spot_img
Friday, May 24, 2024
More
    spot_img
    Homeသတင်းအစိုးရသစ်လက်ထက် မွန်ပြည်နယ်လူဦးရေ ၂ သိန်းခွဲခန့် နိုင်ငံသားစိစစ်ရေးကဒ်ပြုလုပ်ပေးခဲ့

    အစိုးရသစ်လက်ထက် မွန်ပြည်နယ်လူဦးရေ ၂ သိန်းခွဲခန့် နိုင်ငံသားစိစစ်ရေးကဒ်ပြုလုပ်ပေးခဲ့

    -

    သမ္မတဦးသိန်းစိန်အစိုးရတက်လာပြီးနောက်ပိုင်း မွန်ပြည်နယ်အတွင်း မြို့နယ် ၁၀ ခုရှိ လူဦးရေ ၂ သိန်းခွဲခန့်အား မိုးပွင့်အထူးစီမံချက်ဖြင့် နိုင်ငံသားစိစစ်ရေးကဒ်ပြားထုတ်ပေးခဲ့ကြောင်း မွန်ပြည်နယ် လူဝင်မှုကြီးကြပ်ရေးနှင့် အမျိုးသားမှတ်ပုံတင်ဌာနမှ ဒုညွှန်မှူး ဦးသန်းဝင်းက ပြောသည်။

    “ရွာတွေ ရပ်ကွက်တွေကို လိုက်လုပ်ပေးတာ။ တောကြိုအုံကြားထိ လိုက်လုပ်ပေးပါတယ်။ သာမန်ကြည့်ရင်တော့ အကျိုးကျေးဇူးတွေကို မမြင်နိုင်ဘူး။ နိုင်ငံသားစိစစ်ရေးရတာနဲ့ နိုင်ငံသားအခွင့်အရေးတွေ အကုန်လုံးရတယ်” ဟု ဦးသန်းဝင်းက ပြောသည်။

    caption-လဝကဆောင်ပုဒ်နှင့်ပြည်ထောင်စုဝန်ကြီး ဦးခင်ရီ(Internet)
    caption-လဝကဆောင်ပုဒ်နှင့်ပြည်ထောင်စုဝန်ကြီး ဦးခင်ရီ(Internet)

    တစ်နှစ်ပြီးတစ်နှစ် မိုးပွင့်စီမံချက်ကို အကောင်အထည်ဖော်လုပ်ဆောင်ခဲ့ရာ ၄ နှစ်အတွင်းတွင် တစ်နိုင်ငံလုံးအနေဖြင့် လူဦးရေ ၄ သန်းခွဲ ၅ သန်းနီးပါးကို နိုင်ငံသားစိစစ်ရေးကဒ် လုပ်ပေးခဲ့သည်ဟု သူကဆိုသည်။

    ဦးသန်းဝင်းက “ရုံးမှာလည်းလုပ်၊ ပြည်သူတွေဆီကိုလည်း တိုက်ရိုက်လုပ်ပေးတယ် လုပ်ပေးရမယ်။ အရင်တုန်းက ကျနော်တို့ လုပ်ခဲ့တာက တစ်လမှာမှ ၂ ရွာလောက်ဆင်းတာ။ ဟိုတုန်းက ဖိတ်ခေါ်မှ သွားတာရှိတယ်။ အခုက မဖိတ်ခေါ်လည်း သွားတယ်” ဟု ပြောသည်။

    ယခင် နိုင်ငံသားစိစစ်ရေးကဒ်ပြားပြုလုပ်ရာတွင် လိုအပ်သည့်အချက် ၁၀ ချက်မှ ၇ ချက်သို့လျော့ချပေးခဲ့ကြောင်း ၄င်းက ဆက်ပြောသည်။

    မုဒုံမြို့၊ ကုက္ကိုတန်းရပ်ကွက်တွင် နိုင်ငံသားစိစစ်ရေးကဒ်ပြား အသစ်ပြုလုပ်ခြင်း၊ လဲလှယ်ခြင်းနှင့် မိတ္တူလျှောက်ထား လိုသူများ၏စာရင်းကို ကောက်ခံနေသော်လည်း မိမိတို့ရပ်ကွက်တွင် ယင်းကဲ့သို့ လာရောက်ပြုလုပ်ပေးခြင်း မရှိသေး ကြောင်း နိုင်ငံသားစိစစ်ရေးကဒ်ပြား အသစ်ပြုလုပ်ရမည့် မုဒုံမြို့ မြို့မ (၁) ရပ်ကွက်မှ ကျောင်းဆရာမတစ်ဦးက ပြောသည်။

    နိုင်ငံတစ်ဝန်းရှိ နိုင်ငံသားစိစစ်ရေးကဒ်ပြားနှင့် အိမ်ထောင်စုလူဦးရေးစာရင်းများ ထုတ်ပေးရန် ကျန်ရှိနေသူများကို ဇန်နဝါရီလ ၁ ရက်နေ့မှ ဇွန်လ ၃၀ ရက်နေ့အထိ ၆ လတာကာလအတွင်း မိုးပွင့်အထူးစီမံကိန်ဖြင့် လုပ်ဆောင်ပေး သွားမည်ဟု လူဝင်မှုကြီးကြပ်ရေးနှင့် အမျိုးသားမှတ်ပုံတင်ဦးစီးဌာန ထုတ်ပြန်ထားသည်။

    မွန်ပြည်နယ်တွင် လူဦးရေ ၂ သန်းကျော်ရှိပြီး လူဝင်မှုကြီးကြပ်ရေးနှင့် အမျိုးသားမှတ်ပုံတင်ဌာန ဝန်ထမ်းအရေအတွက် ၂၀ဝ ဦးခန့်ရှိသည်ဟု လဝကဌာနမှ သိရသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    24,200SubscribersSubscribe
    spot_img

    Latest posts