မွန်သတင်းအေဂျင်စီ (၂၀၂၁ စက်တင်ဘာ ၂၈)
မွန်ပြည်နယ်မှ ကားဂိတ်များတွင် လူမဲ့တန်ဆာပို့ဆောင်မှုကို မှတ်ပုံတင်မိတ္တူနှင့် အထောက်အထားခိုင်လုံမှသာ လက်ခံလုပ်ဆောင်ပေးရမည်ဟု မွန်ပြည်နယ်အစိုးရအဖွဲ့က စက်တင်ဘာလ ၂၄ရက်နေ့က ညွှန်ကြားထားကြောင်း မိတ္တူစာအရ သိရှိရသည်။
မော်လမြိုင်ကားဝင်းအတွင်းရှိ ကားဂိတ်များကို CCTVနှင့် မျက်နှာ စကန်ဖတ်စက်များကို အရေးကြီးသော အဝင်အထွက်များတွင် တပ်ဆင်ရန် ညွှန်ကြားချက်ပါရှိသော စာများ လိုက်လံပေးဆောင်ထားကြောင်း ကားဂိတ်တစ်ခုမှ စုံစမ်းသိရှိရသည်။
” အရင်ရက်ကလာပေးသွားတာ။ ကားအကြီးဂိတ်တွေပေးတာများတယ်။ တချို့ ကားအသေး ဂိတ်တွေကို ပေးတာမတွေ့ဘူး”ဟု မော်လမြိုင် ကားဝင်းမှ တာဝန်ရှိသူတစ်ဦးက ဆိုသည်။
တရားမဝင်ပစ္စည်းများ ပေးပို့မှုမရှိစေရန်အတွက် လူမဲ့တန်ဆာများလက်ခံရာတွင် ပေးပို့သူ၏မှတ်ပုံတင်မိတ္တူယူဆောင်ထားရန် ညွှန်ကြားထားသည်။
တန်ဆာပစ္စည်းများ လက်ခံပေးပို့မှုစာရင်းကို နေ့စဥ် မှတ်တမ်းတင်ထားပြီး ဆောင်ရွက်ပြီးစီးမှုအခြေအနေများကို တင်ပြရန် မွန်ပြည်နယ်အစိုးရအဖွဲ့က ညွှန်ကြားထားသည်။
