မီးလောင်ကျွမ်းမှုနေရာတွင် ရောက်ရှိနေသည့် မျက်မြင် ကိုကြည်ဇော်လွင်က “ အစိုးရုံးနဲ့ ကပ်ရက်ဖြစ်နေတော့ လမ်းတွေအားလုံးကို ပိတ်ထားတယ်၊ ဆက်သွယ်ရေးရုံးဘေးက နီလာဆီဆိုင်ကနေ မီးစလောင်တာပါ၊ အိမ်ရဲ့ အတွင်းပိုင်းကနေ စလောင်တာ” ဟု ပြောသည်။
အဓိက မည်သည့်အကြောင်းကြောင့် မီးလောင်ကျွမ်းမှုဖြစ်ရသည့် အကြောင်းအရင်းနှင့် ဆုံးရှုံးမှု ပမာဏ မည်မျှဖြစ်မည်ကို အတိအကျ အတည်မပြုနိုင်သေးကြောင်း မော်လမြိုင်မြို့ မီးသတ်ဦးစီဌာနမှ ပြောကြားခဲ့ကြောင်း သူက ဆက်ပြောပြသည်။
မီးလောင်မှုတွင် (၁) ဦး ထိခိုက်ဒဏ်ရာရှိပြီး အခြေအနေ ဆိုးဆိုးဝါးဝါး မရှိကြောင်း ဆုံးရှုံးမှုပမာဏအနေဖြင့် ဓါတ်ဆီသိုလှောင်ရုံတွင် ဓါတ်ဆီသိုလှောင်ထားသည့် ပမာဏအတိုင်း ဆုံးရှုံးမည်ဖြစ်ကြောင်း အရေးပေါ် အခမဲ့ အကူအညီပေးရေးဌာနမှ ကိုအောင်ထူးက ပြောသည်။
ထိုမီးလောင်ကျွမ်းမှုသည် အချိန်နာရီဝက်ခန့် ကြာမြင့်ပြီး မော်လမြိုင်မီးသတ်ဌာနမှ မီးသတ်ကား (၈) စီးခန့်ဖြင့် အချိန်မှီ မီးငြိမ်းနိုင်ခဲ့ကြောင်း ထိုမီးလောင်ကျွမ်းမှု နေရာကို မွန်ပြည်နယ်ဝန်ကြီးချုပ် ဦးအုန်မြင့် နှင့် အစိုးရအဖွဲ့ဝင်များ လာရောက်ကြည့်ရှု့ခဲ့ကြောင်း သိရှိရသည်။
