မွန်  ၊ အင်္ဂလိပ် ၊  Font

Breaking News
Home / သတင်း / သတင်းမီဒီယာဥပဒေနှင့်အဖြေရှာရန် ရန်ကုန်တိုင်းအစိုးရကို သတင်းအဖွဲ့အစည်းများတိုက်တွန်း

သတင်းမီဒီယာဥပဒေနှင့်အဖြေရှာရန် ရန်ကုန်တိုင်းအစိုးရကို သတင်းအဖွဲ့အစည်းများတိုက်တွန်း

ရေးသားသူ:

ရန်ကုန်တိုင်းဒေသကြီးအစိုးရအနေဖြင့် ယခင်အစိုးရ လက်ထက်က အသုံးပြုခဲ့သည့် ဆက်သွယ်ရေးဥပဒေဖြင့် သတင်းမီဒီယာလွတ်လပ်ခွင့်ကို ခြိမ်းခြောက် စေသည့်လုပ်ဆောင်မှုများကို အမြန်ဆုံးရပ်တန့်ပြီး မြန်မာနိုင်ငံသတင်းမီဒီယာကောင်စီနှင့် ပူးပေါင်း ဆောင်ရွက်ပြီး သတင်းမီဒီယာဥပဒေနှင့်အညီ အဖြေရှာရန်တိုက်တွန်းကြောင်း နိုဝင်ဘာ ၁၃ နေ့စွဲဖြင့် သတင်းမီဒီယာအဖွဲ့အစည်း ၅ ဖွဲ့က ကြေညာချက် ထုတ်ပြန်လိုက်သည်။

Eleven (အလဲဗင်း) မီဒီယာ စီအီးအိုနှင့် အယ်ဒီတာချုပ်တို့အပေါ် ဆက်သွယ်ရေးဥပဒေပုဒ်မ ၆၆ (ဃ) ဖြင့်အရေးယူထားခြင်းနှင့်ပတ်သက်၍ မြန်မာနိုင်ငံသတင်းစာ ဆရာများအသင်း(MJA)၊ မြန်မာဂျာနယ်လစ်ကွန်ယက်(MJN)၊ မြန်မာစာနယ်ဇင်းသမဂ္ဂ(MJU)၊ မြန်မာ မီဒီယာရှေ့နေကွန်ရက်(MMLN)၊ နိိုင်ငံတကာမြန်မာ့သတင်းမီဒီယာအဖွဲ့ (BNI) တို့က နိုဝင်ဘာလ ၁၃ ရက်နေ့ နေ့စွဲဖြင့်သဘောထားထုတ်ပြန်ခဲ့ခြင်း ဖြစ်သည်။ 

မြန်မာသတင်းအဖွဲ့အစည်း ၅ ဖွဲ့(MNA)
မြန်မာသတင်းအဖွဲ့အစည်း ၅ ဖွဲ့(MNA)
အလဲဗင်းမီဒီယာအား ရန်ကုန်တိုင်းဒေသကြီးဝန်ကြီးချုပ်မှ ဆက်သွယ်ရေးဥပဒေ ပုဒ်မ ၆၆ (ဃ)ဖြင့် တရားစွဲထားခြင်းသည် မီဒီယာဥပဒေနှင့် သတင်းမီဒီယာကောင်စီကိုမျက်ကွယ်ပြုထားသလိုလွတ် လပ်စွာထုတ်ဖော်ခွင့်ကိုလည်း ပိတ်ပင်ရာရောက်ကြောင်းမြန်မာသတင်းမီဒီယာအဖွဲ့အစည်းများက ထောက်ပြသည်။

ထို့အပြင် ရွေးကောက်ပွဲတွင် အများထောက်ခံမှုဖြင့်အာဏာရလာသည့် ရန်ကုန်တိုင်းဒေသကြီးအစိုးရအနေဖြင့် သတင်းမီဒီယာဥပဒေကိုအသုံးပြုနိုင်သော်ငြား ယခင်အစိုးရအသုံးပြုခဲ့သည့်ဥပဒေကိုပင် ပြန်လည်အသုံးချခြင်းသည် အစိုးရ၏ဂုဏ်သိက္ခာကို ထိခိုက်စေနိုင်သည်ဟု ထုတ်ပြန်ကြေညာချက်တွင် ရေးသားထားသည်။

“ဆက်သွယ်ရေးဥပဒေနဲ့ အရေးယူတိုင်တန်းတာက လွဲမှားနေတယ်၊Eleven Media Group ဟာ သတင်းမီဒီယာတစ်ခုဖြစ်ပြီး ပြည်သူလူထုအတွက် ပြန်ကြားဆက်သွယ်ရေးလုပ်ငန်းကို လုပ်ကိုင်နေတဲ့ အဖွဲ့ဖြစ်တဲ့အတွက် အရေးယူလိုပါက ၂၀၁၄ ခုနှစ် သတင်းမီဒီယာဥပဒေအရနဲ့ပဲ အရေးယူရမှာ” ဖြစ် ကြောင်း နိုဝင်ဘာ ၁၁ ရက်နေ့စွဲဖြင့် ဥပဒေအထောက်အကူပြုကွန်ရက် Legal Aid Networkကန့်ကွက်စာတွင် ရေးသားဖော်ပြထားသည်။

လာဘ်စားတိုက်ဖျက်ရေးကိုဦးတည်လျက် Daily Eleven သတင်းစာက အများပြည်သူအကျိုးအတွက် ထောက်ပြဝေဖန်ခြင်းအပေါ် ဦးဖြိုးမင်းသိန်းနှင့် NLD အစိုးရက တန်ဘိုးထားသင့်ကြောင်း၊ သတင်းမီဒီယာလွတ်လပ်ခွင့်ကို အသိအမှတ်ပြုသင့်၊ အားပေးသင့်ကြောင်း၊ ပုဂ္ဂိုလ်ရေးအာဃာတထားကာ ပြင်းထန်စွာပြန်လည်တုန့်ပြန်မှုမျိုး မပြုသင့်ကြောင်း ဥပဒေအထောက်အကူပြုကွန်ရက်က ရေးသားထားသည်။

အလားတူ ပုဒ်မ ၆၆ (ဃ) ဖြင့် Eleven (အလဲဗင်း) မီဒီယာစီအီးအိုနှင့် အယ်ဒီတာချုပ်တို့အပေါ် လတ်တလော စွဲဆိုထားသော အမှုများကိုပိတ်သိမ်းပယ်ဖျက်ပေးရန် PEN Myanmar ၊ နိုင်ငံတကာ ဂျာနယ်လစ်များ ကာကွယ်စောင့်ရှောက်ရေးကော်မတီ (CPJ) ၊   Asian News Network – ANN ခေါ် အာရှသတင်းကွန်ရက်တို့က ကြေညာချက်အသီးသီထုတ်ပြန် တောင်းဆိုထားသည်။  

မြန်မာနိုင်ငံတွင် မီဒီယာများကျင့်ဝတ်နှင့်အညီရေးသားဖော်ပြကြရန်၊သတင်းမီဒီယာဥပဒေနှင့် သတင်း မီဒီယာကျင့်ဝတ်များလည်း ပြဌာန်းထားပြီး အငြင်းပွားမှုများဖြေရှင်းရန် သတင်းမီဒီယာကောင်စီလည်း ဖွဲ့စည်းထားပြီးဖြစ်သည်။

ဆက်သွယ်ရေးဥပဒေ ပုဒ်မ ၆၆ (ဃ)ကို ၂၀၁၃ ခုနှစ်က ပြဌာန်းခဲ့ဖြစ်ပြီး ၂၀၁၃ ခုနှစ်ကနေ ၂၀၁၅ ခုနှစ်အထိ ယင်းဥပဒေဖြင့်တရားစွဲခံရသူ ရ ဦးရှိခဲ့ပြီး လက်ရှိအစိုးရလက်ထက် ရ လအတွင်း ပုဒ်မ ၆၆(ဃ)ဖြင့် တရားစွဲဆိုခံရသည့် အမှုပေါင်း ၂၉ မှုအထိ ရှိကြောင်း သိရသည်။

About မွန်သတင်းအေဂျင်စီ

Check Also

မုဒုံမြို့နယ် အမှတ် ၁ မဲဆန္ဒနယ် ပြည်နယ်လွှတ်တော်ကိုယ်စားလှယ်အား ဒေသခံ ၁၀ဝ ခန့် ဆန္ဒထုတ်ဖော်

မွန်ပြည်နယ် မုဒုံမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဒေါ်မြသိင်္ဂီမော်အား ကျေးရွာအုပ်ချုပ်ရေးမှူးထုတ်ပယ်ရခြင်းနှင့်ပတ်သက်၍ မှိန်ဂနိမ်းကျေးရွာ၌ ဒေသခံ ၁၀ဝ ခန့်တို့က စက်တင်ဘာလ ၂၁ ရက်နေ့ နံနက် …

Leave a Reply

%d bloggers like this: