spot_img
Tuesday, June 18, 2024
More
    spot_img
    Homeသတင်းမွန်ပြည်နယ်လွှတ်တော် တတိယအကြိမ်ပုံမှန်အစည်းအဝေးကို အောက်တိုဘာလ ၃ ရက်နေ့တွင် ကျင်းပမည်

    မွန်ပြည်နယ်လွှတ်တော် တတိယအကြိမ်ပုံမှန်အစည်းအဝေးကို အောက်တိုဘာလ ၃ ရက်နေ့တွင် ကျင်းပမည်

    -

    ဒုတိယအကြိမ် မွန်ပြည်နယ်လွှတ်တော် တတိယအကြိမ်ပုံမှန်အစည်းအဝေးကို လာမည့်အောက်တိုဘာလ ၃ ရက်နေ့တွင် မွန်ပြည်နယ်လွှတ်တော်ရုံးခန်းမ၌ ပြန်လည်ကျင်းပသွားမည်ဖြစ်ကြောင်း ပြည်နယ်လွှတ်တော် ဥက္ကဌ ဒေါ်တင်အိက မွန်သတင်းအေဂျင်စီသို့ ပြောသည်။

    လွှတ်တော်ဥက္ကဌဒေါ်တင်အိက “ဒီအပတ်ပြုလုပ်မယ့် ပုံမှန်အည်းအဝေးက ၄ ရက်လောက် လုပ်သွားမယ်လို့ ရည်ရွယ်ထားတာရှိတယ်။ မပြီးဘူးဆိုရင် ၅ ရက်လည်း ဖြစ်နိုင်တယ်” ဟု ဆိုသည်။

    မွန်ပြည်နယ်လွှတ်တော်(MNA)
    မွန်ပြည်နယ်လွှတ်တော်(MNA)

    လက်ရှိအချိန်တွင် မွန်ပြည်နယ်လွှတ်တော်အနေဖြင့် ပြည်သူများမှ တင်ပြလာသည့် အကြောင်းအရာကိစ္စရပ် များအပေါ် သက်ဆိုင်ရာလွှတ်တော်ရေးရာကော်မတီတို့မှ အစည်းဝေးများပြုလုပ်ပြီး အစိုးရနှင့် ညှိနှိုင်းဆောင် ရွက်လျှက်ရှိကြောင်း၊ လွှတ်တော်ကိုယ်စားလှယ်များမှ မိမိတို့သက်ဆိုင်ရာ မြို့ရွာအလိုက် သွားရောက်ကွင်းဆင်း စစ်ဆေးပြီး ပြည်သူအတွက် အလုပ်လုပ်လျှက်ရှိကြောင်း မွန်လွှတ်တော်ဥက္ကဌက ဆိုသည်။

    လာမည့် ဒုတိယအကြိမ် မွန်ပြည်နယ်လွှတ်တော်၊ တတိယပုံမှန်အစည်းအဝေးတွင် မွန်ပြည်နယ်အစိုးရ ရ/သုံး မှန်းခြေငွေစာရင်း ပြင်ဆင်/ဖြည့်စွက်ရန်နှင့် အသေးစားအလတ်စား လျှပ်စစ်ဥပဒေကြမ်း တင်ပြဆွေးနွေး ရန်ရှိ သည်ဟု မွန်ပြည်နယ်လွှတ်တော်ရုံးမှ သိရသည်။

    “သိပ်ပြီးတော့ မပြေလည်တာများရင် လွှတ်တော်ကနေ ခေါ်ပြီးတော့ မေးမြန်ရတာပေါ့နော်။ ကိုယ်စားလှယ်တွေ သိလိုတဲ့အချက်တွေ ပြည်သူတွေ သိလိုတဲ့အချက်တွေ လွှတ်တော်မခေါ်ပဲ ကျမတို့ လုပ်လို့ပြေလည်တာလဲရှိ တယ်ပေါ့နော်” ဒေါ်တင်အိက ဆက်ပြောသည်။

    မွန်ပြည်နယ်လွှတ်တော်ကိုယ်စားလှယ်များအနေဖြင့် (၁) လ (၂) ကြိမ် လုပ်ငန်းညှိနှိုင်းအစည်း အဝေး ပြုလုပ်လျှက်ရှိပြီး ရေးရာကော်မတီအဖွဲ့အစည်းအဝေးများလည်း ပြုလုပ်လျှက်ရှိကြောင်း သိရသည်။

    ဒုတိယအကြမ်း မွန်ပြည်နယ်လွှတ်တော်၊ တတိယအကြိမ် ပုံမှန်အစည်းဝေးတွင် လွှတ်တော်ကိုယ်စား လှယ် များမှ အဆို ၈/၉ ခုခန့် တင်ပြဆွေးနွေးရန်ရှိပြီး မေးခွန် ၃၀ ဝန်းကျင်ခန့် မေးမြန်ရန်ရှိသည်ဟု မွန်လွှတ်တော် ရုံးမှ သိရသည်။

    ဒုတိယအကြိမ် မွန်ပြည်နယ်လွှတ်တော်ကို ဖေဖေါ်ဝါရီလ ၈ ရက်နေ့က ကျင်းပခဲ့သည့် ပထမပုံမှန်အစည်းအဝေး၊ ဇွန်လ ၂ ရက်နေ့က ကျင်းပခဲ့သည့် အထူးအစည်းအဝေးနှင့် ဇွန်လ ၂၇ ရက်နေ့က ကျင်းပခဲ့သည့် ဒုတိယပုံမှန် အစည်းအဝေးဆိုပြီး အစည်းအဝေး ၃ ကြိမ်ကျင်းပပြုလုပ်ခဲ့ကာ မေးခွန်းများ အဆိုများသာ မေးမြန်းတင်ပြ ဆွေး နွေးခဲ့ကြပြီး ဥပဒေကြမ်းတင်သွင်းမှုများ မရှိသေးပေ။

    ဒုတိယအကြိမ် မွန်ပြည်နယ်လွှတ်တော်တွင် ၂၀၁၅ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ် ကိုယ် စားလှယ် ၁၉ ဦး၊ မွန်အမျိုးသားပါတီကိုယ်စားလှယ် ၂ ဦး၊ မွန်ဒေသလုံးဆိုင်ရာဒီမို ကရေစီပါတီကိုယ်စားလှယ် ၁ ဦး၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကိုယ်စားလှယ် ၁ ဦးနှင့် တပ်မတော်သားကိုယ်စားလှယ် ၈ ဦး စုစုပေါင်း ကိုယ်စားလှယ် ၃၁ ဦးရှိပြီး အစိုးရအဖွဲ့တွင် ဝန်ကြီးချုပ်အပါအဝင် ဝန်ကြီး ၇ ဦးရှိသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    25,200SubscribersSubscribe
    spot_img

    Latest posts