မွန်  ၊ အင်္ဂလိပ် ၊  Font

Breaking News
Home / သတင်း / ယခုနှစ်အတွင်း မွန်ပြည်နယ်တွင် မီးလောင်မှု ၅၆ ကြိမ်ဖြစ်ပွားခဲ့

ယခုနှစ်အတွင်း မွန်ပြည်နယ်တွင် မီးလောင်မှု ၅၆ ကြိမ်ဖြစ်ပွားခဲ့

ရေးသားသူ:

မွန်ပြည်နယ်တွင် ၂၀၁၆ ခုနှစ် ဇန်နဝါရီလမှစ၍ ယခု နို၀င်ဘာလအထိစုစုပေါင်း မီးလောင်ကျွမ်းမှု  ၅၆ ကြိမ်ဖြစ် ပွားခဲ့ပြီး ဆုံးရှုံးမှုတန်ဖိုးသိန်းနှစ်ရာကျော်ခန့်ရှိခဲ့ကြောင်း မွန်ပြည်နယ်မီးသတ် ဦးစီးမှုးရုံးမှသိရသည်။

မီးလောင်ကျွမ်းမှုအများစုမှာ မီးဖိုမီးကြွင်းမီးကျန်မှလည်းကောင်း ၊လှျပ်စစ်ပစ္စည်းကိရိယာများ အပူလွန်ကဲရာမှ လည်းကောင်း စသည်ဖြင့်ပေါ့ဆမှုများမှ အများဆုံးဖြစ်သည်ဟု ပြည်နယ်မီးသတ်ဦးစီးမှုးရုံးမှတာ၀န်ရှိသူ တစ်ဦးက ပြောကြားသည်။

မွန်ပြည်နယ် မီးသတ်ဦးစီးမှူးရုံး(MNA)
မွန်ပြည်နယ် မီးသတ်ဦးစီးမှူးရုံး(MNA)
သူက“မီးလောင်မှုအများဆုံးဖြစ်တာကတော့ ပေါ့ဆမီးတွေကပဲဖြစ်တာများတယ်  မီးဖိုမီးကြွင်းမီးကျန်တွေကနေ ကူးစက်လောင်တာရှိတယ်၊လှျပ်စစ်ပစ္စည်းကိရိယာတွေမှာ တချို့ဆိုရင် ဒဏ်ခံတဲ့ ကိရိယာတွေမသုံးလို့လှျပ်စစ်ကနေမီးလောင်မှုတွေဖြစ်တာများတယ်” ဟု ပြောသည်။

ယခုအချိန်အခါသည် မိုးရာသီမှဆောင်းရာသီအကူးအပြောင်းကာလဖြစ်သည့်အတွက် မီဘေးအန္တရာယ် အထူးသတိရှိဖို့လိုကြောင့် ၄င်းကဆက်ပြောသည်။

“လှျပ်စစ်ဝါယာကြိုးအဟောင်းတွေကို သုံးပြီး တိတ်နဲ့ မကပ်ထားရတာတွေ၊ဟင်းအိုးတွေကို ပလပ်ထိုးထားပြီး တော့ မီးပျက်သွားလို့ ပလပ်ကိုပြန်မချွတ်မိဘဲနဲ့ မီးလာတဲ့အခါ အပူလွန်ကဲပြီးဖြစ်တာတွေ၊ မီးသီးက ဗို့အားနည်းနည်းပဲ ခံတာကို ဗို့အားများများနဲ့ ထွန်းမိတဲ့အခါတွေမှာ မိသီးကပေါက်ကွဲပြီး လောင်ကျွမ်းတာတွေဟာ လှျပ် စစ်ကြောင့်ဖြစ်တာပေါ့” ဟုမော်လမြိုင်မြို့တွင် ကွန်ပျူတာပြုပြင်သူတစ်ဦးဖြစ်သူ ကိုအဗိုင်းကပြောသည်။

မွန်ပြည်နယ်အတွင်း မီးလောင်ကျွမ်းမှုအကြိမ်အရေအတွက်များမှာဇန်နဝါရီလတွင် ၉ ကြိမ်၊ ဖေဖော်ဝါရီလတွင် ၁၂ ကြိမ်၊ မတ်လတွင် ၅ ကြိမ်၊ဧပြီလတွင် ၁၀ ကြိမ်၊ မေလတွင် ၄ ကြိမ်၊ ဇွန်လတွင် ၂ ကြိမ်၊ ဇူလိုင်လတွင် ၂ကြိမ်၊ စက်တင်ဘာလတွင် ၆ ကြိမ်၊ အောက်တိုဘာလတွင် ၂ ကြိမ်၊နိုင်၀င်ဘာလတွင် ၄ ကြိမ် စုစုပေါင်း ၅၆ ကြိမ်းမီးလောင်ကျွမ်းမှုဖြစ်ပွားခဲ့သည်။

ပြီးခဲ့သည့်ဇွန်လအတွင်း မော်လမြိုင်မြို့ မရမ်းကုန်းရပ်ကွက်၊ ပုလဲလမ်းရှိ နေအိမ်တစ်လုံး မီးလောင်မှုဖြစ်ခဲ့ရာ အသက် ၃၅ နှစ်အရွယ် အမျိုးသားတစ်ဦးသေဆုံးမှုရှိခဲ့ကြောင်း၊  ထို့အပြင် အောက်တိုဘာလအတွင်း ၂ ကြိမ်သာ မီးလောင်ကျွမ်းမှုဖြစ်ခဲ့သော််လည်း ပျက်စီးဆုံးရှုံးမှုတန်ဖိုး သိန်း ၄၀ ခန့်ရှိကြောင်း သိရသည်။

မွန်ပြည်နယ်သည် မြို့နယ်နှင့် မြို့နယ်ခွဲအရေအတွက် ၁၂ဖြင့်ဖွဲ့စည်းထားပြီး  ၂၀၁၄ ခုနှစ်တွင် ကောက်ခံထားသောသန်းခေါင်စာရင်းအရ လူဦးရေ ၂ သန်းကျော်နှင့် အိမ်ထောင်စုလေးသိန်းကျော်နေထိုင်ကြကြောင်း သိရသည်။

About မွန်သတင်းအေဂျင်စီ

Check Also

ကမာကေး-တော်ပကောက် လမ်းပြုပြင်မည့်ဘတ်ဂျက်ငွေမလုံလောက်

မွန်ပြည်နယ်၊ ဘီလူးကျွန်းရှိ ကမာကေး-တော်ပကောက်လမ်းအမြန်ဆုံးပြုပြင်နိုင်ရန် ၂၀၁၇-၁၈ ခုနှစ် ကျေးလက်ဦးစီးဌာနများ၏ ဘတ်ဂျက်ငွေများ လျှော့ချလိုက်သည့်အတွက် ဘတ်ဂျက်ငွေ မလုံလောက်ဖြစ်နေကြောင်း ချောင်းဆုံမြို့နယ်၊ စည်ပင်သာယာရေးကော်မတီမှ သတင်းရရှိသည်။ Related

Leave a Reply

%d bloggers like this: