မွန်သတင်းအေဂျင်စီ (၂၀၂၁ အောက်တိုဘာ ၉)
မော်လမြိုင်မြို့ပေါ် မောင်ငံရပ်ကွက်ရာအိမ်မှူး ဦးလှဝင်းဆိုသူကို အောက်တိုဘာ ၈ ရက် ညနေပိုင်းက အမည်မသိသေနတ်သမား လာရောက်ပစ်သတ်လိုက်ကြောင်း သတင်းရရှိသည်။
မောင်ငံမီးပွိုင့်အနီးတွင် သေနတ်ပစ်သံကြားလိုက်ရပြီး ၄င်းတစ်ဦးတည်း လဲကျသေဆုံးနေသည်ကို တွေ့ရကြောင်း မြိုခံတစ်ဦးက ပြောသည်။
“ကျွန်တော်က ဆိုင်က ပြန်လာတာ မီးပွိုင့်ကို ကျော်ခဲ့ပြီ၊ သေနတ်သံ ၃ ချက် ကြားတော့ လန့်ပြီး ဆက်မသွားရဲဘူး။ အသံတိတ်သွားေတာ့ ပြန်လှည့်ကြည့်တော့ သွေးအိုင်ထဲမှာ လဲနေပြီ”ဟု ၎င်းက ပြောသည်။
အခင်းဖြစ်ပွားရာနေရာကို တာဝန်အရ လုံခြုံရေးအဖွဲ့ဝင်များ၊ ရဲတပ်ဖွဲဝင်များ စစ်ဆေးမှုများ ပြုလုပ်နေကြောင်း သိရသည်။
စစ်အာဏာသိမ်းပြီး ၈ လအကျော်တွင် မော်လမြိုင်မြို့ပေါ်၌ ပထမဆုံးအကြိမ် ရာအိမ်မှူးတစ်ဦး လုပ်ကြံခံရခြင်းဖြစ်ပြီး သထုံ၊ ဘီးလင်း၊ ကျိုက်ထို၊ ပေါင်နှင့် ရေးမြို့နယ်တို့တွင် အလားတူလုပ်ကြံသတ်ဖြတ်မှုများ ဆက်တိုက်ဖြစ်ပေါ်ခဲ့သည်။
