မွန်ပြည်နယ်၊ မုဒုံမြို့နယ်၊ မှိန်ကနိမ်းကျေးရွာ မီးရထားဘူတာရုံအနီး၌ အောက်တိုဘာလ (၂၅) ရက်နေ့က အသက် ၁၁ နှစ်ခန့်ရှိ မိန်းခလေးငယ်တစ်ဦးအား သက်ငယ်မုဒိန်းပြုကျင့်မှုဖြစ်ပွားခဲ့ပြီးနောက် တရားခံဟုယူဆရသူအား ဖမ်းဆီးရမိထားသည်ဟု မုဒုံမြို့မ ရဲစခန်းမှ သတင်းရရှိသည်။
မုဒုံမြို့နယ်၊မှိန်ကနိမ်းကျေးရွာအုပ်စုကော့လှာကျေးရွာနေ ဦးမောင်ဦး၏ခြံတွင် စာရင်းငှားလုပ်ကိုင်နေသူ ပဲခူးတိုင်းဒေသကြီး၊ သနပ်ပင်မြို့နယ်၊ ကံကုန်းကျေးရွာဇာတိမှ ကတုံး(ခ) ဝင်းကြိုင် (၄၂ နှစ်) က ခြံအနိီးတွင် ကျဘမ်းလုပ်ကိုင်နေသော ဧရာဝတီတိုင်းဒေသကြီး၊ ကျုံပျော်မြို့နယ်မှ မ(—–)၏ သမီးကို မိဘနှစ်ပါးမရှိချိန် ဖုန်းပြင်ပေးမည်ဟုဆိုကာ မုဒိန်းမှုဖြစ်ပွားခဲ့သည်ဟု မုဒုံမြို့မ ရဲစခန်းမှူးက ပြောသည်။
လက်ရှိတွင် တရားခံဟုယူဆရသူ ကတုံး(ခ) ဝင်းကြိုင်အား ရဲလုပ်ထုံးလုပ်နည်းများနှင့်အညီ စစ်ဆေးမေးမြန်းလျက်ရှိပြီး ပုဒ်မ ၃၇၆ ဖြင့်တရားစွဲတင်ထားကြောင်း အဆိုပါ ရဲစခန်းမှ သိရသည်။
မွန်ပြည်နယ်နယ်အတွင်း ၂၀၁၇ ခုနှစ် ဇန်နဝါရီလမှ စက်တင်ဘာလကုန်အထိ မုဒိန်းမှု (၃၇) မှုဖြစ်ပွားခဲ့ရာ မော်လမြိုင် (၁၀) မှု၊ကျိုက်ထိုနှင့် ပေါင် ၆ မှုစီ၊ သထုံနှင့် ရေး ၄ မှုစိီ၊ ကျိုက်မရော (၃) မှု၊ သံဖြူဇရပ် (၂) မှု၊ ချောင်းဆုံနှင့် မုဒုံမြို့နယ်တို့တွင် (၁) မှုစီဖြစ်ပွားခဲ့ကြောင်း၊ သက်ငယ်မုဒိန်းမှုများလည်း ယခင်နှစ်ထက်တိုးလားကြောင်း မွန်ပြည်နယ်ရဲတပ်ဖွဲ့မှူး ရုံးမှသိရသည်။
