မွန်  ၊ အင်္ဂလိပ် ၊  Font

Breaking News
Home / သတင်း / ပေါင်မြို့နယ်ရှိကျောက်မိုင်းများရပ်ဆိုင်းပေးရန် ပြည်ထောင်စုဝန်ကြီးထံတင်ပြထား

ပေါင်မြို့နယ်ရှိကျောက်မိုင်းများရပ်ဆိုင်းပေးရန် ပြည်ထောင်စုဝန်ကြီးထံတင်ပြထား

ရေးသားသူ: >

မွန်ပြည်နယ်၊ ပေါင်မြို့နယ် ကုလားမတောင်သစ်တောကြိုးဝိုင်းအတွင်းရှိ ကျောက်မိုင်းကုမ္ပဏီများအားလုံး လုပ်ငန်းများအပြီးတိုင်ရပ်ဆိုင်းရန် သက်ဆိုင်ရာပြည်ထောင်စုဝန်ကြီးထံ တင်ပြထားပြီးဖြစ်ကြောင်း ပေါင်မြို့နယ် ပြည်သူ့လွှတ်တော်ကိုယ်စားလှယ် မိကွန်ချမ်းက ပြောသည်။

ကုလားမတောင်ကျောက်မိုင်းနေရာတစ်ခု(MNA)
ကုလားမတောင်ကျောက်မိုင်းနေရာတစ်ခု(MNA)

ကုလားမတောင်သစ်တောကြိုးဝိုင်းအတွင်း ကျောက်တူးဖော်ရေးကုမ္ပဏီ ၂၂ ၏ကျောက်တူးဖော်ရေးလုပ်ငန်း များကို ပြန်လည်စီစစ်ပေးရန်နှင့် အပြီးတိုင်ရပ်ဆိုင်းပေးရန် ဇွန်လ(၁၀)ရက်နေ့တွင် သံယံဇာတနှင့်သဘာဝ ပတ်ဝန်းကျင်ထိန်သိမ်းရေးဝန်ကြီးထံ မိကွန်ချမ်း စာရေးသားပေးပို့ တင်ပြခဲ့သည်ဟု ဆိုသည်။

မိကွန်ချမ်းက “သစ်တောကြိုးဝိုင်းအတွင်းမှာရှိတဲ့ ကျောက်မိုင်းကုမ္ပဏီများရဲ့ လုပ်ငန်းလုပ်ကိုင်ခွင့်နဲ့ လုပ်ငန်းသက်တမ်းကို ထပ်မံတိုးခွင့်မပြု့ဖို့နဲ့ အပြီးတိုင်ရပ်ဆိုင်းပေးဖို့ပါ” ဟု ပြောသည်။

ပြည်သူ့ဆန္ဒ သဘောထားကို သက်ဆိုင်ရာအစိုးရအဖွဲ့မှ ဆောင်ရွက်ပေးခြင်းမရှိလျှင် ပြည်ထောင်စု အဆင့်လွှတ်တော်များ၌ ဖြေရှင်းဆောင်ရွက်မည်ဟု မိကွန်ချမ်းက ဆိုသည်။

အလားတူ ယင်းသစ်တော်ကြိုးဝိုင်းအတွင်းရှိ ကျောက်ထုက်လုပ်မှုကို ရပ်ဆိုင်းရန် ပေါင်မြို့နယ်၊ မဲဆန္ဒနယ်အမှတ် (၂) ပြည်နယ်လွှတ်တော်ကိုယ်စားလှယ် ဦးဇော်ဇော်ထူးကလည်း မွန်ပြည်နယ်လွှတ်တော်သို့ အဆိုတင်သွင်းထားပြီး ဖြစ်သည်။

ထို့အပြင် ယင်းကြိုးဝိုင်းအတွင်းရှိ Long Life ကျောက်မိုင်းကုမ္ပဏီ အပြီးတိုင်ရပ်ဆိုင်းပေးရန် ဒေသခံ(၅၀ဝ)ခန့်သည် သဘာဝပတ်ဝန်းကျင်ထိန်းသိမ်းရေးနေ့ဖြစ်သည့် ဇွန်လ(၅)ရက်နေ့တွင် ပေါင်မြို့နယ် ဥတ္တာံးရွာ၌ ဆန္ဒထုတ်ဖော်မှုများလည်း ရှိခဲ့သည်။

အဆိုပါဒေသခံများက ကျောက်မိုင်းကို ရပ်တန့်ပေးရေး ၁၂-၈-၂၀၁၄ တွင် လက်မှတ် ၂၅၀ဝ ကျော်၊ ၂၉-၁၂-၂၀၁၅ တွင် လက်မှတ် ၈၀ဝ ကျော်၊ ၂၂-၁-၂၀၁၆ လက်မှတ် ၁၀ဝဝ ကျော် သက်ဆိုင်ရာအစိုးရအာဏာပိုင်ဌာနများသို့ ကန့်ကွက်ထားကြောင်း သိရသည်။

မြေဧရိယာ (၃၃၇၃၁.၂၉)ဧကရှိသော ကုလားမတောင်သစ်တောကြိုးဝိုင်းအတွင်း ကျောက်တူးဖော်ရေးလုပ်ငန်းများကို သစ်တောဦးစီးဌာနထံမှ လုပ်ငန်းလိုင်စင် ရယူထားပြီး လမ်းခမ်းကျောက်နှင့် ဆောက်လုပ်ရေးလုပ်ငန်းသုံးကျောက်ထုတ်လုပ်ရေး ကုမ္ပဏီ ၂၂ ခုတို့ လုပ်ကိုင်နေခြင်း ဖြစ်သည်။

About မွန်သတင်းအေဂျင်စီ

Check Also

မုဒုံမြို့နယ် အမှတ် ၁ မဲဆန္ဒနယ် ပြည်နယ်လွှတ်တော်ကိုယ်စားလှယ်အား ဒေသခံ ၁၀ဝ ခန့် ဆန္ဒထုတ်ဖော်

မွန်ပြည်နယ် မုဒုံမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဒေါ်မြသိင်္ဂီမော်အား ကျေးရွာအုပ်ချုပ်ရေးမှူးထုတ်ပယ်ရခြင်းနှင့်ပတ်သက်၍ မှိန်ဂနိမ်းကျေးရွာ၌ ဒေသခံ ၁၀ဝ ခန့်တို့က စက်တင်ဘာလ ၂၁ ရက်နေ့ နံနက် …

Leave a Reply

%d bloggers like this: