spot_img
Thursday, March 28, 2024
More
    spot_img
    Homeသတင်းနိုင်ငံရေးပါတီများအစုအဖွဲ့ စီးပွားရေးဆိုင်ရာမူဝါဒအလုပ်ရုံဆွေးနွေးပွဲ စက်စဲကမ်းခြေတွင်ကျင်းပမည်

    နိုင်ငံရေးပါတီများအစုအဖွဲ့ စီးပွားရေးဆိုင်ရာမူဝါဒအလုပ်ရုံဆွေးနွေးပွဲ စက်စဲကမ်းခြေတွင်ကျင်းပမည်

    -

    ပြည်ထောင်စုငြိမ်းချမ်းရေး ဆွေးနွေးမှုပူးတွဲကော်မတီ UPDJC အဖွဲ့ဝင် နိုင်ငံရေးပါတီအစုအဖွဲ့ ၂၃ ပါတီတို့၏ စီးပွားရေးဆိုင်ရာမူဝါဒအလုပ်ရုံဆွေးနွေးပွဲတစ်ရပ်ကိုဒီဇင်ဘာ ၂၀ ရက်နေ့မှစတင်ပြီး မွန်ပြည်နယ် စက်စဲကမ်းခြေရှိ 21 Paradise ဟိုတယ်၌ ၃ ရက်ကြာကျင်းပသွားမည်ဖြစ်ကြောင်း စီစဉ်သူများထံမှသိရသည်။

    “UPDJC မှာပါတဲ့စီးပွားရေးကဏ္ဍဆိုင်ရာဆွေးနွေးပွဲပေါ့၊ အဓိကတော့ ဖက်ဒရယ်စီးပွားရေးနဲ့ ဒေသန္တ ဖွံ့ဖြိုးတိုးတက်ရေးနှင့်ပတ်သက်တဲ့ အခြေခံမူတွေကို နိုင်ငံရေးပါတီ ၂၃ ပါတီက သီးသန့်ဆွေးနွေးကြတာပေါ့” ဟု UPDJC အတွင်းရေးမှူးအဖွဲ့ဝင် မင်းဇေယျာဦး( မွန်အမျိုးသားပါတီ MNP) က ပြောသည်။

    UPDJC အတွင်းရေးမှူးအဖွဲ့ဝင် မင်းဇေယျာဦး( မွန်အမျိုးသားပါတီ MNP)-(Min Zayar Oo)
    UPDJC ချမှတ်ထားသော နိုင်ငံရေးမူဘောင်အရ နိုင်ငံရေး၊ စီးပွားရေး၊ လူမှုရေး၊ မြေယာသယံဇာတနှင့် လုံခြုံရေးကဏ္ဍများကို နိုင်ငံရေးပါတီအစုအဖွဲ့ ၂၃ ပါတီတို့က ကဏ္ဍအလိုက်ခွဲ၍ သီးသန့်ဆွေးနွေးမှုများ ပြုလုပ်နေသည်ဟု ဆိုသည်။

    “နိုင်ငံရေးပါတီအစုအဖွဲ့ကတော့ ပြီးခဲ့တဲ့ ၆ လအတွင်း UPDJC ဒုတိယအစည်းအဝေးနောက်ပိုင်းမှာ ကဏ္ဍတစ်ခုကို တစ်ကြိမ်စီဆွေးနွေးခဲ့ကြတယ်၊ ဒီတစ်ကြိမ်ကတော့ စီးပွားရေးကဏ္ဍဆွေးနွေးတဲ့ Workshop ဖြစ်တာပေါ့နော်” ဟု မင်းဇေယျာဦးက ဆက်ပြောသည်။

    နိုင်ငံရေးပါတီအစုအဖွဲ့ ၂၃ ပါတီအနေဖြင့် အလားတူအလုပ်ရုံဆွေးနွေးပွဲများကို ရန်ကုန်မြို့မှာသာမကဘဲ နယ်များတွင်သွားရောက်လုပ်ဆောင်ရခြင်းမှာ ဒေသခံပြည်သူများနှင့် သတင်းထောက်များအား ထိတွေ့ခွင့်ရရှိသဖြင့် ဒေသအခြေအနေများကို လူထုများနှင့်ဆွေးနွေးနိုင်မှာဖြစ်သလို ၄င်းတို့၏ခံစားချက်ကိုလည်း နီးနီးကပ်ကပ်လေ့လာနိုင်မည်ဖြစ်ကြောင်း သူကယုံကြည်သည်။

    အဆိုပါအလုပ်ရုံဆွေးနွေးပွဲ Workshop ပထပိုင်း ၂ ရက်တွင် ပြည်တွင်းနှင့် နိုင်ငံတကာမှပညာရှင်တို့၏ အတွေ့အကြုံများကို မျှဝေသည့်အစီအစဉ်နှင့် နောက်ဆုံးရက်တွင် နိုင်ငံရေးပါတီ ၂၃ ဖွဲ့တို့၏သဘောထားအမြင်ကို စုစည်းသည့်အစည်းအဝေးကျင်းပ၍ ဆုံးဖြတ်အတည်ပြုချက်ရယူကာ ပြည်ထောင်စုငြိမ်းချမ်းရေးညီလာခံ UPC သို့ စာတမ်းအဖြစ်တင်သွင်းသွားမည်ဟု သိရသည်။

    သို့ရာတွင် ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေးအား လာမည့် ၂၀၁၈ ခုနှစ် ဇန်နဝါရီ ၂၉ ရက်နေ့တွင် ၅ ရက်ကြာကျင်းပရန်လျာထားသည်ဟု သတင်းများထွက်ပေါ်နေသော်လည်း အတည်ပြုချက်မရသေးပေ။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    20,600SubscribersSubscribe
    spot_img

    Latest posts