မွန်ပြည်နယ်၊ ရေးမြို့နယ်၊ လမိုင်းမြို့ တောင်ဘုံကျေးရွာနှင့် အာယုတောင်ကျေးရွာချင်းဆက်ကွန်ကရစ်တံတား မိုင်းဖာက်ခွဲခံရကြောင်း ဒေသခံတို့ထံမှ သိရသည်။
တောင်ဘုံကျေးရွာနှင့် အာယုတောင်ကျေးရွာချင်းဆက်ကွန်ကရစ်တံတားသည် ဒေသခံတို့ ကိုယ်ထူကိုယ်ထဖြင့် တည်ဆောက်ထားသည့်တံတားတစ်စင်းဖြစ်ပြီး ဖေဖော်ဝါရီလ ၁၃ ရက်နေ့ ည ၁၁ နာရီခွဲဝန်းကျင်အချိန်ခန့်က
မိုင်းခွဲဖျက်ဆီးခံရခြင်းဖြစ်သည်။
“ဘက်ခေတ်က အစိုးရက ချပေးတာ ဘာမှ မရှိခဲ့ပါဘူး။ ကိုယ့်ငွေနဲ့ ကိုယ် ကိုယ့်အင်အားနဲ့ ကိုယ် လုပ်ထားခဲ့ရတော့ နှမြောတယ်” ဟု ဒေသခံတစ်ဦးက ပြောသည်။
မိုင်းဖောက်ခွဲခံရမှုကြောင့် တံတားအစိတ်အပိုင်းတချို့ ပျက်ဆီးသွားပြီး လက်ရှိတွင်
ကားငယ်များ ဖြတ်သန်းသွားလာလို့ရသော်လည်း ကုန်တင်ကားများ ဖြတ်သန်းသွားလာခွင့် ပိတ်ထားခဲ့ရသည်ဟုလည်း သိရသည်။
“တောင်ဘုံ- အာယုတောင်တံတားကြီးနဲ့ တောင်ဘုံ-သောင်ပြင်တံတားကြီး နှစ်စင်းစလုံးမှာ အစိုးရက ပေးထားတဲ့တံတားမဟုတ်လို့ နောက်ထပ်လာမဖျက်ဆီးကြပါနဲ့” ဟု အခြားဒေသခံတစ်ဦးက ပြောသည်။
ပြီးခဲ့သည့် ဇန်နဝါရီလကုန်ပိုင်းကလည်း လမိုင်းမြို့နှင့် သောင်ပြင်ကျေးရွာကြားဆက်သွယ်ထားသည့် တံတားလည်း မိုင်းဖောက်ခွဲခံခဲ့ရသေးသည်။
