မွန်  ၊ အင်္ဂလိပ် ၊  Font

Breaking News
Home / မွန်ပြည်နယ်အုပ်ချုပ်မှုဆိုင်ရာ စောင့်ကြည့်ရေး / အရေးယူရန်ကြန့်ကြာနေသည့်ယာဉ်တိုက်မှု ဝန်ကြီးချုပ်ထံတိုင်ကြား

အရေးယူရန်ကြန့်ကြာနေသည့်ယာဉ်တိုက်မှု ဝန်ကြီးချုပ်ထံတိုင်ကြား

ရေးသားသူ:

ယာဉ်တိုက်မှုကြောင့်ခြေတစ်ဖက်ဖြတ်ခံခဲ့ရသူ ဒေါ်အုန်းဝင်းက ၄င်းအမှုကြန့်ကြာနေသဖြင့် မေလ ၁၂ ရက်နေ့၊ ရေးမြို့တွေ့ဆုံပွဲ၌ မွန်ပြည်နယ်ဝန်ကြီးချုပ် ဒေါက်တာအေးဇံထံ တိုင်ကြားခဲ့သည်။

ရေးမြို့၊ အောင်မင်္ဂလာရပ်ကွက်နေ ဒေါ်အုန်းဝင်း က “ကျမက ၂၀၁၆ ဒီဇင်ဘာ ၁၉ ရက်နေ့မှာ ကားနဲ့ တိုက်ခံရတာပါ။ ရဲစခန်းကိုအကြိမ်ကြိမ်သွားလည်း အမှုတွဲကို ရုံးမတင်ပေးသေးပါဘူး။ ကျမအနေနဲ့ တရားဥပဒေစိုးမိုးမှုကို မခံယူရသေးတဲ့အတွက် ဒါကို ကူညီဆောင်ရွက်ပေးစေလိုတယ်” ဟု ဆိုသည်။

ယာဉ်တိုက်ခံရသူ ဒေါ်အုန်းဝင်း(Mon Htaw)

လွန်ခဲ့သည့် ဧပြီ ၄ ရက်နေ့တွင် မော်လမြိုင်ခရိုင်ရုံးမှ ရဲမှူးလာရောက်စစ်ဆေးခဲ့ကြောင်း၊ ၄င်းယာဉ်တိုက်မှုဖြစ်ပွားချိန်တွင် သတိမလစ်ခဲ့သဖြင့် တရားခံကို မှတ်မိကြောင်း၊ ယာဉ်ပိုင်ရှင်မှ လူမှုရေးအရ တစုံတရာ ကူညီဆောင်ရွက်ပေးမှုမရှိကြောင်း၊ ၈၈ မျိုးဆက် ကျောင်းသားများ၏ ကူညီဆောင်ရွက်ပေးမှုဖြင့် ရန်ကုန်မြို့တွင် ဆေးကုသခံယူခဲ့ရကြောင်း ဒေါ်အုန်းဝင်းက ပြောသည်။

သို့ရာတွင် ရေးမြို့နယ်၊ မြို့နယ်ရဲမှူးမြင့်သော်က“အခင်းဖြစ်ရာ ပတ်ဝန်းကျင်သက်သေတွေကိုစုံစမ်းပါတယ်။ ပတ်ဝန်းကျင် သက်သေအနေနဲ့ တရားခံအစစ်မှန် ဘယ်သူလဲဆိုတာ အတိကျဘယ်သူမှ တင်ပြခြင်းမရှိပါဘူး။ ဒဏ်ရာရရှိတဲ့အမျိုးသမီးကို မေးမြန်ရာမှာလဲ သူလဲဘယ်သူဘယ်ဝါအတိကျ မဖြေကြားပေးနိုင်ဘူး” ဟု ဆိုသည်။

ပတ်ဝန်းကျင်သက်သေဖြင့် ရဲလုပ်ငန်းပြည့်စုံစွာဆောင်ရွက်ပြီးမှ ဥပဒေအကြံပြုချက်တင်ပြရမည်ထားကြောင်း၊ ခရိုင်တပ်ဖွဲ့မှူးကိုယ်တိုင်ခရိုင်ရုံးကို တိုင်တန်းသူအားဆင့်ခေါ်ပြီး ဖြစ်စဉ်အဖြစ်မှန် ဖြစ်ပေါ်နိုင်ရေး အတွက် ခရိုင်တပ်ဖွဲ့မှူးကိုယ်တိုုင်စစ်ဆေးနေကြောင်း ရဲမှူးက ဆက်ပြောသည်။

အဆိုပါအမှုအား ရေးမြို့မရဲစခန်း နယ်ထိန်းခေါင်ဆောင် ဒါးရှင်းခိုင်မှ အမှုစစ်တာဝန်ယူပြီး ဇန်နဝါရီ ၁၂ ရက်နေ့တွင် စတင်စစ်ဆေးခဲ့သည်ဟု ရေးမြို့မရဲတပ်ဖွဲ့မှ သိရသည်။

၅ လကြာ ဖြစ်ပွားခဲ့သည့် ဒေါ်အုန်းဝင်း ယာဉ်တိုက်ခံရမှုနှင့်ပတ်သက်ပြီး တရားရုံးသို့ အမှုတွဲမရောက်သည့်အပေါ် အဆိုပါ အမှုအား စဉ်ဆက်မပြတ်စောင့်ကြည့်ပေးရန် ပြည်နယ်ဝန်ကြီးချုပ်က ရေးမြို့နယ်မဲဆန္ဒနယ်အမှတ် ၂ ပြည်နယ်လွှတ်တော်ကိုယ်စားလှယ် ဦးချစ်တင်အား ပြောကြားခဲ့သည်။

About မွန်သတင်းအေဂျင်စီ

Check Also

အိမ်ကြီးပေါ်အိမ်ငယ်ဆောက်သဖြင့် ပါတီတွင်းသဘောထားကွဲနေဟု ဒေါက်တာမင်းစိုးလင်းဝေဖန်

မွန်အမျိုးသားပါတီ MNP ပါတီတွင်း အိမ်ကြီးပေါ်အိမ်ငယ်ဆောက်ထားသဖြင့် သဘောထားများကွဲနေပြီး မိမိသည်လည်း ပါတီမှထုတ်ပယ်ခံလိုက်ရကြောင်း ရေးမြို့နယ် အမှတ်(၁) မဲဆန္ဒနယ်မြေ လွှတ်တော်ကိုယ်စားလှယ် ဒေါက်တာမင်းစိုးလင်းက ဇူလိုင်လ ၂၀ ရက်နေ့တွင် …

Leave a Reply

%d bloggers like this: