မွန်  ၊ အင်္ဂလိပ် ၊  Font

Breaking News
Home / သတင်း / မူးယစ်ဆေးဝါးအလုံး ၁၉၄၄ မုဒုံမြို့တွင်ဖမ်းဆီးရမိ

မူးယစ်ဆေးဝါးအလုံး ၁၉၄၄ မုဒုံမြို့တွင်ဖမ်းဆီးရမိ

ရေးသားသူ: >

မွန်ပြည်နယ်၊ မုဒုံမြို့၌ ဇွန်လ ၂၄ ရက်နေ့တွင် မူးယစ်ဆေးဝါး ၁၉၄၄ လုံး ဖမ်းဆီရမိခဲ့ကြောင်း ဒုတိယအကြိမ် မွန်ပြည်နယ်လွှတ်တော် ဒုတိယအကြိမ် ပုံမှန်အစည်းအဝေး ပထမနေ့(ဇွန် ၂၇) ၌ မွန်ပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းနိုင်ဦး က ပြောကြားခဲ့သည်။

ဖမ်းဆီးမိသောမူးယစ်ဆေးဝါးပုံ မဟုတ်ပါ၊ အလားတူပုံသာဖြစ်သည်(Internet)
ဖမ်းဆီးမိသောမူးယစ်ဆေးဝါးပုံ မဟုတ်ပါ၊ အလားတူပုံသာဖြစ်သည်(Internet)

ဗိုလ်မှူးကြီး ဝင်းနိုင်ဦး က “မုဒုံမြို့၊ မြို့မ ၄ ရပ်ကွက်၊ မုဒုံ-ကျွန်းရွာအသွားကားလမ်းဘေး ရွှင်ပျော်ပျော် စားသောက်ဆိုင်ရှေ့တွင် သံမဏိ (ခေါ်) မိုးပလဲ မောင်နှင်းသည့် ဇင်လင်းဦး စီနင်းလာသော ဆိုင် ကယ်ကို ရပ်တန့်စစ်ဆေးရာ ဖမ်းဆီးရမိသည်” ဟု ပြောသည်။

မွန်ပြည်နယ်တွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ တားဆီးနှိမ်နှင်းရေးအဖွဲ့ ကို ပြည်နယ်အဆင့် ၁ ဖွဲ့၊ ခရိုင်အဆင့် ၂ ဖွဲ့၊ မြို့နယ်အဆင့် ၁၀ ဖွဲ့၊ ရပ်/ကျေးအဆင့် ၄၃၁ ဖွဲ့ ဖွဲ့စည်း ထားသည်ဟု ဗိုလ်မှူးကြီး ဝင်းနိုင်ဦး က ဆက်ပြောသည်။

သထုံမြို့နယ်၊ မဲဆန္ဒနယ် အမှတ် ၁၊ ပြည်နယ်လွှတ်တော်ကိုယ်စားလှယ် ဒေါ်ခိုင်ခိုင်လဲ့၏ မွန်ပြည်နယ်အတွင်းရှိ မူးယစ်ဆေးဝါးများရောင်းဝယ်ဖောက်ကားသုံးစွဲခြင်းကိစ္စနှင့်ပတ်သက်၍ မေးခွန်ကို ပြန်လည်ဖြေကြားထား ခြင်းဖြစ်သည်။

၂၀၁၆၊ ဇန်နဝါရီ ၁ ရက်နေ့မှ ဇွန် ၂၄ ရက်နေ့အထိ မွန်ပြည်နယ်တွင် မူးယစ်ဆေးဝါး ၁၁၀ မှုဖမ်းဆီးရရှိပြီး တရားခံကျား ၁၃၆ ဦး၊ မ ၁၂ ဦး စုစုပေါင်း ၁၄၈ ဦး ဖမ်းဆီးအရေးယူခဲ့သည် ဟု သိရပြီး ယခုဖမ်းဆီးရမိသည့် မူးယစ်ဆေးဝါးအရေအတွက်သည် ၂၀၁၆ ခုနှစ်တွင် မွန်ပြည်နယ်၌ အများဆုံးဖမ်းဆီးရမိခြင်း ဖြစ်သည်ဟု လုံခြုံရေးနှင့် နယ်စပ်ရေးရာဝန်ကြီး ဆိုသည်။

About မွန်သတင်းအေဂျင်စီ

Check Also

၁၉၉၅ အပစ်ရပ် မွန်ပြည်သစ်နှင့် လက်ရှိ NCA အခင်းအကျင်း

၁၉၉၅ ခုနှစ် အပစ်အခတ်ရပ်စဲရေး ယခင် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့(နဝတ) စစ်အစိုးရနှင့် မွန်ပြည်သစ်ပါတီ (NMSP) တို့ လက်မှတ် ရေးထိုးစရာမလိုဘဲ Gentleman Agreement လူကြီးလူကောင်းဆန်သော …

Leave a Reply

%d bloggers like this: