spot_img
Thursday, May 23, 2024
More
    spot_img
    Homeသတင်းမွန်အမျိုးသားပညာရေး နှီးနှောဖလှယ်ပွဲကျင်းပ

    မွန်အမျိုးသားပညာရေး နှီးနှောဖလှယ်ပွဲကျင်းပ

    -

    မွန်အမျိုးသားပညာရေးကော်မတီဦးစီးပြီး မွန်အမျိုးသားပညာရေး ရေရှည်တည်တံ့ခိုင်မြဲရေးအတွက် နှီးနှောဖလှယ်တရပ်ပွဲကို ဒီဇင်ဘာ ၁၇ ရက်နေ့တွင် မွန်ပြည်နယ်၊ လမိုင်းမြို့၊ ကေလာသဘုရား-သုဓမ္မာ ဓမ္မာရုံ တွင် ကျင်းပပြုလုပ်ခဲ့သည်။

    နှစ်ရက်ကြာကျင်းပသည့် အဆိုပါနှီးနှောဖလှယ်ပွဲကို ဘက်ပေါင်းစုံမှ ပညာရှင်များ၊ သံဃာတော်များ၊ မွန်ပြည်သစ်ပါတီဥက္ကဌနိုင်ထောမန်အပါဝင် ပါတီဝင်များ၊ မွန်နိုင်ငံရေးပါတီများ၊ မွန်ပညာရေးဌာနမှ တာဝန်ရှိသူများ၊ မွန်လူမှုအဖွဲ့အစည်းများနှင့် စိတ်ပါဝင်စားသူများ စုစုပေါင်း ၂၀ဝ ကျော် တက်ရောက်ဆွေးနွေးလျက်ရှိသည်။

     မွန်အမျိုးသားပညာရေးကော်မတီဥက္ကဌ နိုင်ဗညားလယ် မိန့်ခွန်းပြောကြားစဉ်(NMSP)
    မွန်အမျိုးသားပညာရေးကော်မတီဥက္ကဌ နိုင်ဗညားလယ် မိန့်ခွန်းပြောကြားစဉ်(NMSP)
    မွန်အမျိုးသားပညာရေးကော်မတီဥက္ကဌ နိုင်ဗညားလယ် က “မွန်အမျိုးသားပညာရေးကော်မတီက ရေးဆွဲထားတဲ့ မွန်အမျိုးသားပညာရေးမူကြမ်းကို ပြည်သူလူထုရဲ့အမြင်၊ ပညာရေးအဖွဲ့ Ntework မှ အမြင်နဲ့ ပညာရေးပိုင်းမှာ ကျွမ်းကျင်တဲ့ ပညာရှင်တွေရဲ့အမြင်ကို ရယူရန်အတွက် နှီးနှောဖလှယ်ပွဲကို ပြုလုပ်ရတာဖြစ်တယ်” ဟု ဆိုသည်။

    မိခင်ဘာသာစကားကို အခြေပြုပြီး သင်ကြားနေသည့် မွန်အမျိုးသားပညာရေးကို နိုင်ငံတော်အစိုးရက အသိမှတ်ပြုပြီး ဥပဒေရေးဆွဲပေးရန်၊ မွန်အမျိုးသားပညာရေးအနေဖြင့် ပြင်ပအလှူရှင်များသက်သက်ဖြင့်မရပ်တည်ဘဲ မွန်အမျိုးသားပညာရေးကျောင်းရန်ပုံငွေ ရရှိရေးအပြင် ပညာရေးကိစ္စသည်မွန်တမျိုးသားလုံးနှင့်သက်ဆိုင်နေကြောင်း နိုင်ဗညာလယ်က ဆက်ပြောသည်။
    မွန်အမျိုးသားပညာရေးဌာနတာဝန်ခံ မိကရတ်နွန်က “မွန်အမျိုးသားပညာရေးရဲ့ အကြီးမားဆုံးအခက်ခဲက ဆရာ/ဆ ရာမတွေရဲ့ ထောက်ပံ့ကြေးပဲ။ ကျမတို့က ဆရာ/ဆရာမတွေရဲ့ထောက်ပံ့ကြေးငွေကို အလှူရှင်ကနေ ၈၀%နဲ့ မွန်ပြည်သူလူထုကနေ ၂၀% ရရှိပြီး ထောက်ပံ့ကြေး ပေးနေပါတယ်” ဟု ပြောသည်။

    ဒေသခံမွန်ပြည်သူလူထုများအနေဖြင့် ဆရာ/ဆရာမများထောက်ပံ့ကြေးအပြင် စားစရိတ်နှင့် နေထိုင်ရေးပါထောက်ပံ့ ပေးလျှက်ရှိကြောင်း၊ စာသင်နှစ်တစ်နှစ်ပတ်လုံးအတွက် ငွေကျပ်သိန်းပေါင်း ၇၀ဝ၀ ကျော်ကုန်ကျလျက်ရှိကြောင်း ၄င်းက ဆက်ပြောသည်။

    လက်ရှိမွန်အမျိုးသားပညာရေးဌာနလက်အောက်တွင် Post-ten ဆယ်တန်းလွန်ကျောင်း တစ်ကျောင်း၊ အထက်တန်း ၃ ကျောင်း၊ အလယ်တန်း ၁၆ ကျောင်း၊ မူလွန် ၂၉ ကျောင်း နှင့် မူလတန်း ၈၉ ကျောင်း စုစုပေါင်းမွန်အမျိုးသားစာသင်ကျောင် ၁၃၈ ကျောင်း ရှိသည်ဟု သိရသည်။

    မွန်အမျိုးသားစာသင်ကျောင်းကို ၁၉၇၂-၇၃ ပညာသင်နှစ်တွင် စတင်ဖွင့်လှစ်ခဲ့ရာ နဝတစစ်အစိုးရနှင့် မွန်ပြည်သစ်ပါတီ အပစ်အခတ်ရပ်စဲခဲ့သည့် ၁၉၉၅ ခုနှစ်မှစပြီး မွန်အမျိုးသားပညာရေးဌာနလက်အောက်ခံ ကျောင်းသူကျောင်းသားများသည် နိုင်ငံတော်အစိုးရတက္ကသိုလ်ဝင်စာမေးပွဲကို နီးစပ်ရာအစိုးရစာစစ်ဌာနများတွင် ဝင်ရောက် ဖြေဆိုခွင့်ရရှိခဲ့သည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    24,200SubscribersSubscribe
    spot_img

    Latest posts