မွန်  ၊ အင်္ဂလိပ် ၊  Font

Breaking News
Home / သတင်း / ရေးမြို့အိမ်တွင်းမှုသင်တန်းကျောင်းတွင် အမျိုးသမီးများစရိတ်ငြိမ်းသင်ကြားနိုင်

ရေးမြို့အိမ်တွင်းမှုသင်တန်းကျောင်းတွင် အမျိုးသမီးများစရိတ်ငြိမ်းသင်ကြားနိုင်

ရေးသားသူ:

ရေးမြို့၊ သီရိနန္ဒာရပ်ကွက်၊ အဏ္ဏဝါရပ်တွင် ဖွင့်လှစ်ထားသော အမျိုးသမီးအိမ်တွင်းမှု သက်မွေးလုပ်ငန်းပညာသင်တန်းကျောင်းမှ မြန်မာစာရေးတတ်ဖတ်တတ်ပြီး စိတ်ပါဝင်စားသည့် တိုင်းရင်းသူအမျိုးသမီးများအား ဘဝအာမခံချက်ရရှိသည်အထိ စရိတ်ငြိမ်း တက်ရောက်သင်ကြားနိုင်ကြောင်း အဆိုပါကျောင်းမှ သိရသည်။

မော်လမြိုင်ခရိုင်အတွင်းရှိ တိုင်းရင်းသူများအပါအဝင် ရေးတပ်နယ်နှင့် မွန်ပြည်သစ်ပါတီတို့မှ တိုင်းရင်းသူများ၊ ရွှေ့ပြောင်းရောက်ရှိလာသည့် တိုင်းရင်းသူများပါ တက်ရောက်သင်ကြားလျက်ရှိပြီး မနက်စာ၊ နေ့လယ်စာနှင့် ညစာအပါအဝင် နယ်ဝေးသမားများအတွက် ခရီးစရိတ်များရရှိအောင်စီစဉ်ပေးထားကြောင်း အဆိုပါကျောင်းအုပ် ဒေါ်သင်းသင်းယုက ပြောသည်။

အမျိုးသမီးအိမ်တွင်းမှု သက်မွေးလုပ်ငန်းပညာသင်တန်းကျောင်း-ရေးမြို့(MNA)
စိတ်ပါဝင်စားစွာ တက်ရောက်စေချင်တယ်၊ သူတို့ဘဝရပ်တည်နိုင်ဖို့အတွက်ပါ၊ စိတ်ပါဝင်စားတဲ့ အတွက်ကြောင့်မို့ မတတ်မြောက်ဘူးဆိုတာ လုံးဝမဖြစ်စေရပါဘူး၊ အသက်မွေးဝမ်းကျောင်း ပြုနိုင်သည်အထိ အာမခံတယ်၊မြန်မာစာရေးတတ်ဖတ်တတ်ရင်ရပါပြီ၊ ကျောင်းကိုလည်း တိုက်ရိုက်လာရောက် လျှောက်ထားနိုင်ပါတယ် ” ဟု ၄င်းက ပြောသည်။

အပ်ချုပ်ဘာသာရပ်၊ လက်မှုဘာသာရပ်၊ အချက်အပြုတ်ဘာသာရပ်တို့ကို အခြေခံနှင့် အဆင့်မြင့်သင်တန်းများအဖြစ် တစ်နှစ်လျှင် ၃ ကြိမ်၊ ၁ ကြိမ်လျှင် ၁၄ ပတ်ကြာ သင်ကြားပေးနေကြောင်း၊ သင်ထောက်ကူပစ္စည်းများ၊ ရိုးရာဝတ်စုံအတွက်လည်း ထောက်ပံ့ပေးကြောင်း သိရသည်။

” သင်တန်းမှာ ထူးချွန်တဲ့သူကိုလည်း အပ်ချုပ်စက်တစ်လုံး ချီးမြှင့်ပေးပါတယ်။ အခြေခံပြီးသွားရင် အဆင့်မြင့်ပြန်ပြီးတက်လို့ရတယ်၊ အဆင့်မြင့်တက်ပြီးသွားလို့ရှိရင် အရစ်ကျစနစ်နဲ့ အပ်ချုပ်စက်တွေလဲ ရောင်းပေးတယ်။ သင်ထောက်ကူအတွက်လည်း ငွေကြေးတစ်ခုမှ အကုန်ကျခံစရာမလိုပါဘူး၊ အားလုံးထောက်ပံ့ပေးပါတယ်။ ရေးမှာဆိုရင် ဒီသင်တန်းကျောင်းကဆင်းသွားတဲ့သင်တန်းသူအချို့ သင်တန်းသူတွေတောင် ပြန်လက်ခံသင်ကြားပေးနေကြပြီ၊ အချို့ဆို သင်တန်းသူ ၂၀ လောက်တောင်ရှိတယ်၊ ရွာတွေကလာတက်တဲ့ကလေးတွေဆိုရင်လည်း ခုဆို ဝန်ထမ်းအရာရှိလစာထက်တောင် ဝင်ငွေရနေကြပြီ ” ဟု ဒေါ်သင်းသင်းယုက ဆိုသည်။

အမျိုးသမီးအိမ်တွင်းမှု သက်မွေးလုပ်ငန်းပညာသင်တန်းကျောင်း-ရေးမြို့(MNA)
ယခင်သီတင်းပတ်မှစတင်၍ မင်္ဂလာဆောင်သူတို့သမီးဝတ်စုံချုပ်ခြင်းသင်ခန်းစာတိုးချဲ့သင်ကြားပေးနေပြီး ဆက်လက်၍ အလှပြင်သင်တန်း၊ စက်ကြီးပန်းထိုးသင်တန်းနှင့် အဆင့်မြင့်ဒီဇိုင်နာသင်တန်းတို့ကိုလည်း တိုးချဲ့ဖွင့်လှစ်သွားရန်ရှိကြောင်းလည်း အဆိုပါသင်တန်းကျောင်းမှ သိရသည်။

”အပြင်မှာသင်မယ်ဆိုရင် ငွေက သိန်းချီကုန်မယ်၊ ဒါက ငွေကြေးမကုန်ဘဲနဲ့ အတတ်ပညာတစ်ခုကို ပြည့်စုံစွာနဲ့ သင်ကြားပေးနိုင်တဲ့နေရာဖြစ်တယ်၊ ယူတတ်သလောက်ရတယ်၊ သက်ဆိုင်ရာရပ်/ကျေးတွေအနေနဲ့လည်း စေတနာရှိရှိနဲ့ တကယ်ကိုနွမ်းပါးပြီး ပညာလိုလားတဲ့တိုင်းရင်းသူလေးတွေကို သိရှိနားလည်အောင်လမ်းညွှန်ကြစေချင်ပါတယ် ” ဟု ရေးမြို့၊ အောင်မေတ္တာရပ်ကွက်နေ နိုင်စိုးနိုင်က ပြောသည်။

အဆိုပါအမျိုးသမီးအိမ်တွင်းမှု သက်မွေးလုပ်ငန်းပညာသင်တန်းကျောင်းကို ပညာရေးနှင့်လေ့ကျင့်ရေးဦးစီးဌာနမှ ၁၉၉၈ ခုနှစ်၊ မေလ ၈ ရက်နေ့က စတင်ဖွင့်လှစ်ခဲ့ပြီး ယခုအခါ အခြေခံသင်တန်း ၅၇ ကြိမ်၊ အဆင့်မြင့်သင်တန်း ၄၇ ကြိမ်ပို့ချခဲ့ပြီး သင်တန်းသူ ၂၇၄၉ ဦးတို့အား သင်ကြားပေးခဲ့ကြောင်း သိရသည်။

About မွန်သတင်းအေဂျင်စီ

Check Also

မွန်ကျောင်းဆရာများ ညီလာခံကျင်းပ

မွန်အမျိုးသားပညာရေးကော်မတီ MNEC-Mon National Education Committee မှ ဦးစီး၍ မွန်အမျိုးသားပညာရေး ကျောင်းဆရာများ ညီလာခံ Teacher Conference တရပ်ကို နိုဝင်ဘာလ ၁၉ …

Leave a Reply

%d bloggers like this: