spot_img
Monday, April 22, 2024
More
    spot_img
    Homeသတင်းရွှေကုက္ကိုလ်မြို့သစ်အနီးတိုက်ပွဲတွင် ပါဝင်ခဲ့သည့် တပ်မှူး ၂ ဦး KNU/KNLA (PC) မှ ထုတ်ပယ်

    ရွှေကုက္ကိုလ်မြို့သစ်အနီးတိုက်ပွဲတွင် ပါဝင်ခဲ့သည့် တပ်မှူး ၂ ဦး KNU/KNLA (PC) မှ ထုတ်ပယ်

    -

    ရွှေကုက္ကိုလ်မြို့သစ်အနီး တိုက်ပွဲဖြစ်စဥ်တွင် ပူးပေါင်းပါဝင်ခဲ့သည့် KNU/KNLA (PC) မှ တပ်မှူး နှစ်ဦးကို အဖွဲ့မှ ထုတ်ပယ်ကြောင်း KNU/KNLA (PC) က ထုတ်ပြန်ကြေညာလိုက်သည်။

    အဖွဲ့မှ ထုတ်ပယ်လိုက်သည့် တပ်မှူးနှစ်ဦးသည် KNU/KNLA (PC) အမှတ် ၂ စစ်ဗျူဟာမှူး ဗိုလ်မှူးကြီး စောလက်ကိုင်နှင့် တပ်ရင်း ၇၀၈ တပ်ရင်းမှူး ဒုတိယဗိုလ်မှူးကြီး စောကျော်ကရောတို့ဖြစ်သည်ဟု KNU/KNLA (PC) ၏ ဧပြီလ ၇ ရက်နေ့ရက်စွဲဖြင့် ထုတ်ပြန်သည့် ကြေညာချက်အရ သိရသည်။

    အဖွဲ့အစည်းဗဟို၏ ညွန်ကြားမှုများနှင့် တပ်ပိုင်းဆိုင်ရာစည်းမျဉ်းစည်းကမ်းများကို မလိုက်နာသောကြောင့် အဖွဲ့အစည်းဗဟို၏ အရေးပေါ်အစည်းအဝေး ဆုံးဖြတ်ချက်အရ ၎င်းတို့နှစ်ဦးကို ထုတ်ပယ်လိုက်ခြင်းဖြစ်ကြောင်း ဆိုထားသည်။

    ပြီးခဲ့သည့်ရက်ပိုင်းက စစ်ကောင်စီလက်အောက်ခံ ကရင်နယ်ခြားစောင့်တပ် (BGF) ထိန်းချုပ်ရာ ရွှေကုက္ကိုလ်မြို့သစ်အနီးတွင် တော်လှန်ရေးပူးပေါင်းတပ်ဖွဲ့ဝင်များနှင့် စစ်ကောင်စီ၊ BGF ပူးပေါင်းတပ်ဖွဲ့တို့အကြား တိုက်ပွဲဖြစ်ပွားခဲ့သည်။

    အဆိုပါတိုက်ပွဲများအတွင်း BGF ၏ ဂိတ်စခန်းတချို့အား တော်လှန်ရေးပူးပေါင်းတပ်ဖွဲ့များက ဝင်ရောက်တိုက်ခိုက်သိမ်းပိုက်မီးရှို့ခဲ့သည့်အပြင် လက်နက်ခဲယမ်းအမြောက်အများကိုလည်း သိမ်းဆည်းရမိခဲ့ကြောင်း တော်လှန်ရေးပူးပေါင်းတပ်ဖွဲ့မှ ထုတ်ပြန်ချက်အရ သိရသည်။

    တိုက်ပွဲများကြောင့် ရွှေကုက္ကိုလ်မြို့သစ်အနီးဝန်းကျင်ဒေသများရှိ သောင်းနှင့်ချီသည့် ဒေသခံပြည်သူတို့နှင့် ထိုင်းနိုင်ငံဘက်ခြမ်းသို့ ထွက်ပြေးတိမ်းရှောင်နေကြရသည်ဟု သိရသည်။

    ထိုသို့တိုက်ပွဲဖြစ်ပွားနေသည့်အတွက် မြဝတီ-ကော့ကရိတ်အာရှလမ်းမကြီးအား ဧပြီလ ၇ ရက်နေ့မှ ၂၁ ရက်အတွင်း ဖြတ်သန်းသွားလာခြင်းလုံးဝမပြုလုပ်ရန် တော်လှန်ရေးပူးပေါင်းအဖွဲ့တို့က ပူးတွဲ အမိန့်ထုတ်ပြန်ထားသည်။

    Photo: စစ်ခေါင်းဆောင်များနှင့် သွားရောက်တွေ့ ဆုံခဲ့သည့် KNU/KNLA PC ခေါင်းဆောင်များ

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    22,500SubscribersSubscribe
    spot_img

    Latest posts