မွန်  ၊ အင်္ဂလိပ် ၊  Font

Breaking News
Home / သတင်း / သံလွင်၊ အတ္ထရံနှင့် ဂျိုင်းမြစ်အတွင်းရှိ ငါးဖမ်းပိုက်ချက်များကို တင်ဒါရောင်းချတော့မည်

သံလွင်၊ အတ္ထရံနှင့် ဂျိုင်းမြစ်အတွင်းရှိ ငါးဖမ်းပိုက်ချက်များကို တင်ဒါရောင်းချတော့မည်

ရေးသားသူ:

၂၀၁၆-၂၀၁၇ ခုနှစ်လုပ်ငန်းရာသီအတွက် သံလွင်မြစ်၊ အတ္ထရံမြစ်နှင့် ဂျိုင်းမြစ်အတွင်းရှိ တင်ဒါငါးဖမ်းပိုက်ချက်များကို ဇူလိုင်လ ၂၅ ရက်နေ့တွင် တင်ဒါစတင်ရောင်းချသွားမည်ဟု မော်လမြိုင်ခရိုင် ငါးလုပ်ငန်းဦးစီးဌာနမှ သိရသည်။

“အတ္ထရံမြစ်ရယ် သံလွင်မြစ်ရယ် နောက် ဂျိုင်းမြစ်ရယ် မွန်ပြည်နယ်ဧရိယာအတွင်းက တင်ဒါပိုက်ချက်တွေကို တင်ဒါရောင်းချမယ်၊ ဇူလိုင်လ ၂၅ ရက်နေ့မှာ စတင်ရောင်းချမယ်၊ တင်ဒါကို ၅ ခါရောင်းချသွားမှာဖြစ်တယ်” ဟု မော်လမြိုင်ခရိုင် ငါးလုပ်ငန်းဦးစီးဌာန ခရိုင်ဦးစီးဌာနမှူး ဦးဝင်းမြင့်က ပြောသည်။

သံလွင်မြစ်အတွင်းရှိ ရေလုပ်သားမိသားစု (MNA)
သံလွင်မြစ်အတွင်းရှိ ရေလုပ်သားမိသားစု (MNA)

ရောင်းချမည့် အထူးတင်ဒါပိုက်ချက်များအနက် မော်လမြိုင်ခရိုင်အတွင်းရှိ မော်လမြိုင်မြို့နယ်တွင် ပိုက်ချက် ၅၀၊ ကျိုက်မရောတွင် ၂၀ ၊ မုဒုံတွင် ၃ ချက်နှင့် ချောင်းဆုံတွင် ပိုက်ချက် ၂၄ ချက်နှင့် သထုံခရိုင် ပေါင်မြို့နယ်တွင် ပိုက်ချက် ၅ ချက် စုစုပေါင်း ၁၀၂ ချက်ရှိသည်ဟု မော်လမြိုင်ခရိုင် ငါးလုပ်ငန်းဦးစီးဌာနမှ သိရသည်။

အထူးတင်ဒါပိုက်ချက် တင်ဒါရောင်းချခြင်းကို မွန်ပြည်နယ် ငါးလုပ်ငန်းဦးစီးဌာနရုံးတွင် ဇူလိုင်လ ၂၅ ရက်နေ့တွင် ကျင်းပသွားမည်ဖြစ်ကြောင်း တင်ဒါချက်အလိုက် ကြိုတင်ပေးသွင်းရမည့်ငွေများကိုလည်း ဇူလိုင်လ ၂၂ ရက်နေ့ နောက်ဆုံးထားကာ မြန်မာ့စီးပွားရေးဘဏ်(မော်လမြိုင်) သို့ ပေးသွင်းရမည်ဖြစ်ကြောင်း ငါးလုပ်ငန်းဦးစီးဌာနက ကြေညာထားသည်။

ငါးလုပ်ငန်းဦးစီးဌာနအနေဖြင့် ၂၀၁၆-၂၀၁၇ ခုနှစ် အထူးတင်ဒါပိုက်ချက်များ တင်ဒါရောင်းချခြင်းနှင့် ပတ်သက်သည့် တင်ဒါစည်းမျဉ်းစည်းကမ်းများကိုလည်း တင်ဒါဝယ်သူများ သိရှိနားလည်ရန်အတွက် ဇူလိုင်လ ၁၈ ရက်နေ့က ရှင်းလင်းခဲ့ပြီးဖြစ်သည်ဟု ဦးဝင်းမြင့်က ပြောသည်။

ပိုက်ချက်တင်ဒါဆွဲမည့် ရေလုပ်သားများအနေဖြင့် ငါးလုပ်ငန်းဦးစီးဌာနအနေဖြင့် ပိုက်ချက်တည်နေရာများကို မှန်ကန်သည့်အမှတ်အသားဖြင့် စနစ်တကျသတ်မှတ်ပေးစေခြင်ကြောင်း၊ ပိုက်ချက်တည်နေရာကြောင့် ပြဿနာဖြစ်မည်ကို စိုးရိမ်ကြောင်း ရေလုပ်သားတစ်ဦးက ပြောသည်။

၂၀၁၅-၂၀၁၆ ခုနှစ်လုပ်ငန်းရာသီမှာတော့ မွန်ပြည်နယ် မော်လမြိုင်ခရိုင်အတွင်းရှိ မော်လမြိုင်၊ ကျိုက်မရော၊ မုဒုံနှင့် ချောင်းဆုံမြို့နယ်တို့မှ စုစုပေါင်း ပိုက်ချက် ၉၈ ချက် တင်ဒါရောင်းချခဲ့ပြီး တင်ဒါရောင်းရငွေ စုစုပေါင်း ကျပ်သိန်းပေါင်း ၆၀ဝ၀ နီးပါးရရှိခဲ့သည်ဟု မော်လမြိုင်ခရိုင် ငါးလုပ်ငန်းဦးစီးဌာနရုံးမှ သိရသည်။

About မွန်သတင်းအေဂျင်စီ

Check Also

မုဒုံမြို့နယ် အမှတ် ၁ မဲဆန္ဒနယ် ပြည်နယ်လွှတ်တော်ကိုယ်စားလှယ်အား ဒေသခံ ၁၀ဝ ခန့် ဆန္ဒထုတ်ဖော်

မွန်ပြည်နယ် မုဒုံမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဒေါ်မြသိင်္ဂီမော်အား ကျေးရွာအုပ်ချုပ်ရေးမှူးထုတ်ပယ်ရခြင်းနှင့်ပတ်သက်၍ မှိန်ဂနိမ်းကျေးရွာ၌ ဒေသခံ ၁၀ဝ ခန့်တို့က စက်တင်ဘာလ ၂၁ ရက်နေ့ နံနက် …

Leave a Reply

%d bloggers like this: