အဇာတာ – ထိုင်း-မြန်မာနယ်စပ်၊ ဘုရားသုံးဆူမြို့ရှိ အစိုးရအထက်တန်းကျောင်းတွင် ၂၀၁၃ ခုနှစ် တက္ကသိုလ်ဝင်တန်းစာမေးပွဲဝင်ခွင့်လျှောက်လွှာ အပိုငွေများကောက်ခံခဲ့ကြောင်း ကျောင်းသားမိဘများထံမှ သိရသည်။
“ကျောင်းက ဒီတနင်္ဂနွေနေ့ဆို ကြာအင်းဆိပ်ကြီးကို လျှောက်လွှာသွားတင်ကြတော့မယ်လို့ပြောတယ်၊ မနေ့ကအပြီးပေးသွင်းခဲ့ပြီးပြီ” ဟု ကျောင်းသားမိဘတစ်ဦးက ပြောသည်။
တက္ကသိုလ်ဝင်တန်းလျှောက်လွှာများကို ဘုရားသုံးဆူမြို့မှ ကြာအင်းဆိပ်ကြီးမြို့သို့ သွားရောက်ပေးပို့ရသည့်အတွက် လမ်းခရီးဝန်ဆောင်ခစရိတ်ပါ အပိုကြေးငွေကောက်ခံခြင်းဖြစ်သည်ဟုလည်း ပညာရေးဝန်ထမ်းတစ်ဦးက ပြောသည်။
အဆိုပါလျှောက်လွှာများကို နေပြည်တော်ရုံးအမှတ် ၅၂- မြန်မာနိုင်ငံစာစစ်(ရုံးချုပ်) နှင့် ရန်ကုန်မြို့၊ လှိုင်တက္ကသိုလ်ရှိ မြန်မာနိုင်ငံစာစစ်အဖွဲ့(ဇွဲကပင်ဆောင်)၌ ယခုလစက်တင်ဘာ ၃ ရက်နေ့မှစတင်ရောင်းချခဲ့ပြီး လျှောက်လွှာပိတ်ရက်မှာ ယခုလ ၂၈ ဖြစ်သည်ဟု သတင်းစာများတွင် ရေးသားဖေါ်ပြခဲ့သည်။
ဘရားသုံးဆူမြို့ အထကတွင် ယခုနှစ်တက္ကသိုလ်ဝင်တန်းဖြေဆိုမည့် ကျောင်းသားဦးရေ ၈၀ ကျော်ရှိသည်။
