စိုက်ပျိုးရေးလုပ်ငန်း၊ မွေးမြူရေးလုပ်ငန်းနှင့် တစ်ပိုင်တစ်နိုင် ကုန်ထုတ်လုပ်ငန်း လုပ်ကိုင်နိုင်ရန် မြစိမ်း ရောင်စီမံကိန်းအမည်ဖြင့် ၂၀၁၆-၂၀၁၇ ဘဏ္ဍာရေးနှစ်အတွင်း မွန်ပြည်နယ်ရှိ ကျေးရွာ ပေါင်း ၃၀ ရွာ ၌ အကောင်အထည်ဖော်နေကြောင်း မွန်ပြည်နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာနမှ သိရသည်။
အဆိုပါ စီမံကိန်းကို သက်ဆိုင်ရာ ကျေးရွာအလိုက် ရန်ပုံငွေကြီးကြပ်ရေးကော်မတီဖွဲ့စည်းစေပြီး တစ် ရွာလျှင် သိန်း (၃၀ဝ) အရင်းမပျောက်လည်ပတ်ရန်ပုံငွေအဖြစ် ချေးငွေများ ထုတ်ချေးပေးခဲ့ကြောင်း သိရသည်။
မြစိမ်းရောင်ကျေးရွာစီမံကိန်းအနေဖြင့် မိသားစုဝင်ငွေ တိုးပွားရေး၊ ရှိရင်းစွဲ အလုပ်အကိုင်အခွင့် အလမ်းရရှိရေး၊ ဆင်းရဲမွဲတေမှုလျှော့ချရေးအတွက် အကောင်အထည်ဖော် ဆောင်ရွက်နေကြောင်း ၄င်းက ဆက်ပြောသည်။
ကျေးလက်ဒေသဖွံ့ဖြိုးတိုးတက်ရေး ဦးစီးဌာစာရင်းအရ ယခုဘဏ္ဍာရေးနှစ်တွင် မြစိမ်းရောင် ကျေးရွာစီမံကိန်းဖြင့် မော်မြိုင်မြို့တွင် ကျေးရွာ ၃ ရွာ၊ မုဒုံ ၃ ရွာ၊ သံဖြူဇရပ် ၃ ရွာ၊ ချောင်းဆုံ ၃ ရွာ၊ ကျိုက်မရော ၃ ရွာ၊ ရေး ၃ ရွာ၊ သထုံ ၃ ရွာ၊ ကျိုက်ထို ၃ ရွာ၊ ဘီးလင်း ၁ ရွာ၊ ပေါင် ၅ ရွာ ရှိကြောင်း သိရသည်။
ဘီလူးကျွန်း ဒေါင်းရပ်အနောက်ကျေးရွာ အုပ်ချုပ်ရေးမှူး ဦးတင်ဝင်းက “ ကျနော်တို့က လုပ်ငန်း အနေအထားကို ကြည့်ပြီးတော့မှ ၁ သိန်းကနေ ၃ သိန်းအထိ ထုတ်ချေးထားတယ်ပေါ့၊ ထုတ်ချေး တဲ့နေရာမှာ သီးနှံစိုက်နေတဲ့ တောင်သူတွေ၊ တံငါလုပ်ငန်း လုပ်ကိုင်နေတဲ့သူတွေ ၃ သိန်းနှုန်းနဲ့ ထုတ် ချေးထားတယ်ပေါ့နော်” ဟုပြောသည်။
လက်ရှိ ဘီလူးကျွန်း ဒေါင်းရပ်အနောက် ကျေးရွာတွင် ချေးငွေ တစ်ကျပ်တိုးနှုန်းဖြင့် ထုတ်ချေးနေပြီ ဖြစ်ကြောင်း၊ ၈ လပြည့်ပါက အတိုးရော အရင်းပါ ဆပ်ပေးရမည်ဖြစ်ကြောင်း ၄င်းက ဆက်ပြောသည်။
မြစိမ်းရောင်ကျေးရွာစီမံကိန်းတွင် ရွေးချယ်ခံရသည့် ကျေးရွာများအနေဖြင့် ဝေးလံခေါင်ပါးပြီး ဆက် သွယ်ရေး ခက်ခဲသည့် နေရာ မဖြစ်ရကြောင်း၊ မူးယစ်ဆေးဝါး၊ လောင်းကစား၊ ဒုစရိုက် ကင်းစင်ပြီး ကျေးရွာဖွံ့ဖြိုးရေးလုပ်ငန်း၌ စိတ်ပါဝင်စားရမည်ဖြစ်ကြောင်း ဦးမျိုးကြည်က ထပ်လောင်းပြောကြား သည်။
၂၀၁၄-၂၀၁၅ ဘဏ္ဍာရေးနှစ်တွင် မြစိမ်းရောင်ကျေးရွာစီမံကိန်းဖြင့် မွန်ပြည်နယ်ရှိ ကျေးရွာပေါင်း ၂၅ ရွာ၊ ၂၀၁၅-၂၀၁၆ ဘဏ္ဍာရေးနှစ်တွင် ကျေးရွာပေါင်း ၃၈ ရွာ ချေးငွေ ထုတ်ချေးပေးခဲ့ကြောင်း သိရ သည်။
