spot_img
Thursday, June 13, 2024
More
    spot_img
    Homeသတင်းမော်လမြိုင်-ဘီလူးကျွန်း သံလွင်မြစ်ကျော် ၆၆ ကေဗွီ လျှပ်စစ်ဓါတ်အားလိုင်းစမ်းသပ်

    မော်လမြိုင်-ဘီလူးကျွန်း သံလွင်မြစ်ကျော် ၆၆ ကေဗွီ လျှပ်စစ်ဓါတ်အားလိုင်းစမ်းသပ်

    -

    ချာင်းဆုံမြို့နယ် ဓါတ်အားခွဲရုံ(MNA)
    ချာင်းဆုံမြို့နယ် ဓါတ်အားခွဲရုံ(MNA)
    မွန်ပြည်နယ်၊ မော်လမြိုင် လျှပ်စစ်ဓာတ်အားခွဲရုံမှတဆင့် ဘီလူးကျွန်း (ချောင်းဆုံ) လျှပ်စစ်ဓါတ်အားခွဲရုံသို့ သွယ်တန်းနေသည့် ၆၆ ကေဗွီ လျှပ်စစ်ဓါတ်အားလိုင်းကို ဇန်နဝါရီလ (၁၇) ရက်နေ့မှစတင်၍ လျှပ်စစ်စမ်းသပ် ထုတ်လွှင့်နေပြီဖြစ်ကြောင်း သိရသည်။

    မြို့နယ်လျှပ်စစ် အင်ဂျင်နီယာ ဦးဇော်ဇော်ခက်က“မော်လမြိုင်မှ ချောင်းဆုံသို့ သွယ်တန်းနေသည့် ၆၆ ကေဗွီ လျှပ်စစ်ဓါတ်အားလိုင်းတော့ ရက်ပေါင်း ၈၀ ကြာ အကောင်အထည်ဖော်ခဲ့ပါတယ်၊ ၁၇.၁.၂၀၁၆ ရက်နေ့က ချောင်းဆုံလျှပ်စစ်ဓါတ်အားခွဲရုံသို့ လျှပ်စစ်ဓါတ်အားလိုင်း စမ်းသပ်ထုတ်လွှင့်ခဲ့ပြီး ၁၈.၁.၂၀၁၆ ရက်မှာတော့ ချောင်းဆုံ လျှပ်စစ်ဓါတ်အားခွဲရုံမှ တဆင့် ကလော့၊ ဒရယ်၊ ကော့မုပွန်၊ ကမာကေး လျှပ်စစ်ဓါတ်အားလိုင်းတွေမှာ စမ်းသပ်ထုတ်လွှင့်ခဲ့တယ်” ဟု ပြောသည်။

    ချောင်းဆုံမြို့နယ်တွင် လျှပ်စစ်ဓါတ်အားလိုင်း (၄) လိုင်းခွဲထားပြီး ကျေးရွာပေါင်း ၃၆ ရွာရှိအနက် ကျေးရွာ ၇ ရွာခန့် ယခုလျှပ်စစ်မီးရောက်ရှိနေပြီဖြစ်ကြောင်း၊ ကျန်သည့် ဝဲလမ်း၊ မူးယစ်ကြီး၊ ကလော့၊ အပြိုင်၊ ဇော်ကဲ၊ ဒေါင်းရပ်အရှေ့၊ ဒေါင်းရပ်အနောက်၊ မုဒွန်းရွာများတွင် လုပ်ငန်းမပြီးမြောက်သေးကြောင်း၊ ဇန်နဝါရီလ မကုန်မီ ကျေးရွာ ၁၅ ရွာခန့် လျှပ်စစ်မီးရရှိမည်ဖြစ်ကြောင်း၊ ကျန်သည့်ကျေးရွာများတွင်လည်း မီးလင်းရေးကော်မတီနှင့် ဒေသခံများပူးပေါင်းပြီး ဆက်လက်အကောင်အထည်ဖော်သွားမည်ဖြစ်ကြောင်း ၄င်းက ဆက်ပြောသည်။

    ချောင်းဆုံမြို့နယ် ပြည်နယ်လွှတ်တော်ကိုယ်စားလှယ် ဒေါက်တာအောင်နိုင်ဦးက “ချောင်းဆုံလျှပ်စစ်ဓါတ်အားခွဲရုံကနေတဆင့် ကလွီ၊ ကော့မုပွန်၊ မူးယစ်ကလေး၊ ရွာလွတ် ဆိုပြီး ဓါတ်အားလိုင်း ၄ လိုင်းရှိပါတယ်၊ ဒီ ၄ လိုင်းထဲမှာ ရွာတိုင်းလိုလို ထရမ်စဖောမာတွေ၊ လျှပ်စစ်မီးကြိုးတွေ ရရှိဖို့အတွက် အားလုံးလုပ်ထားပြီးပြီ၊ ဒီ ၄ လိုင်းက ၁၁ ကေဗွီလိုင်း၊ ရွာတွေမှာ ထရမ်စဖောမာကနေတဆင့် အိမ်တွေမှာ ဖြန့်ဖြုးဖို့အတွက်က ၄၀ဝ ဗို့လိုင်း၊ ဒီအဆင့်ရောက်ရင်တော့ အစိုးရကနေပြီး ဘတ်ဂျက်ငွေချပေးထားတာ မရှိ ဘူး၊ ကျေးရွာ ဒေသခံတွေကပဲ မီးလင်းရေးကော်မတီတွေ ဖွဲ့စည်းပြီးတော့ ကိုယ်ထူကိုယ်ထစနစ်နဲ့ လုပ်နေပါ တယ်၊ အခုဆိုရင် ဒုတိယအဆင့်လောက်တော့ ပြီးနေပါပြီ၊ ကျေးရွာတွေ၊ အိမ်တွေမှာ လျှပ်စစ်မီး သွယ်တန်းဖို့ ကိစ္စ ကျန်သေးတယ်၊ လုပ်နေတုန်းပဲ” ဟု ပြောသည်။

    အဆိုပါ လျှပ်စစ်မီးသွယ်တန်းရာတွင် အဆင့် (၃) ဆင့်ရှိကြောင်း၊ မော်လမြိုင်မှ ဘီလူးကျွန်း (ချောင်းဆုံ) သို့၊ ချောင်းဆုံမှ ကျေးရွာများသို့ ဖြန့်ဖြုးသည့်အဆင့်၊ ကျေးရွာမှတဆင့် အိမ်များသို့ ဖြန့်ဖြုးသည့်အဆင့်ရှိကြောင်း သူက ဆက်ပြောသည်။

    “အခုလို လျှပ်စစ်မီး ရခါနီးပြီးဆိုတော့ အရမ်းဝမ်းသာပါတယ်၊ ထမင်း ဟင်းချက်လို့ရမယ်၊ ပူအိုက်ရင်လည်း ပန်ကာဖွင့်လို့ရမယ်ဆိုတော့ အရမ်းဝမ်းသာပါတယ်။ လျှပ်စစ်မီး မရခင် ကတည်းကဆို ဖယောင်းတိုင်ပဲထွန်းရတာ လျှပ်စစ်မီးလောက်တော့ အဆင်မပြေဘူး” ဟု ဒေါင်းဥ ကျေးရွာမှ ဒေါ်စန်းမြင့် ကပြောသည်။

    ကျေးရွာအုပ်စုပေါင်း ၇၈ ရွာရှိသည့် ဘီလူးကျွန်းဒေသ ချောင်းဆုံမြို့နယ်တွင် ယခင်က ဒီဇယ်ဆီအသုံးပြုလည်ပတ်သည့် ချောင်းဆုံမြို့လျှပ်စစ်ဓါတ်အားခွဲရုံမှတဆင့် ကျေးရွာ ၁၀ ရွာခန့် ကန့်သတ်အချိန်ဖြင့်သာ လျှပ်စစ်မီးအသုံးပြုခွင့်ရရှိခဲ့သည်။

    မော်လမြိုင်- ဘီးလူးကျွန်းသို့ သွယ်တန်းနေသည့် ၆၆ ကေဗွီ ဓါတ်အားလိုင်းသည် ပြည်ထောင်စုအစိုးရနှင့် ပြည် နယ်အစိုးရတို့၏ ဘတ်ဂျက်ငွေ ကျပ်သန်းပေါင်း (၄၆၀ဝ၀) ကျော်ဖြင့် အကုန်ကျခံကာ ၂၀၁၅ ခုနှစ်၊ နိုဝင် ဘာလမှ စီမံကိန်းကို စတင်အကောင်အထည်ဖော်ခဲ့ပြီး ၂၃၀ ကေဗွီ မော်လမြိုင်ငန်းတေဓါတ်အားခွဲရုံမှ ချောင်းဆုံသို့ လျှပ်စစ်ဓါတ်အားများ ဖြန့်ဖြုးပေးသွားမည်ဖြစ်ကြောင်း သိရသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    25,000SubscribersSubscribe
    spot_img

    Latest posts