မွန်  ၊ အင်္ဂလိပ် ၊  Font

Breaking News
Home / သတင်း / မွန်ပြည်နယ်လွှတ်တော် အမျိုးသမီးနှင့် ကလေးသူငယ်အခွင့်အရေးဆိုင်ရာကော်မတီက ခွန်တန်ကိစ္စ ကြားနာစစ်ဆေး

မွန်ပြည်နယ်လွှတ်တော် အမျိုးသမီးနှင့် ကလေးသူငယ်အခွင့်အရေးဆိုင်ရာကော်မတီက ခွန်တန်ကိစ္စ ကြားနာစစ်ဆေး

ရေးသားသူ:

မွန်ပြည်နယ် သထုံမြို့နယ် စရစ်ချောင်ကျေးရွာအုပ်စုရှိ အလံတစ်ရာနယ်မြေဒေသတွင် ဖြစ်ပွားနေသည့် ခွန်တန်ကိစ္စနှင့် ပတ်သက်ပြီး တိုင်ကြားထားချက်အပေါ် ပြည်နယ်လွှတ်တော် အမျိုးသမီးနှင့် ကလေးသူငယ်အခွင့်အရေးဆိုင်ရာကော်မတီက နိုဝင်ဘာလ ၆ ရက်နေ့တွင် ကြားနာစစ်ဆေးမှုပြုလုပ်ခဲ့သည်။

ဘာသာတရားယုံကြည်မှုအပေါ် အခွင့်ကောင်းယူပြီး ဘာသာရေးမှိုင်းတိုက်၍ ရိုးသားသော ပအိုဝ်းတိုင်းရင်းသူ မိန်ကလေးများအား ဖျက်ဆီးနေမှုကို ဖော်ထုတ်အရေးယူပေးပါရန်ဆိုပြီး ကျူးလွန်ခံရသည့် အမျိုးသမီးမိဘများကိုယ်စား အမျိုးသမီးဖခင်တစ်ဦးက ပြည်နယ်လွှတ်တော် အမျိုးသမီးနှင့် ကလေးသူငယ်အခွင့်အရေးဆိုင်ရာကော်မတီသို့ တိုင်ကြားထားခဲ့သည်။

ကလေးသူငယ်အခွင့်အရေးဆိုင်ရာကော်မတီက ခွန်တန်ကိစ္စကို ကြားနာစစ်ဆေးစဉ်(MNA)
“တိုင်ကြားသူတွေရဲ့ ပြောကြားချက်တွေကို အမတို့ နားထောင်တယ်၊ ဒီထဲမှာ ကာယကံရှင်အဖေပါတယ်၊ အားလုံး ၆ ဦးလာတယ်၊ ဒီ့အပေါ် လုပ်ဆောင်ရမယ့်ဟာကို ကော်မတီရဲ့ ဆုံဖြတ်ချက်နဲ့ လွှတ်တော်ဥက္ကဌရဲ့ လမ်းညွှန်ချက်နဲ့ ဆောင်ရွက်သွားမယ်။ လွှတ်တော်ရဲ့ ဥပဒေ၊ နည်းဥပဒေအတိုင်း ဘောင်းထဲကနေလုပ်ဆောင်သွားမှာ” ဟု ပြည်နယ်လွှတ်တော် အမျိုးသမီးနှင့် ကလေးသူငယ် အခွင့်အရေးဆိုင် ကော်မတီ ဥက္ကဌ ဒေါ်ခိုင်ခိုင်လဲ့က ပြောသည်။

ခွန်တန်နှင့် ပတ်သက်ပြီး အမျိုးသမီးနှင့် ကလေးသူငယ်အခွင့်အရေးဆိုင်ရာကော်မတီသို့ တိုင်စာ ၂ စောင် ရောက်ရှိထားကြောင်း ယင်းကိစ္စနှင့် ပတ်သက်သည့် ဆောင်ရွက်ချက်အားလုံးကို လာမည့် လွှတ်တော်အစည်းအဝေးတွင် ဆုံဖြတ်ချက် ပေးသွားမည်ဖြစ်ကြောင်း ၄င်းက ဆက်ပြောသည်။

ခွန်တန် (ခ) ဇာတ်လိုက်သည် ယခင် အလံတရာဆရာတော် ဝင်စားသည်ဆိုပြီး ဒေသခံအချို့တို့က ယုံကြည်ကိုးကွယ်နေကြသည်။

အလံတရာတွင်ဖြစ်သည့်ကိစ္စနှင့် ပတ်သက်ပြီး ပြည်နယ်အစိုးရအဖွဲ့အနေဖြင့် လုပ်သင့်လုပ်ထိုက်တာတွေ လုပ်နေဆောင်နေကြောင်းနှင့် ခွန်တန်ဆိုသူကို လွန်ခဲ့သည့် ၂ လခန့်ကတည်းက ဖမ်းဆီးရန် အမိန့်ထားကြောင်း လက်ရှိတွင် ခွန်တန်က ရှမ်းပြည်နယ်ဘက်သို့ ထွက်ပြေးတိမ်းရှောင်နေသည့်အတွက် ရှမ်းပြည်နယ်အစိုးရနှင့် ပူးပေါင်းပြီးလုပ်ဆောင်သွားမည်ဟု မွန်ပြည်နယ်ဝန်ကြီးချုပ် ဒေါက်တာအေးဇံက ပြောကြားထားခဲ့သည်။

အလံတရာနယ်မြေတွင် အတွင်း ၆ ရွာ အပြင် ၆ ရွာရှိပြီး ပအိုဝ်းတိုင်းရင်းသားလူမျိုး အများစုနေထိုင်နေကြသည့်ဒေသတစ်ခုဖြစ်ကာ ဘာသာတရားအပေါ် ယုံကြည်သော ပအိုဝ်းတိုင်းရင်းသူများအား ဖျက်ဆီးနေသည့်ကိစ္စသည် လွန်ခဲ့သည့် ၅ နှစ်၊ ၆ နှစ်ခန့်ကတည်းက ဖြစ်ပွားနေသည်ဟု ဒေါ်ခိုင်ခိုင်လဲ့က ပြောသည်။

ဘာသာတရားအပေါ် ယုံကြည်သော ပအိုဝ်းတိုင်းရင်းသူများအား ဖျက်ဆီးနေသည့်ကိစ္စသည် အလံတရာဘုရား ပြုပြင်ခြင်းကို တိုင်ကြားရာမှတဆင့် ပေါ်ပေါက်လာသည်ဟုလည်း ၄င်းက ဆက်ပြောသည်။

ခွန်တန် (ခ) ဇာတ်လိုက် အပါအဝင် ၇ ဦးကိုလည်း ရာဇသတ်ကြီး ဥပဒေ ပုဒ်မ ၃၆၆ (အတင်းအဓမ္မခိုးယူပေါင်းသင်းမှု)၊ ၃၆၃ (လူခိုးမှု)၊ ၁၁၄ (အားပေးကူညီမှု) တို့ဖြင့် သထုံမြို့မရဲစခန်းတွင် အမှုဖွင့်ထားသည်ဟု သထုံမြို့မရဲစခန်းမှ သိရသည်။

About မွန်သတင်းအေဂျင်စီ

Check Also

မွန်ကျောင်းဆရာများ ညီလာခံကျင်းပ

မွန်အမျိုးသားပညာရေးကော်မတီ MNEC-Mon National Education Committee မှ ဦးစီး၍ မွန်အမျိုးသားပညာရေး ကျောင်းဆရာများ ညီလာခံ Teacher Conference တရပ်ကို နိုဝင်ဘာလ ၁၉ …

Leave a Reply

%d bloggers like this: