၈၃၀-ခုနှစ်ခန့်) နာမည်ဖြစ်သည်ဟု သိရသည်။

    အဆိုပါ  အာဇာနည်ပန်းခြံကို NLD အစိုးရလက်ထက်တွင်  တည်ဆောက်ခဲ့ခြင်းဖြစ်ပြီး နစကကောင်စီလက်ထက်တွင် ပြန်လည်ဖြိုဖျက်ကာ နာမည်ပြောင်းလဲလိုက်ခြင်းဖြစ်သည်။

    ကရင်ပြည်နယ်အတွင်းရှိ မြဝတီ၊ ဘားအံ၊ ကော့ကရိင်္တ၊ ကြာအင်းဆိပ်ကြီးစသည့် မြို့နယ် (၄) မြို့နယ်တွင်ရှိသည့်အာဇာနည်ဗိမာန်နှင့် အာဇာနည်ကျောက်တိုင်ပြုလုပ်ထားသည့် အဆောက်အဦးများကို ကောင်စီက ဇွန်လ ၆ ရက်နေ့က အလားတူ ဖြိုဖျက်ခဲ့သည်။

    ပြီးခဲ့သည့် NLD အစိုးရလက်ထက်က နိုင်ငံတဝန်းတွင် ဗိုလ်ချုပ်ကြေးရုပ်နှင့် အာဇာနည်ဗိမာန်များကို တိုင်းရင်းသားဒေသများတွင် စိုက်ထူခဲ့သဖြင့် ကန့်ကွက်မှုများရှိခဲ့ကြောင်း၊ အထူးသဖြင့် မွန်ပြည်နယ်တွင်ဗိုလ်ချုပ်အောင်ဆန်းတံတားအမည်ပေးခြင်း၊ ကယားပြည်နယ် ဗိုလ်ချုပ်ကြေးရုပ်ကိစ္စများက အများဝေဖန်စရာ ဖြစ်စေခဲ့သည်။

    ထို့ပြင် NLD အစိုးရအမည်ပေးခဲ့သည့် “ဗိုလ်ချုပ်အောင်ဆန်းတံတား”ကိုလည်း ကမ္ဘည်းကျောက်စာ မော်ကွန်းအသစ် ပြန်လည်ရေးထိုးစေ၍ စစ်ကောင်စီဥက္ကဌကိုယ်တိုင်သံလွင်တံတား(ချောင်းဆုံ) အမည်ဖြင့် ဇွန်လ ၁ ရက်နေ့က ပြောင်းလဲဖွင့်လှစ်ပေးခဲ့သည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    22,500SubscribersSubscribe
    spot_img

    Latest posts