spot_img
Tuesday, July 16, 2024
More
    spot_img
    Homeသတင်းပဋိပက္ခကြောင့် မော်လမြိုင်မြို့ပေါ် ပြောင်းရွှေ့သူများလာ

    ပဋိပက္ခကြောင့် မော်လမြိုင်မြို့ပေါ် ပြောင်းရွှေ့သူများလာ

    -

    မွန်ပြည်နယ်တောင်ပိုင်း ရေးမြို့နယ်အတွင်း စစ်ကောင်စီတပ်နှင့် ကရင်အမျိုးသားလွတ်မြောက်ရေးတပ်မတော် (KNLA) နှင့် ပြည်သူ့ကာကွယ်ရေးတပ်ဖွဲ့ (PDF) တို့အကြား စစ်ရေးပဋိပက္ခ ပိုမိုပြင်းထန်လာသည့်အတွက် ငွေကြေးတက်နိုင်သည့် ဒေသခံတို့က မော်လမြိုင်မြို့ပေါ်သို့ ပြောင်းရွှေ့လာကြသည်ဟု သိရသည်။

    ရေးမြို့နယ်အတွင်း စစ်ရေးပဋိပက္ခ ပိုမိုပြင်းထန်လာပြီး ပြီးခဲ့သည့် ဇွန်လ ၂၅ ရက်နေ့ကလည်း နှစ်ကရင်ကျေးရွာတွင် စစ်ကောင်စီတပ်နှင့် KNLA၊ PDF ပူးပေါင်းတပ်ဖွဲ့တို့ တိုက်ပွဲဖြစ်ပွားခဲ့ကြပြီး စစ်ကောင်စီဘက် လေကြောင်းဖြင့် တိုက်ခိုက်ခဲ့သည့်အတွင် ထောင်နှင့်ချီသည့် ဒေသခံများ ထွက်ပြေးတိမ်းရှောင်ခဲ့ကြရသည်။

    ထိုသို့ စစ်ရေးပဋိပက္ခများ တစ်နေ့ထက်တစ်နေ့ ပိုမိုဆိုးရွားလာနေခြင်းကြောင့် လုံခြုံရေးနှင့် စီးပွားရေးအတွက် မော်လမြိုင်မြို့ပေါ်ကို ပြောင်းရွှေ့လာသည်ဟု ရေးမြို့နယ်မှ ပြောင်းရွှေ့လာသူတစ်ဦးက ပြောသည်။

    “အခုဆိုရင် ရေးနဲ့ ဘီးလင်းဘက်ကနယ်မြေတွေက တော်လှန်းရေးနယ်မြေ ဖြစ်သွားပြီးလေ။ ၁၄၄ အမိန့်တွေလည်း ထုတ်ထားတော့ ပဋိပက္ခတွေက ပိုဆိုးလာဖို့ပဲရှိတယ်။ အဲ့တော့ တတ်နိုင်တဲ့လူတွေက ရှောင်ကြတယ်။ စားဝတ်နေရေး စီးပွားရေး တည်ငြိမ်နေမှ လူတွေက နေလို့ အဆင်ပြေမှာလေ” ဟု ၎င်းက ဆိုသည်။

    မော်လမြိုင်မြို့ပေါ် ပြောင်းရွှေ့သူများလာသည့်အတွက် မော်လမြိုင်အိမ်ခြံမြေစျေးကွက် အရောင်းအဝယ် ထိုးတက်လာသည်ဟု အိမ်ခြံမြေအကျိုးဆောင်တို့ထံမှ သိရသည်။

    “လတ်တလောမှာ ဖားအောက်ကျေးရွာဘက်၊ နောက် မြိုင်သာယာက်ရပ်ကွက်ဘက်နဲ့ မော်လမြိုင် အောက်လမ်းမကြီးတလျှောက်က အိမ်တွေ အရောင်းအဝယ်တွေ ဆက်တိုက်ဖြစ်နေတယ်။ အများအားဖြင့်က ရေးမြို့နယ် မော့ကနင်၊ လမိုင်းဘက်ကနဲ့ ရေးမြို့အောက်ပိုင်းက ကျေးရွာတွေက လာဝယ်ကြတာများတယ်” ဟု မော်လမြိုင်မြို့မှ အိမ်ခြံမြေ အကျိုးဆောင်တစ်ဦးက ပြောသည်။

    ပြောင်းရွှေ့နေထိုင်သူ များလာသည့်အတွက် မော်လမြိုင် အိမ်ခြံမြေစျေးနှုန်းလည်း မြင့်တက်လာသည်ဟု အိမ်ခြံမြေအကျိုးဆောင်တို့ထံမှ သိရသည်။

    ၎င်းပြင် မော်လမြိုင်မြို့ပေါ် ပြောင်းရွှေ့လာသူများသည့် အိမ်ငှားရမ်းပြီး နေထိုင်သည်လည်းရှိသည့်အတွင် အိမ်ငှားရမ်းစျေးလည်း မြင့်တက်လာသည်ဟု ဆိုသည်။

    လက်ရှိတွင် မော်လမြိုင်မြို့နယ်အတွင်း ၄၀x၆၀ မြေတကွက်ကို အနိမ့်ဆုံး ကျပ်သိန်း ၅၀၀ အထက်ရှိနေပြီး လူစည်ကားရာနေရာနှင့် လမ်းမတန်းလိုနေရာမျိုးတို့တွင် ၄၀x၆၀ မြေတကွက်ကို သိန်း ၁၀၀၀ ကျော်အထိ ပေါက်စျေးရှိနေသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    26,200SubscribersSubscribe
    spot_img

    Latest posts